GM University Convocation ଜୀବନରେ ଡିଗ୍ରି ଦ୍ୱାର ଖୋଲିବ, ନିଷ୍ପତ୍ତି ଜୀବନ ଗଢ଼ିବ: ରାଜ୍ୟପାଳ

"ଗଙ୍ଗାଧର ମେହେର ବିଶ୍ୱବିଦ୍ୟାଳୟର ସମାବର୍ତ୍ତନ ସମାରୋହ ଭୁବନେଶ୍ୱର:   ଜଣେ ଛାତ୍ରଙ୍କ ଜୀବନରେ ଡିଗ୍ରି ଦ୍ୱାର ଖୋଲିବ ଏବଂ ନିଷ୍ପତ୍ତି ଜୀବନ ଗଢ଼ିବ ବୋଲି ରାଜ୍ୟପାଳ ଡକ୍ଟର ହରିବାବୁ କମ୍ଭମପାଟି କହିଛନ୍ତି I  ଗଙ୍ଗାଧର ମେହେର ବିଶ୍ୱବିଦ୍ୟାଳୟର ସମାବର୍ତ୍ତନ ସମାରୋହରେ ରାଜ୍ୟପାଳ ଆଜି (ସୋମବାର) ଯୋଗଦେଇ ଏହା କହିଛନ୍ତି I ପରିବର୍ତ୍ତନଶୀଳ ବିଶ୍ୱରେ ନିଜକୁ ପ୍ରାସଙ୍ଗିକ ରଖିବା ପାଇଁ ନିରନ୍ତର ଶିକ୍ଷା, ପରିବର୍ତ୍ତନ ସହ ଖାପ ଖୁଆଇବା ସହ ପ୍ରଯୁକ୍ତି ଓ ଉଦ୍ୟୋଗୀ ଦକ୍ଷତା ହାସଲ କରିବାକୁ ସ୍ନାତକ ଛାତ୍ରଛାତ୍ରୀଙ୍କୁ ରାଜ୍ୟପାଳ ଆହ୍ୱାନ ଜଣାଇଛନ୍ତି ।

ଏତତବ୍ୟତୀତ ରାଜ୍ୟପାଳ କହିଛନ୍ତି ଯେ ଆଧୁନିକ ବିଶ୍ୱରେ ସେମାନେ ହିଁ ସବୁଠୁ ଅଧିକ ସଫଳ ହେବେ, ଯେଉଁମାନେ ଶିଖିବେ, ଅପ୍ରଚଳିତ ଚିନ୍ତାଧାରାକୁ ଦୂରେଇ ଦେବେ ଓ ପୁନଃ ଶିଖିବାର କ୍ଷମତା ରଖିବେ।Advertisment Gangadhar Meher: ଆଜି ଶ୍ରାଦ୍ଧବାର୍ଷିକୀ: ଗଙ୍ଗାଧର ମେହେର ଏହି ସମାରୋହରେ ରାଜ୍ୟପାଳ ନିଜର ବକ୍ତବ୍ୟରେ କହିଥିଲେ ଯେ, ଭାରତ ଆତ୍ମବିଶ୍ୱାସର ସହ ଆଗକୁ ବଢ଼ୁଛି।

୨୦୨୬-୨୭ ଆର୍ଥିକ ବର୍ଷର ପ୍ରଥମ ତିନି ମାସରେ ଦେଶର ପ୍ରକୃତ ଜିଡିପି ଅଭିବୃଦ୍ଧି ୭.୮ ପ୍ରତିଶତ ରହିବା ଆକଳନ କରାଯାଇଛି।

ସେମିକଣ୍ଡକ୍ଟର, ଇଲେକ୍ଟ୍ରୋନିକ୍ସ, ମହାକାଶ, ଡିଜିଟାଲ ପ୍ରଯୁକ୍ତି, ଉତ୍ପାଦନ, ସ୍ୱାସ୍ଥ୍ୟସେବା, କୃଷି ଓ ଅକ୍ଷୟ ଶକ୍ତି ଭଳି କ୍ଷେତ୍ରରେ ନୂଆ ସୁଯୋଗ ସୃଷ୍ଟି ହେଉଥିବା ବେଳେ ଏହାର ଲାଭ ପ୍ରସ୍ତୁତ ଥିବା ଯୁବପିଢ଼ି ହିଁ ଉଠାଇ ପାରିବେ।

ଜାତୀୟ ଶିକ୍ଷା ନୀତି (ଏନଇପି) ୨୦୨୦ରେ ସାମଗ୍ରିକ, ବହୁବିଷୟକ, ଅନୁଭୂତିଭିତ୍ତିକ ଓ ଦକ୍ଷତାଭିତ୍ତିକ ଶିକ୍ଷାକୁ ଗୁରୁତ୍ୱ ଦିଆଯାଇଛି।

