Nayi Naveli Advance Booking: ୟାମୀ ଗୌତମଙ୍କ ଫ୍ୟାନ୍ସଙ୍କ ପାଇଁ ଖୁସି ଖବର, ‘ନୟି ନଭେଲୀ’ର ଆଡଭାନ୍ସ ବୁକିଂ ଆରମ୍ଭ
ବଲିଉଡ୍ ଅଭିନେତ୍ରୀ ୟାମୀ ଗୌତମଙ୍କ ଫ୍ୟାନ୍ସଙ୍କ ପାଇଁ ଖୁସି ଖବର। ତାଙ୍କ ଆଗାମୀ ଫିଲ୍ମ ‘ନୟି ନଭେଲୀ’ର ଆଡଭାନ୍ସ ଟିକେଟ୍ ବୁକିଂ ଆରମ୍ଭ ହୋଇଛି। ଫାଣ୍ଟାସି, କମେଡି ଓ ପାରିବାରିକ ମନୋରଞ୍ଜନରେ ଭରପୂର ଏହି ଫିଲ୍ମ ଅକ୍ଟୋବର ୧୬ରେ ସିନେମା ହଲ୍କୁ ଆସିବାକୁ ଯାଉଛି। ପାର୍ବଣ ଋତୁରେ ଦର୍ଶକଙ୍କୁ ହସାଇବା ସହ ମନୋରଞ୍ଜନ ଯୋଗାଇବାକୁ ନିର୍ମାତା ଆଶା ରଖିଛନ୍ତି।
ରିଲିଜ୍ ପୂର୍ବରୁ ଟିକେଟ୍ ବୁକିଂ ଆରମ୍ଭ
ୟାମୀ ଗୌତମଙ୍କ ଏହି ଆଗାମୀ ଫିଲ୍ମକୁ ନେଇ ଦର୍ଶକଙ୍କ ମଧ୍ୟରେ ଉତ୍ସୁକତା ବଢ଼ିଛି। ନିର୍ମାତାମାନେ ଆନୁଷ୍ଠାନିକ ଭାବେ ଆଡଭାନ୍ସ ବୁକିଂ ଖୋଲିଥିବାରୁ ଦର୍ଶକ ଏବେଠାରୁ ନିଜ ପସନ୍ଦର ସିନେମା ହଲ୍ ଓ ଶୋ’ ପାଇଁ ଟିକେଟ୍ ବୁକ୍ କରିପାରିବେ।
ଫିଲ୍ମଟି ଶୁକ୍ରବାର ରିଲିଜ୍ ହେବାକୁ ଥିବାବେଳେ ଏହାର ପ୍ରମୋସନ୍ରେ ୟାମୀ ଗୌତମ ଜୋରଦାର ଲାଗିପଡ଼ିଛନ୍ତି। ଏବେ ସମସ୍ତଙ୍କ ନଜର ରିଲିଜ୍ ପରେ ଫିଲ୍ମଟି ବକ୍ସ ଅଫିସ୍ରେ କେମିତି ପ୍ରଦର୍ଶନ କରୁଛି, ତାହା ଉପରେ ରହିଛି।
ଫ୍ୟାଣ୍ଟାସି ସହ କମେଡିର ତଡ଼କା
‘ନୟି ନଭେଲୀ’କୁ ଏକ ଫାଣ୍ଟାସି-କମେଡି ଫିଲ୍ମ ଭାବେ ପ୍ରସ୍ତୁତ କରାଯାଇଛି। ଏଥିରେ ହାସ୍ୟରସ, ଅପ୍ରତ୍ୟାଶିତ ଘଟଣା ଓ ମଜାଦାର ପରିସ୍ଥିତି ମାଧ୍ୟମରେ ଦର୍ଶକଙ୍କୁ ମନୋରଞ୍ଜନ ଦେବାକୁ ଉଦ୍ୟମ କରାଯାଇଛି। ପରିବାର ସହ ବସି ଉପଭୋଗ କରିବା ଭଳି ଏକ ହାଲୁକା ମନୋରଞ୍ଜନଧର୍ମୀ ଫିଲ୍ମ ଭାବେ ଏହାକୁ ଦର୍ଶକଙ୍କ ସାମ୍ନାକୁ ଅଣାଯାଉଛି।
ଫିଲ୍ମର ଟ୍ରେଲରକୁ ନେଇ ଭଲ ପ୍ରତିକ୍ରିୟା ମିଳିଥିବା ଦାବି କରାଯାଉଛି। ତେବେ ଫିଲ୍ମର ପ୍ରକୃତ କାହାଣୀ ଓ ଚରିତ୍ରଗୁଡ଼ିକ ସମ୍ପର୍କରେ ନିର୍ମାତାମାନେ ଅଧିକ ସୂଚନା ପ୍ରକାଶ କରିନାହାନ୍ତି।
କେବେ ରିଲିଜ୍ ହେବ ‘ନୟି ନଭେଲୀ’?
ଅକ୍ଟୋବର ୧୬, ୨୦୨୬ ଶୁକ୍ରବାର ଦିନ ଏହି ଫିଲ୍ମ ସିନେମା ହଲ୍ରେ ମୁକ୍ତିଲାଭ କରିବ। ଆଡଭାନ୍ସ ବୁକିଂ ଆରମ୍ଭ ହୋଇଥିବାରୁ ଦର୍ଶକମାନେ ଅନଲାଇନ୍ ଟିକେଟ୍ ବୁକିଂ ପ୍ଲାଟଫର୍ମରେ ନିଜ ଅଞ୍ଚଳର ସିନେମା ହଲ୍, ଶୋ’ ସମୟ ଓ ଟିକେଟ୍ ଉପଲବ୍ଧତା ଯାଞ୍ଚ କରିପାରିବେ।
ପାର୍ବଣ ମାହୋଲରେ ରିଲିଜ୍ ହେଉଥିବା ଏହି ଫିଲ୍ମକୁ ନେଇ ନିର୍ମାତାଙ୍କ ଆଶା ଅଧିକ। ଏବେ ଦେଖିବାକୁ ବାକି ରହିଲା, ୟାମୀ ଗୌତମଙ୍କ ଏହି ଫିଲ୍ମ ଦର୍ଶକଙ୍କ ମନ ଜିତିବା ସହ ବକ୍ସ ଅଫିସ୍ରେ କେତେ ସଫଳତା ହାସଲ କରୁଛି।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ ODISHA TV - ଓଡିଶା ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ODISHA TV - ଓଡିଶା ଟିଭି ଦେଖନ୍ତୁ।
