Gautam Gambhir Future: ଗମ୍ଭୀରଙ୍କୁ ନେଇ BCCIର ବଡ଼ ନିଷ୍ପତ୍ତି, ମିଳିଲା ବଡ଼ ସଙ୍କେତ
ଭାରତୀୟ କ୍ରିକେଟ୍ ଦଳର ହେଡ୍ କୋଚ୍ ଗୌତମ ଗମ୍ଭୀରଙ୍କ ପଦକୁ ନେଇ ଚର୍ଚ୍ଚା ଭିତରେ ଆସିଛି ବଡ଼ ଖବର। ଖରାପ ପ୍ରଦର୍ଶନ ସତ୍ତ୍ୱେ ଗମ୍ଭୀରଙ୍କୁ ହଟାଇବା ନେଇ ବର୍ତ୍ତମାନ କୌଣସି ଯୋଜନା ନାହିଁ ବୋଲି ରିପୋର୍ଟରୁ ସଙ୍କେତ ମିଳିଛି।
ଗମ୍ଭୀରଙ୍କ ପଦ ସୁରକ୍ଷିତ ରହିବା ପଛରେ ଦୁଇଟି ପ୍ରମୁଖ କାରଣ ରହିଛି। ପ୍ରଥମତଃ, ବିରାଟ କୋହଲି, ରୋହିତ ଶର୍ମା ଓ ରବିଚନ୍ଦ୍ରନ ଅଶ୍ୱିନଙ୍କ ଅବସର ପରେ ଟେଷ୍ଟ ଦଳ ଏବେ ପରିବର୍ତ୍ତନର ଦିନ ଦେଇ ଗତି କରୁଛି। ଶୁଭମନ ଗିଲ୍ଙ୍କ ନେତୃତ୍ୱରେ ନୂଆ କୋର୍ ଟିମ୍ ଗଢ଼ିଉଠୁଛି ବୋଲି BCCI ବିଚାର କରୁଛି।
ଦ୍ୱିତୀୟ କାରଣ ହେଉଛି ଖେଳାଳିଙ୍କ ଆହତ ସମସ୍ୟା। ବିଶେଷକରି ଗିଲ୍ଙ୍କ ଆଘାତ ଯୋଗୁଁ ଘରୋଇ ଟେଷ୍ଟ ସିରିଜ୍ର ଫଳ ଅଲଗା ହୋଇପାରିଥାନ୍ତା ବୋଲି ମତ ରହିଛି। ଆଗାମୀ ଶ୍ରୀଲଙ୍କା ଟେଷ୍ଟରେ ମଧ୍ୟ ଜସପ୍ରିତ ବୁମରା, ସାଇ ସୁଦର୍ଶନ ଓ ୱାଶିଂଟନ ସୁନ୍ଦରଙ୍କ ଅନୁପସ୍ଥିତି ଭାରତ ପାଇଁ ଚିନ୍ତାର କାରଣ।
ଟେଷ୍ଟରେ ତତ୍କାଳ ଅନ୍ତରୀଣ କୋଚ୍ ଆଣିବାର ସମ୍ଭାବନା ମଧ୍ୟ ନାହିଁ। ଆଉ ହ୍ୱାଇଟ୍-ବଲ୍ କ୍ରିକେଟ୍ରେ ଗମ୍ଭୀରଙ୍କୁ ଅତି କମ୍ରେ ୨୦୨୭ ଦିନିକିଆ ବିଶ୍ୱକପ୍ ପର୍ଯ୍ୟନ୍ତ ଦାୟିତ୍ୱରେ ରଖାଯିବ ବୋଲି ଜଣାପଡିଛି। ଅର୍ଥାତ୍, ଏବେ ପାଇଁ ଗମ୍ଭୀରଙ୍କ ଚେୟାର୍ ସୁରକ୍ଷିତ।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ ODISHA TV - ଓଡିଶା ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ODISHA TV - ଓଡିଶା ଟିଭି ଦେଖନ୍ତୁ।
