Varun Dhawan Bought Land: ବରୁଣ ଧୱନ୍ କିଣିଲେ ଜମି, ଚା’ ବିସ୍କୁଟ୍ ସହ ନେଲେ ପ୍ରକୃତିର ମଜା; କହିଲେ- ‘ଜୀବନର ସବୁଠୁ ବଡ଼ ଉପଲବ୍ଧି’
ବଲିଉଡ୍ ଅଭିନେତା ବରୁଣ ଧୱନ୍ଙ୍କ ଜୀବନରେ ଯୋଡ଼ି ହୋଇଛି ଆଉ ଏକ ନୂଆ ଅଧ୍ୟାୟ। ଗ୍ଲାମରସ୍ ଲାଇଫ୍ରୁ ଟିକେ ଦୂରେଇ ଯାଇ ବରୁଣ ଏବେ ଜମି କିଣିଛନ୍ତି। ସୋସିଆଲ ମିଡିଆରେ ଏକ ଭିଡିଓ ସେୟାର କରି ସେ ନିଜ ନୂଆ ଜମିର ଝଲକ ଦେଖାଇବା ସହ ଏହାକୁ ନିଜ ଜୀବନର ସବୁଠାରୁ ବଡ଼ ଉପଲବ୍ଧି ବୋଲି କହିଛନ୍ତି।
‘ଏହା ମୋ ପାଇଁ ବଡ଼ ଉପଲବ୍ଧି’
ଭିଡିଓରେ ବରୁଣ ଧୱନ୍ କହୁଛନ୍ତି, “ମୁଁ ଆପଣମାନଙ୍କ ସହ ଏକ ଖବର ସେୟାର କରିବାକୁ ଚାହୁଁଛି। ଏହା ମୋ ଜୀବନର ସବୁଠାରୁ ବଡ଼ ଉପଲବ୍ଧି। ମୁଁ ଏକ ଜମି ନେଇଛି କିଣିଛି। ଆଉ ମୋତେ ପଚାରନ୍ତୁ ନାହିଁ କାହିଁକି କିଣିଛି। କେବଳ ଏଠାରେ ଠିଆ ହୋଇ ଚା’ ଓ ବିସ୍କୁଟ୍ର ମଜା ନେବା ସହ ପାଗର ଆନନ୍ଦ ନେବା। ବହୁତ ମଜା ଲାଗୁଛି।”
ଫ୍ୟାନ୍ମାନେ ଜଣାଇଲେ ଶୁଭେଚ୍ଛା
ବରୁଣଙ୍କ ଏହି ଖବର ସାମ୍ନାକୁ ଆସିବା ପରେ ଫ୍ୟାନ୍ମାନେ ତାଙ୍କୁ ଲଗାତାର ଶୁଭେଚ୍ଛା ଜଣାଉଛନ୍ତି। ତାଙ୍କର ନୂଆ ଭିଡିଓରେ ଅନେକ ପ୍ରଶଂସକ ଅଭିନନ୍ଦନ ଜଣାଇବା ସହ ଜମିରେ ତାଙ୍କର ନୂଆ ଯାତ୍ରା ପାଇଁ ଶୁଭକାମନା ଦେଇଛନ୍ତି।
ଆସିଷ୍ଟାଣ୍ଟ ଡାଇରେକ୍ଟରରୁ ଷ୍ଟାର୍ ହେବାର ଯାତ୍ରା
ବରୁଣ ଧୱନ୍ଙ୍କ ଫିଲ୍ମୀ କ୍ୟାରିୟର ମଧ୍ୟ ବେଶ୍ ରୋଚକ। ୨୦୧୦ରେ ସେ ‘ମାଇ ନେମ୍ ଇଜ୍ ଖାନ୍’ ଫିଲ୍ମରେ ଆସିଷ୍ଟାଣ୍ଟ ଡାଇରେକ୍ଟର ଭାବେ କାମ କରିଥିଲେ। ପରେ ୨୦୧୨ରେ ‘ଷ୍ଟୁଡେଣ୍ଟ ଅଫ୍ ଦ ଇୟର୍’ ଜରିଆରେ ଅଭିନେତା ଭାବେ ବଲିଉଡ୍ରେ ପାଦ ରଖିଥିଲେ।
ଏହାପରେ ‘ମୈଁ ତେରା ହିରୋ’, ‘ବଦଲାପୁର’, ‘ହମ୍ପଟି ଶର୍ମା କି ଦୁଲହନିଆ’, ‘ଏବିସିଡି ୨’, ‘ଦିଲୱାଲେ’, ‘ଜୁଡୱା ୨’, ‘ବଦ୍ରିନାଥ କି ଦୁଲହନିଆ’, ‘ସୁଇ ଧାଗା’, ‘କଲଙ୍କ’, ‘ଷ୍ଟ୍ରିଟ୍ ଡାନ୍ସର୍ସ ୩ଡି’, ‘କୁଲି ନମ୍ବର ୧’, ‘ଜୁଗ୍ ଜୁଗ୍ ଜିଓ’, ‘ଭେଡିଆ’, ‘ବୱାଲ’, ‘ବେବି ଜନ୍’ ଏବଂ ‘ବର୍ଡର୍ ୨’ ଭଳି ଫିଲ୍ମରେ ନିଜ ଅଭିନୟର ଛାପ ଛାଡ଼ିଛନ୍ତି।
ପରିବାର ସହ ସୁଖୀ ଜୀବନ
ବ୍ୟକ୍ତିଗତ ଜୀବନରେ ବରୁଣ ଧୱନ୍ ନତାଶା ଦଲାଲଙ୍କୁ ବିବାହ କରିଛନ୍ତି। ସେମାନଙ୍କ ଝିଅର ନାମ ଲାରା ଧୱନ୍। ତେବେ ବରୁଣ ଏପର୍ଯ୍ୟନ୍ତ ନିଜ ଝିଅର ଫଟୋ କିମ୍ବା ଝଲକ ସାର୍ବଜନୀନ କରିନାହାନ୍ତି।
ଫିଲ୍ମି ଦୁନିଆର ଚମକଠାରୁ ଦୂରେଇ ଏବେ ନିଜ ଜମିରେ ଚା’ର ସ୍ୱାଦ ଏବଂ ପ୍ରକୃତିର ଶାନ୍ତି ଉପଭୋଗ କରୁଛନ୍ତି ବରୁଣ। ତାଙ୍କର ଏହି ନୂଆ ପଦକ୍ଷେପ ଫ୍ୟାନ୍ମାନଙ୍କ ମଧ୍ୟରେ ବେଶ୍ ଚର୍ଚ୍ଚାରେ ରହିଛି।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ ODISHA TV - ଓଡିଶା ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ODISHA TV - ଓଡିଶା ଟିଭି ଦେଖନ୍ତୁ।
