ଉଦ୍ୟୋଗୀଙ୍କ ଅଣ୍ଟା ଭାଙ୍ଗିଦେଲା ଝଡ଼ ତୋଫାନ… ଉଜୁଡ଼ିଗଲା କୁକୁଡ଼ା ଫାର୍ମ.
ନନ୍ଦିଘୋଷ ବ୍ୟୁରୋ :ଆଶା ଥିଲା ସ୍ଵାବଲମ୍ବୀ ହେବେ । ହେଲେ ଦାଉ ସାଧିଲା ଝଡ଼ ତୋଫାନ । ଉଡ଼ିଗଲା ଆଜବେଷ୍ଟସ । ଦେଖନ୍ତୁ କିପରି ଏଣେ ତେଣେ ପଡ଼ିଛି ଆଜବେଷ୍ଟସ । ଖଣ୍ଡେ କି ଦୁଇ ଖଣ୍ଡ ନୁହେଁ ସମ୍ପୂର୍ଣ୍ଣ ସେଡ ନଷ୍ଟ ହୋଇଯାଇଛି । ପ୍ଲାଷ୍ଟିକ ଡ୍ରମ ସବୁ ଭାଙ୍ଗିରୁଜି ଚୁରମାର ହୋଇଯାଇଛି । ଏ ଦୃଶ୍ୟ ହେଉଛି ସୁବର୍ଣ୍ଣପୁର ଜିଲ୍ଲା କଳାପଥର ଗାଁର ଏକ ବ୍ରଏଲର କୁକୁଡ଼ା ଫାର୍ମର । ଦେଢ଼ ବର୍ଷ ପୂର୍ବେ ସରିଫାନ ବେଗମ ମୁଖ୍ୟମନ୍ତ୍ରୀ କୃଷି ଉଦ୍ୟୋଗ ଯୋଜନାରେ ଏକ କୁକୁଡ଼ା ଫାର୍ମ କରିଥିଲେ । ହେଲେ କାଳବୈଶାଖୀରେ ଫାର୍ମଟି ସଂପୂର୍ଣ୍ଣ ନଷ୍ଟ ହୋଇଯାଇଛି । …
ସରିଫାନ ବେଗମ ୭୦ ଲକ୍ଷରୁ ଉର୍ଦ୍ଧ୍ଵ ଟଙ୍କାରେ କୁକୁଡ଼ା ଫାର୍ମ କରିଥିଲେ । ବ୍ୟାଙ୍କରୁ ଋଣ ମଧ୍ୟ ନେଇଥିଲେ । ହେଲେ ପ୍ରକୃତିର ତାଣ୍ଡବରେ ସେ ସବୁ ଚୁରମାର ହୋଇଯାଇଛି । ଏନେଇ ବିଭାଗୀୟ ଅଧିକାରୀଙ୍କ ଦୃଷ୍ଟି ଆକର୍ଷଣ କରିବା ସହିତ ବୀମା କମ୍ପାନୀକୁ ଜଣାଇଥିଲେ ସୁଦ୍ଧା କୌଣସି ସୁଫଳ ମିଳିନଥିବା ଅଭିଯୋଗ କରିଛନ୍ତି । …
ପ୍ରାକୃତିକ ବିପର୍ଯ୍ୟୟର ଶିକାର ହୋଇଛନ୍ତି ଉଦ୍ୟୋଗୀ । ସରକାର ତାଙ୍କୁ ସହାୟତା ଯୋଗାଇ ଦେବା ଜରୁରୀ ହୋଇ ପଡ଼ିଛି ।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ NANDIGHOSHA TV - ନନ୍ଦିଘୋଷ ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି NANDIGHOSHA TV - ନନ୍ଦିଘୋଷ ଟିଭି ଦେଖନ୍ତୁ।
