Mrunal Thakur: ‘ରାକା’ରେ ନଜର ଆସିବେ କି ମୃଣାଳ ଠାକୁର? ଅଲ୍ଲୁ ଅର୍ଜୁନଙ୍କ ଫିଲ୍ମକୁ ନେଇ ଭାଙ୍ଗିଲେ ନୀରବତା

"ମୁମ୍ବାଇ: ଅଲ୍ଲୁ ଅର୍ଜୁନ ଓ ଆଟଲିଙ୍କ ଆଗାମୀ ଫିଲ୍ମ "ରାକା"ରେ ମୃଣାଳ ଠାକୁର ଅଭିନୟ କରିବେ ବୋଲି ଚର୍ଚ୍ଚା ହେଉଛି।

ଏହି ଗୁଜବ ଉପରେ ମୁହଁ ଖୋଲିଛନ୍ତି ଅଭିନେତ୍ରୀ ମୃଣାଳ ଠାକୁର।

ତେବେ ସେ ଏହି ଫିଲ୍ମରେ ଅଭିନୟ କରୁଛନ୍ତି କି ନାହିଁ, ସେନେଇ କୌଣସି ସ୍ପଷ୍ଟ ସୂଚନା ଦେଇନାହାନ୍ତି।

ନିକଟରେ ଏକ ସାକ୍ଷାତକାରରେ ନିଜର ଆଗାମୀ ଫିଲ୍ମକୁ ନେଇ ହେଉଥିବା ଚର୍ଚ୍ଚା ଉପରେ ସେ ପ୍ରତିକ୍ରିୟା ରଖିଛନ୍ତି।

ଏହି ସମୟରେ ସେ ନିଜର ନୂଆ ଫିଲ୍ମ "ପୂଜା ମେରୀ ଜାନ୍" ଉପରେ ମଧ୍ୟ ଆଲୋଚନା କରିଥିଲେ।Advertisment "ରାକା"ରେ ଅଭିନୟ କରୁଛନ୍ତି କି ବୋଲି ସିଧାସଳଖ ପଚରାଯିବାରୁ ମୃଣାଳ ହସି ହସି କହିଥିଲେ, “ଆପଣ ଯେମିତି ଧରି ନେଉଛନ୍ତି ଯେ ମୁଁ "ରାକା"ରେ ଅଭିନୟ କରୁଛି, ତାହା ମୋତେ ଭଲ ଲାଗୁଛି।” ଏହା ସହିତ ସେ କହିଥିଲେ ଯେ ନିଜର ଆଗାମୀ ଫିଲ୍ମଗୁଡ଼ିକ ସମ୍ପର୍କରେ ସେ ସୋସିଆଲ ମିଡିଆ ମାଧ୍ୟମରେ ଘୋଷଣା କରିବେ।

ମୃଣାଳ କହିଥିଲେ, “ଆଗାମୀ ଫିଲ୍ମଗୁଡ଼ିକର ଘୋଷଣା ମୁଁ ଖୁବ୍‌ଶୀଘ୍ର ସୋସିଆଲ ମିଡିଆରେ କରିବି, ଯାହାଦ୍ୱାରା ଏହି ସବୁ ଗୁଜବରେ ପୂର୍ଣ୍ଣଚ୍ଛେଦ ପଡ଼ିବ।” ଅଭିନୟ ପ୍ରକ୍ରିୟାକୁ ଉପଭୋଗ କରିବାକୁ ଚାହାନ୍ତି ମୃଣାଳ ନିଜର ଆଗାମୀ ଫିଲ୍ମକୁ ନେଇ ହେଉଥିବା ଚର୍ଚ୍ଚା ବ୍ୟତୀତ ମୃଣାଳ ଫିଲ୍ମ ଚୟନ ଏବଂ ପ୍ରତ୍ୟେକ ଅନୁଭୂତିରୁ ଶିଖିବା ସମ୍ପର୍କରେ ମଧ୍ୟ ମତ ରଖିଥିଲେ।