ଶିକ୍ଷା ଓ ଦକ୍ଷତା ବିକାଶ କ୍ଷେତ୍ରରେ ନୀତିକୁ ଆଗେଇ ନେବାରେ ପୂର୍ବତନ କେନ୍ଦ୍ରମନ୍ତ୍ରୀ ତଥା ସମ୍ବଲପୁର ସାଂସଦ ଧର୍ମେନ୍ଦ୍ର ପ୍ରଧାନଙ୍କ ଅବଦାନକୁ ସେ ପ୍ରଶଂସା କରିଛନ୍ତି।

ସ୍ୱଭାବ କବି ଗଙ୍ଗାଧର ମେହେରଙ୍କୁ ଶ୍ରଦ୍ଧାଞ୍ଜଳି ଜଣାଇ ରାଜ୍ୟପାଳ କହିଛନ୍ତି ଯେ, ପଶ୍ଚିମ ଓଡ଼ିଶାର ସମୃଦ୍ଧ ହସ୍ତତନ୍ତ, ହସ୍ତଶିଳ୍ପ, ଲୋକପରମ୍ପରା ଓ ପାରମ୍ପରିକ ଜ୍ଞାନକୁ ଆଗକୁ ନେବା ପାଇଁ ବିଶ୍ୱବିଦ୍ୟାଳୟ କାରିଗର, ଡିଜାଇନର, ପ୍ରଯୁକ୍ତିବିତ୍, ଉଦ୍ୟୋଗୀ ଓ ଛାତ୍ରଛାତ୍ରୀଙ୍କୁ ଏକାଠି କରିବା ଆବଶ୍ୟକ।

ଲୋକ ଭବନ ଆଇଜିବିସି ଗ୍ରିନ୍ କ୍ୟାମ୍ପସ୍ ରେଟିଂ ସିଷ୍ଟମ୍‌ରେ ପ୍ଲାଟିନମ୍ ସାର୍ଟିଫିକେସନ୍ ମିଳିଥିବା ଉଲ୍ଲେଖ କରି ସେ କହିଛନ୍ତି ଯେ ସ୍ଥାୟୀ ବିକାଶ କେବଳ ଏକ ଧାରଣା ନୁହେଁ, ଏହାକୁ ଶିକ୍ଷାନୁଷ୍ଠାନରେ ଅନୁସରଣ କରାଯାଇପାରେ।

ସ୍ନାତକମାନଙ୍କୁ ନିଜ ଶିକ୍ଷାକୁ ସମାଜର ବୃହତ୍ତର ମଙ୍ଗଳରେ ବ୍ୟବହାର କରିବାକୁ ଆହ୍ୱାନ ଦେଇ ରାଜ୍ୟପାଳ କହିଛନ୍ତି ଯେ ଡିଗ୍ରି ଏକ ଦ୍ୱାର ଖୋଲିଥାଏ, କିନ୍ତୁ ନିଜର ପସନ୍ଦ ଜୀବନକୁ ପରିଭାଷିତ କରିବ।

ଓଡ଼ିଶାର ଐତିହ୍ୟକୁ ବିଶ୍ୱସ୍ତରରେ ପହଞ୍ଚାଇବା ସହ ବିଶ୍ୱର ଶ୍ରେଷ୍ଠ ଚିନ୍ତାଧାରାକୁ ଓଡ଼ିଶାକୁ ଆଣିବା ପାଇଁ ସେ ଯୁବପିଢ଼ିଙ୍କୁ ପରାମର୍ଶ ଦେଇଛନ୍ତି।

Odisha Governor Advises ୨୦୨୩ ବ୍ୟାଚ୍‌ ଓଏଏସ୍ ପ୍ରଶିକ୍ଷାର୍ଥୀଙ୍କୁ ରାଜ୍ୟପାଳଙ୍କ ପରାମର୍ଶ, ଜନକଲ୍ୟାଣ ଯୋଜନାକୁ ଭଲଭାବେ ଜାଣନ୍ତୁ ଏହି ସମାରୋହରେ ସାଂସଦ ଧର୍ମେନ୍ଦ୍ର ପ୍ରଧାନ ଓ ଉଚ୍ଚଶିକ୍ଷା ମନ୍ତ୍ରୀ ସୂର୍ଯ୍ୟବଂଶୀ ସୂରଜ ମଧ୍ୟ ଉଦ୍‌ବୋଧନ ଦେଇଥିଲେ।

ବିଶ୍ୱବିଦ୍ୟାଳୟର କୁଳପତି ପ୍ରଫେସର ବ୍ୟୋମକେଶ ତ୍ରିପାଠୀ ସ୍ୱାଗତ ଭାଷଣ ପ୍ରଦାନ କରିଥିଲେ।

ଏହି ଅବସରରେ କୃତୀ ଛାତ୍ରଛାତ୍ରୀଙ୍କୁ ରାଜ୍ୟପାଳ ବିଭିନ୍ନ ଡିଗ୍ରି ପ୍ରଦାନ କରିଥିଲେ।"