ପ୍ରଦୂଷଣ ବଳୟରେ ଦିଲ୍ଲୀ-ଏନସିଆର, ଆଜି ରାତି ସୁଦ୍ଧା ସ୍ଥିତି ହେବ ଆହୁରି ଖରାପ
ନୂଆଦିଲ୍ଲୀ,୮ା୧୧: ଦୀପାବଳି ରାତି ଅର୍ଥାତ୍ ରବିବାର ଦିଲ୍ଲୀର ପରିସ୍ଥିତି ଆହୁରି ଖରାପ ହେବାର ଆଶଙ୍କା କରାଯାଉଛି। ଶନିବାର ପଞ୍ଜାବ ଏବଂ ହରିୟାଣାରେ ନଡ଼ା ଜାଳିବା ଘଟଣା ଋତୁର ସର୍ବୋଚ୍ଚ ସ୍ତରକୁ ପହଞ୍ଚିଛି। ଇସ୍ରୋ ସାଟେଲାଇଟ ତଥ୍ୟ ଅନୁଯାୟୀ, ଏହା ଲଗାତର ୧୦ମ ଦିନର ଘଟଣା।
ରବିବାର ଦିଲ୍ଲୀରେ ହାଲୁକା ପବନ ବହିବାର ସମ୍ଭାବନା ଅଛି। ଶନିବାର ଅପରାହ୍ନ ୪ଟାରେ, ବାୟୁ ଗୁଣବତ୍ତା ସୂଚକାଙ୍କ (AQI) ୩୬୯ ଥିଲା, ଯାହା କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ସ୍କେଲରେ ୦-୫୦୦ ସ୍କେଲରେ ଅତ୍ୟନ୍ତ ଖରାପ ବର୍ଗରେ ପଡ଼ିଥାଏ। ଏହା ଦୀପାବଳି ପୂର୍ବରୁ ରେକର୍ଡ ହୋଇଥିବା ସର୍ବୋଚ୍ଚ ସ୍ତର। ସୂଚକାଙ୍କ ନଭେମ୍ବର ୧ ରେ ୨୬୧ ଥିଲା ଏବଂ ବର୍ତ୍ତମାନ ୩୬୯ରେ ପହଞ୍ଚିଛି। ଶନିବାର ସକାଳେ ଦିଲ୍ଲୀର ୫୯ଟି ମନିଟରିଂ ଷ୍ଟେଶନରେ ହାରାହାରି ପ୍ରଦୂଷଣ ସ୍ତର ପ୍ରତି ଘନ ମିଟରରେ ୨୯୫ ମାଇକ୍ରୋଗ୍ରାମ ରେକର୍ଡ କରାଯାଇଥିଲା, ଏହି ଷ୍ଟେଶନଗୁଡ଼ିକ ମଧ୍ୟରୁ ୩୬ଟି ଷ୍ଟେଶନ ୨୫୦ ଅତିକ୍ରମ କରିଥିଲା।
ରବିବାର ସକାଳେ, ଅହମ୍ମଦାବାଦରେ ଏକ୍ୟୁଆଇ ୨୦୫, ବେଙ୍ଗାଲୁରୁ ୧୧୬, ଚେନ୍ନାଇ ୧୬୨, ହାଇଦ୍ରାବାଦ ୧୫୧, କୋଲକାତା ୧୮୪, ମୁମ୍ବାଇ ୧୪୮, ନୂଆଦିଲ୍ଲୀ ୪୭୯ ଏବଂ ପୁଣେ ୧୯୩ ଥିଲା। ସବୁଠାରୁ ବିପଜ୍ଜନକ ସ୍ତର ଗାଜିଆବାଦରେ ଥିଲା, ଯେଉଁଠାରେ ବାୟୁ ଗୁଣବତ୍ତା ସୂଚକାଙ୍କ ୭୪୩ ଏବଂ ଗ୍ରେଟର ନୋଏଡା ୭୦୮ରେ ପହଞ୍ଚିଥିଲା।
Dharitri – Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି DHARITRI - ଧରିତ୍ରୀ ଦେଖନ୍ତୁ।
