ମଧୁବନ ଗ୍ରାମପଂଚାୟତର ସୁକୁଡୁବାଜୁ ନିକଟରେ ଧସିଲା ପାହାଡ଼, ରାସ୍ତା ଜାମ୍
ଗୁଡାରି,୨୪।୯(ପ୍ରମୋଦ କୁମାର ପତି): ଲଗାଣ ବର୍ଷାରେ ଗୁରୁବାର ଅପରାହ୍ନରେ ଗୁଡାରି ବ୍ଲକର ମଧୁବନ ଗ୍ରାମପଂଚାୟତ ଅନ୍ତର୍ଗତ ସୁକୁଡୁବାଜୁ ନିକଟରେ ପାହାଡ଼ରୁ ବଡ଼ ପଥର ଖସି ରାସ୍ତା ମଝିରେ ପଡିଛି । ବଡ଼ ପଥର ଖସି ରାସ୍ତା ମଝିରେ ପଡିବା ଫଳରେ ରାସ୍ତା ଜାମ ହୋଇଛି । ଫଳରେ ଗୁଡାରିରୁ ବଡ଼ କତିଲି, ସାନ କତିଲି, ବଣ୍ଡିଲି, ତାଡିଲଟା, ହିରିକବାଡ଼ି ଓ ସୁକୁଡୁବାଜୁକୁ ଯାତାୟାତ ବାଧାପ୍ରାପ୍ତ ହୋଇଛି।
ଗତ ବର୍ଷ ମଧ୍ୟ ଲଗାଣ ବର୍ଷାରେ ଏହି ପାହାଡ଼ ନିକଟରେ ପଥର ଖସି ଯାତାୟାତ ବାଧାପ୍ରାପ୍ତ ହୋଇଥିଲା। ସ୍ଥାନୀୟ ପ୍ରଶାସନ ପକ୍ଷରୁ ରାସ୍ତାରୁ ପଥର ହଟାଇବା ନିମନ୍ତେ ପଦକ୍ଷେପ ନିଆଯାଇଛି । କିନ୍ତୁ ସନ୍ଧ୍ୟା ହୋଇଥିବାରୁ ସେହି ସ୍ଥାନକୁ ଜେସିବି ନେଇ ରାସ୍ତା ସଫା କରିବା କଷ୍ଟସାଧ୍ୟ ହୋଇଥିବା ଜଣାପଡିଛି । ଏ ନେଇ ଗୁଡାରି ବିଡ଼ିଓ ଶୁଚିସ୍ମିତା ବେହେରା କହିଛନ୍ତି ସମ୍ପୃକ୍ତ ଗ୍ରାମପଂଚାୟତର ପଂଚାୟତ କାର୍ଯ୍ୟ ନିର୍ବାହୀ ଅଧିକାରୀ ଓ ଅଗ୍ନିଶମ ବିଭାଗ ସହ ଯୋଗାଯୋଗ କରାଯାଇଛି । ଆଜି ରାତି ସୁଦ୍ଧା ରାସ୍ତା ସଫା କରିବା ପାଇଁ ଚେଷ୍ଟା କରାଯାଉଛି ।
Dharitri – Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି DHARITRI - ଧରିତ୍ରୀ ଦେଖନ୍ତୁ।
