ଗାଁକୁ ନାହିଁ ପକ୍କା ରାସ୍ତା
ନନ୍ଦିଘୋଷ ବ୍ୟୁରୋ : ଗାଁକୁ ନାହିଁ ପକ୍କା ରାସ୍ତା । ଆବଡ଼ାଖାବଡ଼ା ରାସ୍ତା ପାଲଟିଛି ଯୋଗାଯୋଗର ମାଧ୍ୟମ । ଭାରରେ ବୁହା ହେଉଛନ୍ତି ରୋଗୀ ଓ ଗର୍ଭବତୀ । ନିଦାବିଷ୍ଣୁ ପ୍ରଶାସନ ।… କୋରାପୁଟ ଜିଲ୍ଲା ପଟାଙ୍ଗୀ ବ୍ଳକ ରାଲେଗାଡା ପଞ୍ଚାୟତ ବଡାପାଡୁ ଗାଁକୁ ନାହିଁ ପକ୍କା ରାସ୍ତା । ଜରୁରୀ ସମୟରେ ଗାଁକୁ ଆମ୍ବୁଲାନ୍ସ ପହଞ୍ଚି ପାରୁନାହିଁ । ବହୁ ଅସୁବିଧାର ସମ୍ମୁଖୀନ ହେଉଛନ୍ତି ଲୋକେ । ସମସ୍ୟା ସଂପର୍କରେ ଗ୍ରାମବାସୀ ଅନେକ ଥର ସ୍ଥାନୀୟ ପ୍ରଶାସନକୁ ଜଣାଇ ସାରିଲେଣି, ହେଲେ ଫଳ ଶୂନ । ଖାଲି ମିଳୁଛି ଫମ୍ପା ପ୍ରତିଶୃତି ।…
ବଡାପାଡୁ ଗାଁକୁ ରାସ୍ତା ନଥିବାରୁ ପାହଡ଼ି ରାସ୍ତା ଦେଇ ଯାଆସ କରୁଛନ୍ତି ଲୋକେ । ବର୍ଷା ଦିନେ ସମସ୍ୟା ଦ୍ଵିଗୁଣିତ ହୋଇଯାଏ । ହେଲେ ପ୍ରଶାସନ ଦୃଷ୍ଟି ଦେଉନାହିଁ । ଯାହାକୁ ନେଇ ସାଧାରଣ ଲୋକଙ୍କ ମଧ୍ୟରେ ଅସନ୍ତୋଷ ଦାନା ବାନ୍ଧୁଛି । ସେପଟେ ଭିବିଜି ରାମଜିରେ ରାସ୍ତା କାମ କରିବାକୁ ରଖାଯାଇଛି । ଅନୁଦାନ ଆସିଲେ କାମ ଆରମ୍ଭ ହେବ ବୋଲି କହିଛନ୍ତି ଗୋଷ୍ଠୀ ଉନ୍ନୟନ ଅଧିକାରୀ ।…
କେବେ ବଡାପାଡୁ ଗାଁକୁ ହେଉଛି ରାସ୍ତା ନିର୍ମାଣ ? କେବେ ସୁବିଧାରେ ଯାଆସ କରୁଛନ୍ତି ଲୋକେ ? ତାହା ଦେଖିବାକୁ ବାକି ରହିଲା ।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ NANDIGHOSHA TV - ନନ୍ଦିଘୋଷ ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି NANDIGHOSHA TV - ନନ୍ଦିଘୋଷ ଟିଭି ଦେଖନ୍ତୁ।
