Minor Girl Found Dead: ଡ୍ୟାନ୍ସ କ୍ଲାସ୍‌କୁ ଯାଇ ଆଉ ଫେରିଲାନି ନାବାଳିକା, ୫ ଦିନ ପରେ ମିଳିଲା ମୃତଦେହ

ଡ୍ୟାନ୍ସ ଶିଖିବାକୁ ଯାଇ ନିଖୋଜ ହୋଇଗଲା ଝିଅ ।

ଥାନାରେ ଏତଲା ସହ ଝିଅକୁ ଖୋଜିଲେ ପରିବାର ଲୋକ ।

ଦୀର୍ଘ ୫ ଦିନ ପରେ ମିଳିଲା ନିଖୋଜ ନାବାଳିକାର ଗଳିତ ମୃତଦେହ ।

ନାବାଳିକାକୁ ଜନୈକ ଯୁବକ ଦୁଷ୍କର୍ମ ପରେ ହତ୍ୟା କରିଥିବା ଅଭିଯୋଗ ହେଲା ପରେ ଅଭିଯୁକ୍ତର ଘରେ ପଶି ଭଙ୍ଗାରୁଜା କରିଛନ୍ତି ଉତ୍ତ୍ୟକ୍ତ ଲୋକ ।

ଘଟଣାଟି ଘଟିଛି ବାଲେଶ୍ବର ଜିଲ୍ଲା ଜଳେଶ୍ବର ଥାନା ନାମ୍ପୋ ଫାଣ୍ଡି ଅଞ୍ଚଳରେ ।

Advertisment ଅଭିଯୋଗ ଅନୁସାରେ ୧୮ ତାରିଖ ଦିନ ଝିଅ ସାଙ୍ଗ ସହ ଡ୍ୟାନ୍ସ କ୍ଲାସକୁ ଯାଇଥିଲା ।

ସେଦିନ ସେ ତାଙ୍କ ଘରେ ରହି ପରଦିନ ସକାଳେ ଫେରିବ ବୋଲି ନାବାଳିକାର ଘରକୁ ଫୋନ କରି ଜଣାଇଥିଲା ସାଙ୍ଗ ।

ହେଲେ ପରଦିନ ସକାଳୁ ଆଉ କୌଣସି ଖୋଜ ଖବର ମିଳିଲାନି ।

ପରିବାର ଲୋକ ନାମ୍ପୋ ଫାଣ୍ଡିରେ ଅଭିଯୋଗ କଲେ ।

ପୋଲିସ ତଦନ୍ତ କରି ସନ୍ଦେହରେ ଜଣେ ଯୁବକକୁ ଥାନାକୁ ଉଠାଇ ଆଣି ୨ ଦିନ ପରେ ଛାଡ଼ି ଦେଇଥିବା କହିଛନ୍ତି ଲୋକେ ।

ଘଟଣାର ୫ ଦିନ ପରେ ଆଜି ବର୍ତ୍ତନା ପଞ୍ଚାୟତ ରାସ୍ତା କଡ଼ ଜଙ୍ଗଲରୁ ମିଳିଥିଲା ନାବାଳିକାର ଗଳିତ ମୃତଦେହ ।

ପାଖରେ ନାବାଳିକାର ଡ୍ରେସ ମିଳିଥିବାରୁ ଦୁଷ୍କର୍ମ ପରେ ହତ୍ୟା କରି ଫିଙ୍ଗି ଦିଆଯାଇଥିବା ସନ୍ଦେହ କରାଯାଇଛି ।

ସାଙ୍ଗ ଘରକୁ ଯାଇଥିବା ନାବାଳିକାକୁ କାହ୍ନୁ ନାମକ ଜଣେ ଯୁବକ ଚାଓମିନ ଓ ବିରିୟାନୀ ଖାଇବାକୁ ଡାକି ନେଇ ଏଭଳି କାଣ୍ଡ କରିଥିବା ଅଭିଯୋଗ କରାଯାଇଛି ।

ପୋଲିସ ସଂପୃକ୍ତ ଅଭିଯୁକ୍ତକୁ ଥାନାକୁ ନେଇ ପରେ ଛାଡ଼ି ଦେଇଥିବାରୁ ସାଧାରଣରେ ଉତ୍ତେଜନା ପ୍ରକାଶ ପାଇଛି ।

ଆଜି ସ୍ଥାନୀୟ ଲୋକେ ରାସ୍ତା ଉପରେ ହଙ୍ଗାମା କରିବା ସହ ସଂପୃକ୍ତ ଅଭିଯୁକ୍ତର ଘରେ ପଶି ଭଙ୍ଗାରୁଜା କରିଛନ୍ତି ।

ଅନ୍ୟ ପକ୍ଷରେ ସବୁ ଦିଗରୁ ତଦନ୍ତ ହେଉଛି, ଯାହାର ବି ସଂପୃକ୍ତି ଥିବ କଡ଼ା କାର୍ଯ୍ୟାନୁଷ୍ଠାନ ହେବ କହିଛନ୍ତି ଅତିରିକ୍ତ ଏସପି ।