ମୁମ୍ବାଇ କୋଷ୍ଟାଲ ରୋଡରେ ଭୟଙ୍କର BMW ଦୁର୍ଘଟଣା, ୩ ମୃତ; ଜଣେ ଗୁରୁତର
ନନ୍ଦିଘୋଷ ବ୍ୟୁରୋ : ମୁମ୍ବାଇ କୋଷ୍ଟାଲ ରୋଡରେ ଭୟଙ୍କର ସଡ଼କ ଦୁର୍ଘଟଣା। ଭରସାମ୍ୟ ହରାଇ ବ୍ରିଜ୍ରୁ ତଳକୁ ଖସିପଡ଼ିଲା ଦ୍ରୁତଗାମୀ BMW କାର। ଦୁର୍ଘଟଣାରେ ୩ ଜଣଙ୍କ ମୃତ୍ୟୁ ହୋଇଥିବାବେଳେ ଜଣେ ଗୁରୁତର ଆହତ ହୋଇଛନ୍ତି। ରବିବାର ଭୋର ପ୍ରାୟ ୫ଟା ସମୟରେ ଲୋଟସ୍ ଜେଟି ନିକଟରେ ଏହି ଦୁର୍ଘଟଣା ଘଟିଥିଲା। ପୋଲିସ ଅନୁସାରେ, କଳା ରଙ୍ଗର BMW କାରଟି ମେରିନ୍ ଡ୍ରାଇଭ୍ରୁ ହାଜି ଅଲି ଦିଗକୁ ଯାଉଥିବାବେଳେ ଅତ୍ୟଧିକ ବେଗ ଯୋଗୁଁ ଚାଳକ ନିୟନ୍ତ୍ରଣ ହରାଇଥିଲେ। କାରଟି ପ୍ରଥମେ କୋଷ୍ଟାଲ ରୋଡର ବାହ୍ୟ ପ୍ରାଚୀରରେ ଧକ୍କା ହୋଇ ପ୍ରାୟ ୭୫ ଫୁଟ୍ ତଳକୁ ଖସିପଡ଼ିଥିଲା।
ଦୁର୍ଘଟଣା ପରେ କାରରେ ଥିବା ୪ ଜଣଙ୍କୁ ଉଦ୍ଧାର କରି ନାୟର ହସ୍ପିଟାଲକୁ ନିଆଯାଇଥିଲା। ଡାକ୍ତର ୩ ଜଣଙ୍କୁ ମୃତ ଘୋଷଣା କରିଥିବାବେଳେ ଜଣେ ଯୁବକ ଗୁରୁତର ଅବସ୍ଥାରେ ଚିକିତ୍ସାଧୀନ ଅଛନ୍ତି। ମୃତକମାନେ ୧୭, ୧୯ ଓ ୨୧ ବର୍ଷ ବୟସର ବୋଲି ଜଣାପଡ଼ିଛି। ଘଟଣାର CCTV ଭିଜୁଆଲ୍ ମଧ୍ୟ ସାମ୍ନାକୁ ଆସିଛି। ଘଟଣାର କାରଣ ନେଇ ପୋଲିସ ତଦନ୍ତ ଜାରି ରଖିଛି। ମୁମ୍ବାଇର ପ୍ରାୟ ୧୦.୫୮ କିଲୋମିଟର ଲମ୍ବା କୋଷ୍ଟାଲ ରୋଡ୍ ମେରିନ୍ ଡ୍ରାଇଭ୍କୁ ୱର୍ଲି ଓ ବାନ୍ଦ୍ରା-ୱର୍ଲି ସି ଲିଙ୍କ୍ ଦିଗ ସହ ଯୋଡ଼ିଥାଏ।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ NANDIGHOSHA TV - ନନ୍ଦିଘୋଷ ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି NANDIGHOSHA TV - ନନ୍ଦିଘୋଷ ଟିଭି ଦେଖନ୍ତୁ।
