ଅଥଳ ନୀଳ ଜଳରାଶି । ଆଉ ତାହାରି ଭିତରେ ଜୀବନକୁ ବାଜି ଲଗାଇ ଦେଶୀ ଡଙ୍ଗାରେ ଚାଲିଛି ବିପଦପୂର୍ଣ୍ଣ ଯାତ୍ରା ।

ନନ୍ଦିଘୋଷ ବ୍ୟୁରୋ : ଅଥଳ ନୀଳ ଜଳରାଶି । ଆଉ ତାହାରି ଭିତରେ ଜୀବନକୁ ବାଜି ଲଗାଇ ଦେଶୀ ଡଙ୍ଗାରେ ଚାଲିଛି ବିପଦପୂର୍ଣ୍ଣ ଯାତ୍ରା । କେତେବେଳେ କଣ ଅଘଟଣ ଘଟିବ କହିବା ମୁସ୍କିଲ ।… ଏ ହେଉଛି ଜଗତସିଂହପୁର ଜିଲ୍ଲା ଏରସମା ବ୍ଲକ କାଙ୍କଣ ଗ୍ରାମ ନିକଟରେ ଥିବା ପଠାଣଡିଆ ଦ୍ୱୀପର ଦୃଶ୍ୟ । ପ୍ରାକୃତିକ ସୌନ୍ଦର୍ଯ୍ୟରେ ଭରପୂର ଏହି ଦ୍ଵୀପରେ ରହିଛି  ପ୍ରସିଦ୍ଧ ମହାବୀର ପୀଠ । ଏଠାକୁ ପ୍ରତିଦିନ ଶହ ଶହ ଶ୍ରଦ୍ଧାଳୁ ଆସନ୍ତି । ହେଲେ ମନ୍ଦିରକୁ ଯିବା ପାଇଁ ନା ଅଛି ସେତୁ ନା ଲୋକଙ୍କୁ ମିଳୁଛି ବିଶୁଦ୍ଧ ପାନୀୟ ଜଳ ।…

ହଂସୁଆ ନଦୀ ବକ୍ଷରେ ପୂଜା ପାଉଛନ୍ତି ସଙ୍କଟମୋଚନ ମହାବୀର ହନୁମାନ । ସଂକ୍ରାନ୍ତି, ରାମନବମୀ ଓ ହନୁମାନ ଜୟନ୍ତୀରେ ଏଠାକୁ ହଜାର ହଜାର ଭକ୍ତ ଆସନ୍ତି । ହେଲେ ଯାତାୟାତ ପାଇଁ ସେତୁ ନଥିବାରୁ କେବଳ ୨ ଟି ଦେଶୀ ଡଙ୍ଗା ହିଁ ସାହା ଭରସା ପାଲଟିଛି । ଗତ ୨୦୨୪ ଏପ୍ରିଲ ୧୪ରେ ଏକ ଯାତ୍ରୀବାହୀ ଡଙ୍ଗା ଓଲଟି ପଡ଼ିଥିଲା । ଯାହା ଏବେ ବି ସ୍ଥାନୀୟ ଲୋକଙ୍କ ମନରେ କୋକୁଆ ଭୟ ସୃଷ୍ଟି କରୁଛି । …

ବାରମ୍ବାର ପ୍ରଶାସନିକ ଅଧିକାରୀ ପୀଠ ପରିଦର୍ଶନ କରୁଛନ୍ତି । ପ୍ରତିଶୃତିର ପାହାଡ଼ ଲଦି ଦେଉଛନ୍ତି । ହେଲେ ବାସ୍ତବ ଚିତ୍ର ବଦଳୁନି । ପଠାଣଡିଆ ଦ୍ଵୀପକୁ କେବେ ହେଉଛି ବ୍ରିଜ ନିର୍ମାଣ ? କେବେ ସୁବିଧାରେ ଯାଆସ କରୁଛନ୍ତି ଲୋକେ ? ତାହା ଦେଖିବାକୁ ବାକି ରହିଲା। …