ସେ କହିଥିଲେ, “ମୁଁ କେବଳ ଏହି ପ୍ରକ୍ରିୟାକୁ ଉପଭୋଗ କରିବାକୁ ଚାହେଁ।

କାରଣ ଏକ ପରୀକ୍ଷଣରେ ଲକ୍ଷ୍ୟ, ଉପକରଣ, ପର୍ଯ୍ୟବେକ୍ଷଣ ଓ ନିଷ୍କର୍ଷ ରହିଥାଏ।

କିନ୍ତୁ ମୁଁ ଏହା ନିଷ୍କର୍ଷରେ ପହଞ୍ଚିବାକୁ ଚାହେଁନାହିଁ ଯେ କୌଣସି ପ୍ରୟାସ ସଫଳ ହୋଇନାହିଁ।

ମୋ ପାଇଁ ପ୍ରତ୍ୟେକ ଅନୁଭୂତି ହେଉଛି ଜୀବନକୁ ବଞ୍ଚିବା ଓ ଶିଖିବାର ଏକ ଅଂଶ।” ଏହା ପୂର୍ବରୁ ଏକ ସାକ୍ଷାତକାରରେ ମଧ୍ୟ ମୃଣାଳ ଏହି ପ୍ରସଙ୍ଗରେ କହିଥିଲେ। "ରାକା"ରେ ତାଙ୍କ ଅଭିନୟକୁ ନେଇ ହେଉଥିବା ଖବରକୁ ସେ ନା ସ୍ୱୀକାର କରିଥିଲେ ନା ଖଣ୍ଡନ କରିଥିଲେ।

ସେ କହିଥିଲେ, “ପ୍ରାୟ ନଅ ମାସ ହେଲା ମୁଁ କୌଣସି ଫିଲ୍ମରେ ଚୁକ୍ତିବଦ୍ଧ ହୋଇନାହିଁ।

ମୁଁ ଏକ ଅର୍ଥପୂର୍ଣ୍ଣ ଭୂମିକା ମିଳିବାକୁ ଅପେକ୍ଷା କରିଛି।

ଯେତେବେଳେ କିଛି ଘୋଷଣା କରିବାର ଥିବ, ତାହା ମୋ ସୋସିଆଲ ମିଡିଆ ଆକାଉଣ୍ଟରେ କରାଯିବ।

ଏହାପରେ ମୁଁ ସେ ବିଷୟରେ ଖୋଲାଖୋଲି ଆଲୋଚନା କରିବାକୁ ଚାହିଁବି।” ଅଲ୍ଲୁ ଅର୍ଜୁନ ଓ ଆଟଲିଙ୍କ "ରାକା" ସମ୍ପର୍କରେ ଜାଣନ୍ତୁ "ରାକା" ହେଉଛି ଅଲ୍ଲୁ ଅର୍ଜୁନଙ୍କ ଅଭିନୀତ ଏକ ଆଗାମୀ ବିଜ୍ଞାନଭିତ୍ତିକ କଳ୍ପନାଧର୍ମୀ (ସାଇନ୍ସ ଫିକ୍ସନ୍‌) ଫିଲ୍ମ।

ଏହାର ନିର୍ଦ୍ଦେଶନା ଦାୟିତ୍ୱରେ ଅଛନ୍ତି ତାମିଲ୍‌ ଫିଲ୍ମ ନିର୍ମାତା ଆଟଲି।

ଏହି ଫିଲ୍ମ ଜରିଆରେ ପ୍ରଥମ ଥର ପାଇଁ ଅଲ୍ଲୁ ଅର୍ଜୁନ ଓ ଆଟଲି ଏକାଠି କାମ କରୁଛନ୍ତି।

୨୦୨୭ରେ ଏହି ଫିଲ୍ମ ମୁକ୍ତିଲାଭ କରିବାର ଯୋଜନା ରହିଛି।

ଏହି ଫିଲ୍ମର ମୁଖ୍ୟ ଅଭିନେତ୍ରୀଙ୍କ ମଧ୍ୟରେ ଦୀପିକା ପାଦୁକୋନ ମଧ୍ୟ ସାମିଲ ଅଛନ୍ତି।

ଏହି ବହୁଭାଷୀ ଫିଲ୍ମ ରିଅଲ୍‌-ଟାଇମ୍‌ ମୋସନ୍‌ କ୍ୟାପଚର୍‌ କ୍ଷେତ୍ରରେ ଗିନିଜ୍‌ ୱାର୍ଲ୍ଡ ରେକର୍ଡ ହାସଲ କରି ଆଗରୁ ଚର୍ଚ୍ଚାକୁ ଆସିଛି।

ଏହି ରେକର୍ଡରେ ଏକାସାଙ୍ଗରେ ୩୭ ଜଣ କଳାକାର ଅଂଶଗ୍ରହଣ କରିଥିଲେ।

Alia: କ୍ୟାଟ୍‌ଙ୍କୁ ଆଲିୟାଙ୍କ ପ୍ରଶଂସା"