ପୂର୍ବତନ ଜେଲ୍ ଡିଜି ସୁଶାନ୍ତ କୁମାର ନାଥଙ୍କ ନାମରେ ପୁଣି ଏକ ମାମଲା

ଭୁବନେଶ୍ୱର: ପୂର୍ବତନ ଜେଲ୍ ଡିଜି ସୁଶାନ୍ତ କୁମାର ନାଥଙ୍କ ବଢ଼ିଲା ଅଡୁଆ । ମହିଳା ପୋଲିସ କର୍ମଚାରୀଙ୍କୁ  ଯୌନ ନିର୍ଯ୍ୟାତନା ମାମଲା ନ ଥମୁନୁ ପୁଣି ତାଙ୍କ ନା ରେ ଆସିଛି ଆଉ ଏକ ଅଭିଯୋଗ । ତାଙ୍କ ବିରୋଧରେ ଏହି ଅଭିଯୋଗ ଆଣିଛନ୍ତି ନିଲମ୍ବିତ ବାଲେଶ୍ୱର ଜେଲର ପ୍ରଦୀପ ମହାଳିକ । ଜଣେ ବିଚାରାଧୀନ କଏଦୀଙ୍କୁ ଏକ ମିଥ୍ୟା ନିଶା ଦ୍ରବ୍ୟ (ନାର୍କୋଟିକ୍ସ) ମାମଲାରେ ଫସାଇବାକୁ ଉଦ୍ୟମ କରିଥିଲେ ବୋଲି ଅଭିଯୋଗ କରିଛନ୍ତି ପ୍ରଦୀପ ମହାଳିକ । ଏନେଇ ସେ ଗୃହ ବିଭାଗକୁ ଚିଠି ଲେଖଛନ୍ତି ।

ନିଲମ୍ବିତ ଥିବା ବାଲେଶ୍ୱର ଜିଲ୍ଲା ଜେଲର ପ୍ରଦୀପ୍ତ କୁମାର ମହାଳିକଙ୍କ ଅଭିଯୋଗ ଅନୁସାରେ , ଅକ୍ଟୋବର ୯ ତାରିଖରେ ସୁଶାନ୍ତ ତାଙ୍କୁ ରାଜୀବ ଲୋଚନ ଦାସ ନାମକ ଜଣେ ବିଚାରାଧୀନ କଏଦୀଙ୍କ ପକେଟରେ ‘ବ୍ରାଉନ୍ ସୁଗାର’ (ନିଶା ଦ୍ରବ୍ୟ) ରଖିଦେବାକୁ ନିର୍ଦ୍ଦେଶ ଦେଇଥିଲେ। ମହାଲିକଙ୍କ କହିବା ଅନୁଯାୟୀ, ଅକ୍ଟୋବର ୮ ତାରିଖରେ ନାଥ ତାଙ୍କୁ ଫୋନ୍ କରି ଓଡ଼ିଶା ବନ୍ଦ ସତ୍ତ୍ୱେ ଏକ ଜରୁରୀ ବୈଠକ ପାଇଁ ଭୁବନେଶ୍ୱର ଡକାଇଥିଲେ । ପରଦିନ ସକାଳେ ଭୁବନେଶ୍ୱର ଜେଲ ଅଧୀକ୍ଷକ ସର୍ବେଶ୍ୱର ସାହୁ ତାଙ୍କୁ ଡିଜିଙ୍କ ବାସଭବନକୁ ନେଇଯାଇଥିଲେ, ଯେଉଁଠାରେ ସେ ନାଥଙ୍କ ନିର୍ଦ୍ଦେଶ ବିଷୟରେ ଜଣାଇଥିଲେ, ଯେ ବିଚାରାଧୀନ କଏଦୀଙ୍କ ପକେଟରେ ଗୋପନୀୟ ଭାବେ ବ୍ରାଉନ୍ ସୁଗାର ରଖିବାକୁ ହେବ। ମହାଲିକ କହିଛନ୍ତି ଯେ, ସେ ଏହି ବେଆଇନ ନିର୍ଦ୍ଦେଶକୁ ମାନିବାକୁ ମନା କରିଦେଇଥିଲେ। ପରେ ତାଙ୍କୁ ନାଥଙ୍କ କାର୍ଯ୍ୟାଳୟକୁ ଡକାଯାଇଥିଲା, ଯେଉଁଠାରେ ଉକ୍ତ ଆଇପିଏସ୍ ଅଧିକାରୀ ପୁନର୍ବାର ସେହି ନିର୍ଦ୍ଦେଶ ଦେବା ସହ ଏହା ବଦଳରେ ଟଙ୍କା ଓ ପଦୋନ୍ନତିର ପ୍ରଲୋଭନ ଦେଇଥିଲେ । ମହାଳିକ ପୁଣିଥରେ ଏହାକୁ ପ୍ରତ୍ୟାଖ୍ୟାନ କରିବାରୁ ପାଞ୍ଚ ଦିନ ପରେ ତାଙ୍କୁ କର୍ତ୍ତବ୍ୟରେ ଅବହେଳା ଓ ତ୍ରୁଟି ଦର୍ଶାଇ ନିଲମ୍ବିତ କରାଯାଇଥିଲା ।

