ପୁରାତନ ଗାଥା ବଖାଣୁଛି ବାଲ୍ମୀକି ଗୁମ୍ଫା
ନନ୍ଦିଘୋଷ ବ୍ୟୁରୋ : ଐତିହ୍ୟ ତଥା ବିଶ୍ଵାସର ପ୍ରତୀକ । ପୁରାତନ ଗାଥା ବଖାଣୁଛି ବାଲ୍ମୀକି ଗୁମ୍ଫା । ତଥାପି ମିଳୁନି ପର୍ଯ୍ୟଟନସ୍ଥଳୀ ମାନ୍ୟତା । ଯାଜପୁର ଜିଲ୍ଲା ବଡ଼ଚଣା ବ୍ଲକ ବାରୁଣାବନ୍ତ ପାହାଡ ଶୀର୍ଷରେ ରହିଛି ବାଲ୍ମୀକି ଗୁମ୍ଫା । ଯାହାକୁ ବାଜେଣି ଗୁମ୍ଫା ମଧ୍ୟ କୁହାଯାଏ । ଏହି ଗୁମ୍ଫାକୁ ନେଇ ରହିଛି ଅନେକ କିମ୍ବଦନ୍ତୀ । କୁହାଯାଏ ଏଠାକୁ ମହର୍ଷି ବାଲ୍ମୀକି ଆସିଥିଲେ । ଏଠାରେ ରହି ତପସ୍ୟା ମଧ୍ୟ କରିଥିଲେ । ସେହି କିମ୍ବଦନ୍ତୀକୁ ନେଇ ଏଠାରେ ବାଲ୍ମିକୀ, ପ୍ରଭୁ ରାମଚନ୍ଦ୍ର, ଭ୍ରାତା ଲକ୍ଷ୍ମଣ ଓ ମାତା ସୀତାଙ୍କୁ କାହିଁ କେଉଁ କାଳରୁ ପୂଜାର୍ଚ୍ଚନା କରାଯାଉଛି ।…
ଗୁମ୍ଫାକୁ ଯିବାକୁ ହେଲେ ବହୁ ପାହାଚ ଚଢି ଯିବାକୁ ପଡ଼ିଥାଏ । ବିଭିନ୍ନ ସମୟରେ ଏଠାରେ ବହୁ ସଂଖ୍ୟକ ଭକ୍ତଙ୍କ ସମାଗମ ହୋଇଥାଏ । ବିଶେଷ କରି ବର୍ଷା ନ ହେଲେ ଏଠାକୁ ଆସି ପୂଜାର୍ଚ୍ଚନା କଲେ, ବର୍ଷା ହୋଇଥାଏ ବୋଲି ଭକ୍ତଙ୍କ ରହିଛି ବିଶ୍ୱାସ । ସ୍ଥାନୀୟ ଲୋକଙ୍କ ସହଯୋଗରେ ଏଠାରେ ଯଜ୍ଞ, ନାମ ସଂକୀର୍ତ୍ତନ ଅନୁଷ୍ଠିତ ହୋଇ ଆସୁଛି । ହେଲେ ଗୁମ୍ଫାକୁ ଯିବା ପାଇଁ ଭଲ ରାସ୍ତା ଟିଏ ନାହିଁ । ଆଲୋକୀକରଣ ବ୍ୟବସ୍ଥା ବି ନାହିଁ । ଏହା ଉପରେ ସରକାର ଦୃଷ୍ଟି ଦେବା ସହ ଗୁମ୍ଫାକୁ ପର୍ଯ୍ୟଟନସ୍ଥଳୀ ମାନ୍ୟତା ଦେବା ପାଇଁ ସାଧାରଣରେ ଦାବି ହୋଇଛି ।…
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ NANDIGHOSHA TV - ନନ୍ଦିଘୋଷ ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି NANDIGHOSHA TV - ନନ୍ଦିଘୋଷ ଟିଭି ଦେଖନ୍ତୁ।
