ଗିଲଙ୍କ କ୍ୟାପଟେନ୍ସି ଉପରେ କୋହଲିଙ୍କ ବଡ଼ କଥା, ଭବିଷ୍ୟତକୁ ନେଇ କହିଲେ…
ନୂଆଦିଲ୍ଲୀ,୨୬।୯: ରୋହିତ ଶର୍ମାଙ୍କ ପରେ ଶୁଭମନ ଗିଲଙ୍କୁ ଭାରତର ଦିନିକିଆ ଓ ଟେଷ୍ଟ ଦଳର ଅଧିନାୟକ କରାଯାଇଛି। ତାଙ୍କ ଅଧିନାୟକତ୍ୱରେ ଟିମ୍ ଇଣ୍ଡିଆ ଆସନ୍ତା ୨୭ ସେପ୍ଟେମ୍ବର (ରବିବାର)ରୁ ୱେଷ୍ଟଇଣ୍ଡିଜ୍ ବିପକ୍ଷରେ ଦିନିକିଆ ସିରିଜ୍ ଖେଳିବ। ସିରିଜ୍ର ପ୍ରଥମ ମ୍ୟାଚ୍ ତିରୁବନନ୍ତପୁରମରେ ଖେଳାଯିବ। ମ୍ୟାଚ୍ ପୂର୍ବରୁ ବିରାଟ କୋହଲି ଶୁଭମନ ଗିଲଙ୍କ ଅଧିନାୟକତ୍ୱକୁ ନେଇ ମତ ରଖିଛନ୍ତି। ଗିଲ୍ ଅଧିନାୟକ ଭାବେ ବର୍ତ୍ତମାନ କେଉଁ ସ୍ଥିତିରେ ଅଛନ୍ତି, ସେନେଇ କୋହଲି ଆଲୋଚନା କରିଛନ୍ତି।
କୋହଲି କହିଛନ୍ତି ଯେ, ଗିଲ୍ ଏବେ ବି ଅଧିନାୟକତ୍ୱ ଶିଖୁଛନ୍ତି। ସେ ଏହି ଭୂମିକାରେ ଏବେ ବି ନୂଆ। ତେବେ ଅଧିନାୟକତ୍ୱ ପାଇଁ ଗିଲଙ୍କ ପାଖରେ ଉପଯୁକ୍ତ ଦୃଷ୍ଟିକୋଣ ରହିଛି ବୋଲି କୋହଲି କହିଛନ୍ତି।
ଜିଓଷ୍ଟାର ସହ କଥା ହୋଇ କୋହଲି ଗିଲଙ୍କ ଅଧିନାୟକତ୍ୱକୁ ନେଇ କହିଛନ୍ତି, “ଶୁଭମନ ଅଧିନାୟକ ଭାବେ ଏବେ ବି ଶିଖୁଛନ୍ତି। ସେ ଏହି ଭୂମିକାରେ ଏବେ ବି ନୂଆ। କିନ୍ତୁ ତାଙ୍କ ପାଖରେ ସଠିକ୍ ଦୃଷ୍ଟିକୋଣ ଏବଂ ଟିମ୍ ଇଣ୍ଡିଆକୁ ନେତୃତ୍ୱ ଦେବାର ଉପଯୁକ୍ତ ତୀବ୍ରତା ରହିଛି। ମୈଦାନରେ ଆମେ କିପରି କାମ କରିବୁ, ସେନେଇ ତାଙ୍କ ପାଖରେ ବହୁତ ସ୍ପଷ୍ଟ ଯୋଜନା ରହିଛି।”
Dharitri – Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି DHARITRI - ଧରିତ୍ରୀ ଦେଖନ୍ତୁ।
