ଦିନକ ଭିତରେ ଆଣ୍ଠୁମାଡ଼ିଲା ବାଂଲାଦେଶ: ଭାରତଠାରୁ ମାଗିଲା…
ନୂଆଦିଲ୍ଲୀ, ୭।୮: ବାଂଲାଦେଶ-ଭାରତ ଫ୍ରେଣ୍ଡଶିପ ପାଇପଲାଇନ ମାଧ୍ୟମରେ ଭାରତରୁ ବାଂଲାଦେଶକୁ ପ୍ରାୟ ୫,୦୦୦ ମେଟ୍ରିକ ଟନ ଡିଜେଲ ପଠାଯାଉଛି। ପଶ୍ଚିମ ଏସିଆରେ ବଢ଼ୁଥିବା ଉତ୍ତେଜନା ଯୋଗୁ ବିଶ୍ୱବ୍ୟାପୀ ଇନ୍ଧନ ଯୋଗାଣ ପ୍ରଭାବିତ ହୋଇଥିବାବେଳେ ବାଂଲାଦେଶରେ ମଧ୍ୟ ଇନ୍ଧନ ଅଭାବ ଦେଖାଦେଇଛି।
ବାଂଲାଦେଶ ପେଟ୍ରୋଲିୟମ କର୍ପୋରେସନ (BPC)ର ଅଧିକାରୀମାନେ କହିଛନ୍ତି ଯେ, ଗତକାଲି ଅପରାହ୍ନ ୩ଟା ୨୦ ମିନିଟ ସମୟରେ ଆସାମର ନୁମାଲିଗଡ଼ ରିଫାଇନେରୀ ଲିମିଟେଡରୁ ଡିଜେଲ ପମ୍ପିଂ ଆରମ୍ଭ ହୋଇଥିଲା। ଏହି ଡିଜେଲ ପ୍ରାୟ ୪୪ ଘଣ୍ଟା ମଧ୍ୟରେ ଦିନାଜପୁରର ପାର୍ବତୀପୁର ଡିପୋରେ ପହଞ୍ଚିବ ବୋଲି ଆଶା କରାଯାଉଛି।
BPCର କମର୍ସ ଏବଂ ଅପରେସନ୍ସ ବିଭାଗର ଜେନେରାଲ ମ୍ୟାନେଜର ମହମ୍ମଦ ମୋର୍ଶେଦ ହୁସେନ ଆଜାଦ କହିଛନ୍ତି ଯେ, ପ୍ରତି ଘଣ୍ଟାରେ ପ୍ରାୟ ୧୧୩ ମେଟ୍ରିକ ଟନ ଡିଜେଲ ପମ୍ପ କରାଯାଉଛି ଏବଂ ସମ୍ପୂର୍ଣ୍ଣ ଖେପ ଆସନ୍ତାକାଲି ସନ୍ଧ୍ୟା ସୁଦ୍ଧା ପହଞ୍ଚିବ ବୋଲି ଆଶା ରହିଛି।
୧୩୧ କିଲୋମିଟର ଲମ୍ବା ଏହି ସୀମାପାର ଫ୍ରେଣ୍ଡଶିପ ପାଇପଲାଇନ ଭାରତର ସିଲିଗୁଡ଼ି ମାର୍କେଟିଂ ଟର୍ମିନାଲକୁ ଉତ୍ତର ବାଂଲାଦେଶର ପାର୍ବତୀପୁର ଡିପୋ ସହ ସଂଯୋଗ କରିଛି। ଇନ୍ଧନ ପରିବହନକୁ ଅଧିକ ଦ୍ରୁତ ଏବଂ କମ ଖର୍ଚ୍ଚସାପେକ୍ଷ କରିବା ଉଦ୍ଦେଶ୍ୟରେ ୨୦୨୩ରେ ଏହି ପାଇପଲାଇନରେ ଔପଚାରିକ ଉଦ୍ଘାଟନ କରାଯାଇଥିଲା।
Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି DHARITRI - ଧରିତ୍ରୀ ଦେଖନ୍ତୁ।
