କୋହଳ ହେଲା PUCC ଜରିମାନା
ନନ୍ଦିଘୋଷ ବ୍ୟୁରୋ : କୋହଳ ହେଲା PUCC ଜରିମାନା। ମୋଟର ଯାନ ପ୍ରଦୂଷଣ ନିୟନ୍ତ୍ରଣ ସାର୍ଟିଫିକେଟ ନେଇ ବଡ଼ ଘୋଷଣା। ୬ ହଜାରକୁ ଫାଇନ କମାଇଲେ ରାଜ୍ୟ ସରକାର। ପୂର୍ବରୁ ଜରିମାନା ପରିମାଣ ଥିଲା ୧୦ ହଜାର ଟଙ୍କା। ୧୦ ହଜାର ଟଙ୍କା ଫାଇନ ଯୋଗୁ ସୃଷ୍ଟି ହେଉଥିଲା ଅସନ୍ତୋଷ। ଏନେଇ ପରିବହନ ମନ୍ତ୍ରୀ ଦେଇଛନ୍ତି ସୂଚନା। ସେହିପରି ଦୁଇରୁ ତିନି ଚକିଆ ଗାଡ଼ି ପ୍ରଥମ ଥର ପାଇଁ ନିୟମ ଭାଙ୍ଗିଲେ ୧ ହଜାର ଜରିମାନା ଧାର୍ଯ୍ୟ ହୋଇଥିବା ବେଳେ ଦିତ୍ଵୀୟ ବାର ନିୟମ ଭାଙ୍ଗିଲେ ୨ ହଜାର ଦେବାକୁ ପଡିବ ।
ସେହିଭଳି ଚାରି ଚାକିଆରୁ ଟ୍ରାକ୍ଟର ଭଳି ଗାଡ଼ି ପାଇଁ ପ୍ରଥମ ଥର ପାଇଁ ୨ ହଜାର ଟଙ୍କା ରହିଥିବା ବେଳେ ଦ୍ୱିତୀୟ ବାର ପାଇଁ ୫ ହଜାର ଦେବାକୁ ପଡିବ । ସେପଟେ ଟ୍ରାନ୍ସପୋର୍ଟ ଗାଡ଼ି ଗୁଡ଼ିକ ନିମନ୍ତେ ୩ହଜାରୁ ୬ ହଜାର ଜରିମାନା ଦେବାକୁ ପଡ଼ିବ ବୋଲି ପରିବହନ ମନ୍ତ୍ରୀ ବିଭୂତି ଭୂଷଣ ଜେନା କହିଛନ୍ତି ।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ NANDIGHOSHA TV - ନନ୍ଦିଘୋଷ ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି NANDIGHOSHA TV - ନନ୍ଦିଘୋଷ ଟିଭି ଦେଖନ୍ତୁ।
