Orangutan Smuggling Probe: ଓରାଙ୍ଗଉଟାନ ଚାଲାଣ ମାମଲା, ସାମ୍ନାକୁ ଆସିଲା SUV ଯିବାର ଆଉ ଏକ ସିସିଟିଭି ଫୁଟେଜ୍

ସାମ୍ନାକୁ ଆସିଲା ନୂଆ ସିସିଟିଭି ଫୁଟେଜ୍ । ହୋଟେଲ ସାମ୍ନାରେ ଗାଡି ରଖି ଡିଲ ହେଉଥିବା ସନ୍ଦେହ। ହୋଟେଲ ସାମ୍ନାରେ ଗାଡି ଭିତରୁ କିଛି ଲୋକ ବାହାରି ଆସି କଥା ହେଉଥିବାର ଦେଖିବାକୁ ମିଳିଛି। ହୋଟେଲ ମଧ୍ୟ ବନ୍ଦ ରହିଛି। ଓରାଙ୍ଗଉଟାନ ଉଦ୍ଧାର ଘଟଣାରେ ହୋଟେଲ ମାଲିକ ବାପପୁଅଙ୍କୁ ଖୋଜୁଛି ଏସଟିଏଫ୍ । ହୋଟେଲ ମ୍ୟାନେଜରଙ୍କ ସହିତ ତିନି ଜଣଙ୍କୁ ଧରି ଚାଲିଛି ନନଷ୍ଟପ୍ ପଚରାଉଚରା । 

ହୋଟେଲ ମାଲିକଙ୍କ ଫୋନ୍ ବନ୍ଦ ଥିବା ସହ ସେ ଏବଂ ତାଙ୍କ ପୁଅ ଫେରାର ଥିବା ଜଣାପଡ଼ିଛି। ସ୍କାନରରେ ରହିଛି ବ୍ଲାକ୍ SUV। ଏସଟିଏଫ୍ ହାତରେ ଲାଗିଛି ଆଉ ଏକ CCTV ଫୁଟେଜ୍।  ଏଥିରେ ରାତି ପ୍ରାୟ ୧୦ଟା ୫୬ ମିନିଟ୍ ସମୟରେ ଦୀଘାର ଏକ ହୋଟେଲ ନିକଟ ଦେଇ ଯାଉଛି କଳା ରଙ୍ଗର SUV । ଗାଡ଼ିଟି ସେତେବେଳେ କେଉଁଆଡ଼େ ଯାଉଥିଲା ଏବଂ ସେଥିରେ କଣ ଥିଲା ସେନେଇ ଛାନଭିନ କରାଯାଉଛି ।

ଏହା ପୂର୍ବରୁ ବିଚିତ୍ରପୁର ନିକଟରୁ ମଧ୍ୟ ଏକ କଳା SUV CCTV ଫୁଟେଜ୍ ସାମ୍ନାକୁ ଆସିଥିଲା। ଉଭୟ ଗାଡ଼ି ଗୋଟିଏ ନା ଅଲଗା ଅଲଗା ତାର ଯାଞ୍ଚ କରାଯାଉଛି। ପ୍ରଥମ ଫୁଟେଜ୍ ରେ ବିଚିତ୍ରପୁର ନିକଟରେ ରାତି ପ୍ରାୟ ୧୧ଟା ୩୫ ମିନିଟ୍ ସମୟରେ ସମାନ ଧରଣର ଏକ କଳା SUV ଯାଉଥିବା ଦେଖାଯାଇଥିଲା। ଆଉ ଏବେ ଦୀଘାରୁ ପୁଣି ନୂଆ ଫୁଟେଜ୍ ମିଳିବା ସନ୍ଦେହକୁ ଆହୁଚି ଦୃଢୀଭୂତ କରିଛି। ଦୁଇଟି CCTV ଫୁଟେଜ୍ ର ସମୟ ମଧ୍ୟରେ ରହିଛି ପ୍ରାୟ ୩୯ ମିନିଟ୍ ର ବ୍ୟବଧାନ।  

ତେବେ ଏହି ୩୯ ମିନିଟ୍ ମଧ୍ୟରେ SUVଟି କେଉଁ ରାସ୍ତା ଦେଇ ଯାଇଥିଲା? ମଝିରେ କେଉଁଠି ଗାଡ଼ିଟି ଅଟକିଥିଲା କି ? ଗାଡ଼ିରେ କିଏ କିଏ ଥିଲେ ? ଓରାଙ୍ଗଉଟାନ ଚାଲାଣ ସହିତ ଏହାର କି ସମ୍ପର୍କ ? ତାହା ଏବେ ସବୁଠାରୁ ବଡ଼ ପ୍ରଶ୍ନ । ଏହି ପ୍ରଶ୍ନର ଉତ୍ତର ଖୋଜିବାକୁ ଏବେ CCTV ଫୁଟେଜ୍ କୁ ଯୋଡ଼ି ଯୋଡ଼ି ତଦନ୍ତ ଆଗକୁ ବଢ଼ାଉଛି STF। ଅନ୍ୟପଟେ ଦୀଘା ଏବଂ ଏହାର ଆଖପାଖ ଅଞ୍ଚଳର ବିଭିନ୍ନ ହୋଟେଲ ଓ ଗୁରୁତ୍ୱପୂର୍ଣ୍ଣ ସ୍ଥାନରେ ଥିବା ୧୦୦ରୁ ଅଧିକ CCTV କ୍ୟାମେରାର ଫୁଟେଜ୍ ଯାଞ୍ଚ କରାଯାଇଥିବା ସୂଚନା ମିଳିଛି।  ଯାଞ୍ଚ ସମୟରେ କିଛି ସନ୍ଦିଗ୍ଧ ଗତିବିଧି ସମ୍ପର୍କରେ ତଥ୍ୟ ମିଳିଥିବା ଜଣାପଡ଼ିଛି।

ଓରାଙ୍ଗଉଟାନ ଚାଲାଣ ମାମଲାରେ ସ୍କାନରରେ SUV
ଦୀଘାର ଏକ ହୋଟେଲ ନିକଟ ଦେଇଯାଉଛି ବ୍ଲାକ୍ SUV
ପୂର୍ବରୁ ବିଚିତ୍ରପୁର ନିକଟ ସିସିଟିଭିରେ ଥିଲା ବ୍ଲାକ୍ SUV
ଦୁଇଟି CCTV ଫୁଟେଜ୍ ମଧ୍ୟରେ ପ୍ରାୟ ୩୯ ମିନିଟ୍ ର ବ୍ୟବଧାନ
ହୋଟେଲ ମାଲିକ ବାପପୁଅଙ୍କୁ ଖୋଜୁଛି ଏସଟିଏଫ୍
ତିନି ଜଣଙ୍କୁ ଧରି ଏସଟିଏଫ୍ କରୁଛି ପଚରାଉଚରା