କହିବା ଅନୁଯାୟୀ, ଅକ୍ଟୋବର ୮ ତାରିଖରେ ନାଥ ତାଙ୍କୁ ଫୋନ୍ କରି ଓଡ଼ିଶା ବନ୍ଦ ସତ୍ତ୍ୱେ ଏକ ଜରୁରୀ ବୈଠକ ପାଇଁ ଭୁବନେଶ୍ୱର ଡକାଇଥିଲେ। ପରଦିନ ସକାଳେ ଭୁବନେଶ୍ୱର ଜେଲ ଅଧୀକ୍ଷକ ସର୍ବେଶ୍ୱର ସାହୁ ତାଙ୍କୁ ଡିଜିଙ୍କ ବାସଭବନକୁ ନେଇଯାଇଥିଲେ, ଯେଉଁଠାରେ ସେ ନାଥଙ୍କ ନିର୍ଦ୍ଦେଶ ବିଷୟରେ ଜଣାଇଥିଲେ, ଯେ ବିଚାରାଧୀନ କଏଦୀଙ୍କ ପକେଟରେ ଗୋପନୀୟ ଭାବେ ବ୍ରାଉନ୍ ସୁଗାର ରଖିବାକୁ ହେବ। ମହାଲିକ କହିଛନ୍ତି ଯେ, ସେ ଏହି ବେଆଇନ ନିର୍ଦ୍ଦେଶକୁ ମାନିବାକୁ ମନା କରିଦେଇଥିଲେ । ପରେ ତାଙ୍କୁ ନାଥଙ୍କ କାର୍ଯ୍ୟାଳୟକୁ ଡକାଯାଇଥିଲା, ଯେଉଁଠାରେ ଉକ୍ତ ଆଇପିଏସ୍ ଅଧିକାରୀ ପୁନର୍ବାର ସେହି ନିର୍ଦ୍ଦେଶ ଦେବା ସହ ଏହା ବଦଳରେ ଟଙ୍କା ଓ ପଦୋନ୍ନତିର ପ୍ରଲୋଭନ ଦେଇଥିଲେ । ମହାଳିକ ପୁଣିଥରେ ଏହାକୁ ପ୍ରତ୍ୟାଖ୍ୟାନ କରିବାରୁ ପାଞ୍ଚ ଦିନ ପରେ ତାଙ୍କୁ କର୍ତ୍ତବ୍ୟରେ ଅବହେଳା ଓ ତ୍ରୁଟି ଦର୍ଶାଇ ନିଲମ୍ବିତ କରାଯାଇଥିଲା । ଗୃହ ବିଭାଗର ଜଣେ ଅଧିକାରୀ କହିଛନ୍ତି ଯେ ଏହି ଅଭିଯୋଗଗୁଡ଼ିକର ଯାଞ୍ଚ କରାଯିବ ।

ସୂଚନାନୁସାରେ, ଚୌଦ୍ବାର ସର୍କଲ୍‌ ଜେଲ୍‌ର ପୂର୍ବତନ ଜେଲର୍ ସନ୍ତୋଷିନୀ ଦାଶ , ପୂର୍ବତନ ଜେଲ ଡିଜି ସୁଶାନ୍ତ ନାଥଙ୍କ ବିରୋଧରେ ଯୌନ ଉତ୍ପୀଡ଼ନ ଓ ଭୟଭୀତ କରିବା ଅଭିଯୋଗ ଆଣିଥିଲେ । ଏହି ମାମଲାରେ ଆଶ୍ୱସ୍ତି ପାଇବା ପାଇଁ ସୋମବାର ଦିନ ସେ ହାଇକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି ।

ସଂସଦୀୟ କମିଟି ଓଡ଼ିଶାର ଜେଲ୍ ସୁରକ୍ଷା ନେଇ ଉଦବେଗ ପ୍ରକାଶ କରାଯିବା ସହ ଏ ସମ୍ବନ୍ଧରେ ହାଜର ପାଇଁ ଗୃହ ବିଭାଗ ଅତିରିକ୍ତ ମୁଖ୍ୟ ଶାସନ ସଚିବ ହେମନ୍ତ ଶର୍ମା ଓ ସୁଶାନ୍ତ ନାଥଙ୍କୁ ନୋଟିସ୍ କରିଛନ୍ତି ।