Xinping: ଦକ୍ଷିଣ ବିଶ୍ୱର ସହଯୋଗ ବଢ଼ାଇବାକୁ ଆହ୍ୱାନ ଦେଲେ ଜିନ୍‌ପିଙ୍ଗ

"ନୂଆଦିଲ୍ଲୀ: ଚୀନ୍‌ ରାଷ୍ଟ୍ରପତି ସି ଜିନ୍‌ପିଙ୍ଗ ନୂଆଦିଲ୍ଲୀରେ ଆୟୋଜିତ ବ୍ରିକ୍ସ ଶିଖର ସମ୍ମିଳନୀରେ ଯୋଗଦେବା ପୂର୍ବରୁ ଦକ୍ଷିଣ ବିଶ୍ୱ (ଗ୍ଲୋବାଲ ସାଉଥ୍‌)ର ଦେଶଗୁଡ଼ିକ ମଧ୍ୟରେ ସହଯୋଗ ବଢ଼ାଇବା ଉପରେ ଗୁରୁତ୍ବ ଦେଇଛନ୍ତି।

ବହୁପକ୍ଷୀୟ ସହଯୋଗକୁ ମଜବୁତ କରିବା ଏବଂ ବିକାଶଶୀଳ ଦେଶଗୁଡ଼ିକର ଅଧିକାର ଓ ସ୍ୱାର୍ଥକୁ ସୁଦୃଢ଼ କରିବା ଦିଗରେ ବ୍ରିକ୍ସ ଗୁରୁତ୍ବପୂର୍ଣ୍ଣ ମଞ୍ଚ ବୋଲି ଚୀନ୍‌ ପକ୍ଷରୁ କୁହାଯାଇଛି।Advertisment ଜିନ୍‌ପିଙ୍ଗଙ୍କ ଭାରତ ଗସ୍ତ ୭ ବର୍ଷ ପରେ ହେଉଛି।

ନୂଆଦିଲ୍ଲୀରେ ସେ ବ୍ରିକ୍ସ ନେତାଙ୍କ ସହ ବୈଠକରେ ଯୋଗଦେବା ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ଦ୍ୱିପାକ୍ଷିକ ଆଲୋଚନା କରିବେ।

ଏହି ଗସ୍ତକୁ ନେଇ ଭାରତ-ଚୀନ୍‌ ସମ୍ପର୍କରେ ନିକଟରେ ଦେଖାଦେଇଥିବା ସୁଧାରକୁ ଆହୁରି ଆଗକୁ ନେବା ଉପରେ ନଜର ରହିଛି।

ଚୀନ୍‌ ରାଷ୍ଟ୍ରପତିଙ୍କ ମତରେ, ବ୍ରିକ୍ସର ବିସ୍ତାର ଦ୍ୱାରା ଦକ୍ଷିଣ ବିଶ୍ୱର ପ୍ରତିନିଧିତ୍ବ ଆହୁରି ବଢ଼ିଛି।

ଆର୍ଥିକ ବିକାଶ, ବାଣିଜ୍ୟ, ପ୍ରଯୁକ୍ତି, ଉର୍ଜା ଓ ଅନ୍ୟାନ୍ୟ କ୍ଷେତ୍ରରେ ସଦସ୍ୟ ଦେଶଗୁଡ଼ିକ ମଧ୍ୟରେ ସହଯୋଗ ବଢ଼ାଇବା ଉପରେ ଚୀନ୍‌ ଜୋର ଦେଉଛି।

ବ୍ରିକ୍ସ ଏବେ ୧୧ଟି ଦେଶର ଗୋଷ୍ଠୀ ହୋଇଥିବାରୁ ବିଶ୍ୱ ଅର୍ଥନୀତି ଓ ରାଜନୀତିରେ ଏହାର ପ୍ରଭାବ ମଧ୍ୟ ବଢ଼ିଛି।

ଏହି ଦେଶଗୁଡ଼ିକ ମିଳିତ ଭାବେ ବିଶ୍ୱର ପ୍ରାୟ ଅଧା ଜନସଂଖ୍ୟାକୁ ପ୍ରତିନିଧିତ୍ବ କରୁଛନ୍ତି।

ଆହୁରି ପଢନ୍ତୁ: GDP: ଭାରତ ବିଶ୍ବ ଅଭିବୃଦ୍ଧିର ଇଞ୍ଜିନ: ଆଇଏମ୍‌ଏଫ୍‌ ନୂଆ ଜିଡିପି ହିସାବ ପଦ୍ଧତିକୁ ସ୍ବାଗତ ଏଥର ବ୍ରିକ୍ସ ସମ୍ମିଳନୀରେ ରୁଷ୍‌ ରାଷ୍ଟ୍ରପତି ଭ୍ଲାଦିମିର ପୁଟିନ, ଇରାନ୍‌ ରାଷ୍ଟ୍ରପତି ମସୁଦ ପେଜେସ୍କିଆନଙ୍କ ସମେତ ଅନ୍ୟ ନେତାମାନେ ଯୋଗଦେଉଛନ୍ତି।

ବିଶ୍ୱରେ ଚାଲିଥିବା ଯୁଦ୍ଧ, ବାଣିଜ୍ୟିକ ଓ ଭୂ-ରାଜନୈତିକ ଉତ୍ତେଜନା ମଧ୍ୟରେ ବ୍ରିକ୍ସ ଦେଶଗୁଡ଼ିକ ମଧ୍ୟରେ ଏକତା ରକ୍ଷା କରିବା ଏଥରର ପ୍ରମୁଖ ଚ୍ୟାଲେଞ୍ଜ ହୋଇଛି।

ଭାରତ ଏହି ସମ୍ମିଳନୀର ଆୟୋଜକ ଭାବେ ବ୍ରିକ୍ସ ମାଧ୍ୟମରେ ଦକ୍ଷିଣ ବିଶ୍ୱର ଦେଶଗୁଡ଼ିକ ସହିତ ସହଯୋଗ ବଢ଼ାଇବା ସହ ଆର୍ଥିକ ଓ ରଣନୈତିକ ପ୍ରସଙ୍ଗରେ ନିଜ ଭୂମିକାକୁ ମଜବୁତ କରିବାକୁ ଚାହୁଛି।

ଚୀନ୍‌ ରାଷ୍ଟ୍ରପତିଙ୍କ ଗସ୍ତ ଏହି ପରିପ୍ରେକ୍ଷୀରେ ବିଶେଷ ଗୁରୁତ୍ବ ବହନ କରୁଛି।

"