India vs WI T20I: ୱେଷ୍ଟଇଣ୍ଡିଜ୍ ବିପକ୍ଷ ‌ପ୍ରଥମ ମୁକାବିଲାରେ ଭାରତର ସହଜ ବିଜୟ

"ଲକ୍ଷ୍ନୌ: ଉତ୍ତରପ୍ରଦେଶର ‌ଲକ୍ଷ୍ନୌସ୍ଥିତ ଇକାନା ଷ୍ଟାଡିୟମରେ ଭାରତୀୟ ଟିମ୍‌ ଆଜି ୱେଷ୍ଟଇଣ୍ଡିଜକୁ ସହଜରେ ପରାସ୍ତ କରିଦେଇଛି।

ଶୃଙ୍ଖଳାର ପ୍ରଥମ ଟି୨୦ରେ ୧୭୨ ରନ୍‌ ବିଜୟ ଲକ୍ଷ୍ୟକୁ ଭାରତ ୧୪.୪ ଓଭରରେ ମାତ୍ର ୨ଟି ୱିକେଟ୍‌ ହରାଇ ପୂରଣ କରିଛି।

ଏହି ମ୍ୟାଚରେ ନିଜେ ଅଧିନାୟକ ଶ୍ରେୟସ ଆୟର ନିଜର ଦମ୍ଭ ଦେଖାଇଛନ୍ତି।

ସେ ବିସ୍ଫୋରକ ଶତକ ହାସଲ କରିଛନ୍ତି।

Advertisment ଶ୍ରେୟସ ଆୟର ଅପରାଜିତ ଶତକ (୧୦୨ ରନ୍‌) ସଂଗ୍ରହ କରିଛନ୍ତି।

ସେ ୪୩ଟି ବଲ୍‌ ଖେଳି ୧୦ଟି ଚୌକା ଏବଂ ୬ଟି ଛକା ମାରିଥିଲେ।

ସେହିପରି ଯୁବ ବ୍ୟାଟର ଈଶାନ କିଶନ ଅପରାଜିତ ୨୭ଟି ବଲ୍‌ ଖେଳି ୩୭ ରନ୍‌ ସଂଗ୍ରହ କରିଥିଲେ।

ଏଥିରେ ସେ ୫ଟି ଚୌକା ସାମିଲ କରିଥିଲେ।

ଭ‌ାରତର ପ୍ରାରମ୍ଭିକ ବ୍ୟାଟିଂ ଉତ୍ସାହଜନକ ନଥିଲା।

ଦଳ ୨୯ ରନ୍‌ରେ ଅଭିଷେକ ଶର୍ମା ଏବଂ ୩୫ ରନ୍‌ରେ ସଂଜୁ ସାମସନଙ୍କୁ ହରାଇଥିଲା।

ସଂଜୁ ସାମସନ ୧୧ ରନ୍‌ ଏବଂ ଅଭିଷେକ ୨୧ ରନ୍‌ ସଂଗ୍ରହ କରିଥିଲେ।

ଟସ୍‌ ହାରି ‌ଅତିଥି ଦଳ ପ୍ରଥମେ ବ୍ୟାଟିଂ କରିଥିଲା।

ଦଳ ନିର୍ଦ୍ଧାରିତ ୧୯.୧ ଓଭରରେ ସମସ୍ତ ୱିକେଟ୍‌ ହରାଇ ୧୭୧ ରନ୍‌ ସଂଗ୍ରହ କରିଥିଲା।

ୱେଷ୍ଟଇଣ୍ଡିଜର ୨ଜଣ ଖେଳାଳି ଅର୍ଦ୍ଧଶତକ ହାସଲ କରିଥିଲା ବେଳେ ଭାରତ ପାଇଁ ନମନ ଧୀର ସର୍ବଶ୍ରେଷ୍ଠ ବୋଲିଂ କରିଥିଲେ।

Tourists Return From Nepal: ମୃତ୍ୟୁକୁ ପରାସ୍ତ କରି ଭାରତ ଫେରିଲେ ୩୬ ପର୍ଯ୍ୟଟକ  ୱେଷ୍ଟଇଣ୍ଡିଜ୍‌ ପାଇଁ ପ୍ରାରମ୍ଭିକ ବ୍ୟାଟର ସାଇ ହୋପ୍‌ ଏବଂ ମଧ୍ୟକ୍ରମର ବ୍ୟାଟର ଶେରଫେନ୍‌ ରଦରଫୋର୍ଡ ଅର୍ଦ୍ଧଶତକ ହାସଲ କରିଥିଲେ।

ହୋପ୍‌ ୩୭ଟି ବଲ୍‌ ଖେଳି ୬ଟି ଚୌକା ଏବଂ ୨ଟି ଛକା ସହାୟତାରେ ୫୨ ରନ୍‌ ସଂଗ୍ରହ କରିଥିଲେ।

ସେହିପରି ରଦରଫୋର୍ଡ ୩୪ଟି ବଲ୍‌ର ସାମ୍ନା କରି ୫୬ ରନ୍‌ ଦଳ ପାଇଁ ଯୋଡ଼ିଥିଲେ।

ଏଥିରେ ସେ ୬ଟି ଚୌକା ଏବଂ ୩ଟି ଛକା ସାମିଲ କରିଥିଲେ।

ଦଳର ଅନ୍ୟ ଖେଳାଳିମାନଙ୍କର ଯୋଗଦାନ ଉତ୍ସାହପୂର୍ଣ୍ଣ ନଥିଲା।

ଅକିଲ ହୋସେନ୍‌ ୧୫ ରନ୍‌, କାମିଲ ପୂରନ ୧୨ ରନ୍‌ କରିଥିବା ବେଳେ ଦୁଇ ଜଣ ଖେଳାଳି (ରଭମ୍ୟାନ ପାୱେଲ ଏବଂ ଶମର ଜୋସେଫ)ଙ୍କ ଯୋଗଦାନ ଶୂନ୍ୟ ରନ୍‌ ଥିଲା।

ତେବେ ଅନ୍ୟ ଖେଳାଳିମାନେ ମଧ୍ୟ ଦୁଇ ଅଙ୍କ ବିଶିଷ୍ଟ ରନ୍‌ କରିପାରି ନଥିଲେ।

ଭାରତ ପାଇଁ ନମନ ଧୀର ସର୍ବାଧିକ ୩ଟି ୱିକେଟ୍‌ ଅକ୍ତିଆର କରିଥିଲେ।

ସେ ୪ ଓଭର ବୋଲିଂ କରି ୩୧ ରନ୍‌ ଖର୍ଚ୍ଚ କରିଥିଲେ।

ଦ୍ରୁତ ବୋଲର ଅକ୍ଷର ପଟେଲ ଏବଂ ସ୍ପିନର କୁଲଦୀପ ଯାଦବଙ୍କୁ ୨ଟି ଲେଖାଏଁ ୱିକେଟ୍‌ ମିଳିଥିଲା।

ଅର୍ଶଦୀପ ସିଂହ ଏବଂ ମୟଙ୍କ ଯାଦବ ଗୋଟିଏ ଲେଖାଏଁ ୱିକେଟ୍‌ ନେଇଥିଲେ।

"