ବୈଭବ ସୂର୍ଯ୍ୟବଂଶୀଙ୍କ ଚେତାବନୀ: ରିଲ୍ସ କରିବା ଚକ୍କରରେ…ଦେଖନ୍ତୁ Video

ନୂଆଦିଲ୍ଲୀ,୧୬।୧୦: ଭାରତୀୟ କ୍ରିକେଟ ଦଳର ଯୁବ ତାରକା ବୈଭବ ସୂର୍ଯ୍ୟବଂଶୀ ଏକ ଭିଡିଓକୁ ନେଇ ଚର୍ଚ୍ଚାରେ। ଏୟାରପୋର୍ଟରୁ ବାହାରୁଥିବା ସମୟରେ ଫଟୋଗ୍ରାଫରଙ୍କୁ ସେ ଦେଇଥିବା ଚେତାବନୀର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଭିଡିଓରେ ବୈଭବ କହୁଥିବା ଶୁଣିବାକୁ ମିଳୁଛି ଯେ, ରିଲ୍ସ କରିବା ଚକ୍କରରେ ଧକ୍କା ଖାଇବେ ଆପଣ।
ପଡ଼ିଆରେ ବୈଭବଙ୍କ ବ୍ୟାଟିଂ ଦେଖିବାକୁ ଯେପରି ପ୍ରଶଂସକଙ୍କ ମଧ୍ୟରେ ଉତ୍ସାହ ରହିଛି, ସେହିପରି ଏହି ଯୁବ କ୍ରିକେଟରଙ୍କ ଝଲକ କ୍ୟାମେରାରେ କଏଦ କରିବାକୁ ଫଟୋଗ୍ରାଫର ମଧ୍ୟ ଆଗ୍ରହୀ। ଏୟାରପୋର୍ଟରୁ ବୈଭବ ବାହାରୁଥିବା ବେଳେ ତାଙ୍କୁ କ୍ୟାମେରାରେ କଏଦ କରିବା ପାଇଁ ଫଟୋଗ୍ରାଫମାନେ ଚେଷ୍ଟା କରିଥିଲେ। ଏହି ସମୟରେ ବୈଭବଙ୍କ ମୁହଁରୁ ଏହି କଥା ଶୁଣିବାକୁ ମିଳିଥିଲା।

ବୈଭବ ସୂର୍ଯ୍ୟବଂଶୀ ଆଜିକାଲି ୱେଷ୍ଟଇଣ୍ଡିଜ ବିପକ୍ଷ ୫ ମ୍ୟାଚ ବିଶିଷ୍ଟ ଟି-୨୦ ସିରିଜ ପାଇଁ ଭାରତୀୟ ଦଳରେ ଅଛନ୍ତି। କିନ୍ତୁ ସିରିଜ୍ର ପ୍ରଥମ ୪ଟି ମ୍ୟାଚ୍‌ରେ ତାଙ୍କୁ ଚୂଡ଼ାନ୍ତ ଏକାଦଶରେ ସ୍ଥାନ ମିଳିନାହିଁ। ଓପନିଂରେ ଅଭିଷେକ ଶର୍ମାଙ୍କ ସହ ସଞ୍ଜୁ ସାମସନଙ୍କ ଖେଳିବାର ସୁଯୋଗ ଦିଆଯାଉଛି।

ସିରିଜ୍‌ର ପଞ୍ଚମ ତଥା ଶେଷ ଟି-୨୦ ମ୍ୟାଚ ଅକ୍ଟୋବର ୧୭ ତାରିଖରେ ବେଙ୍ଗାଲୁରୁର ଏମ. ଚିନ୍ନାସ୍ବାମୀ ଷ୍ଟାଡିୟମ୍‌ରେ ଖେଳାଯିବାର କାର୍ଯ୍ୟକ୍ରମ ରହିଛି। ସିରିଜ ବର୍ତ୍ତମାନ ୨-୨ରେ ବରାବର ରହିଥିବାରୁ ଶେଷ ମ୍ୟାଚ ନିର୍ଣ୍ଣାୟକ ହେବ। ଏହି ମ୍ୟାଚ୍‌ରେ ବୈଭବଙ୍କୁ ଖେଳୁଥିବା ଦେଖିବାକୁ ପ୍ରଶଂସକମାନେ ଆଶା ରଖିଛନ୍ତି।

ବୈଭବ ଏପର୍ଯ୍ୟନ୍ତ ଭାରତ ପାଇଁ ୮ଟି ଅନ୍ତର୍ଜାତୀୟ ଟି-୨୦ ମ୍ୟାଚ ଖେଳିଛନ୍ତି। ଏହି ୮ଟି ଇନିଂସ୍ରେ ସେ ୩୦.୭୫ ହାରରେ ମୋଟ ୨୪୬ ରନ ସଂଗ୍ରହ କରିଛନ୍ତି। ତାଙ୍କ ଷ୍ଟ୍ରାଇକ ରେଟ ୧୮୬.୩୬ ରହିଛି। ଏହି ସମୟ ମଧ୍ୟରେ ସେ ୨ଟି ଅର୍ଦ୍ଧଶତକ ହାସଲ କରିଥିବା ବେଳେ ସର୍ବାଧିକ ବ୍ୟକ୍ତିଗତ ସ୍କୋର୍‌ ରହିଛି ୮୧ ରନ।

ଏପର୍ଯ୍ୟନ୍ତ ବୈଭବ ତାଙ୍କର ସମସ୍ତ ଅନ୍ତର୍ଜାତୀୟ ମ୍ୟାଚ ବିଦେଶ ମାଟିରେ ଖେଳିଛନ୍ତି। ସେ ୨୦୨୬ ଏସୀୟ କ୍ରୀଡ଼ାରେ ଜାପାନରେ ଭାରତ ପକ୍ଷରୁ ଶେଷ ମ୍ୟାଚ ଖେଳିଥିଲେ। ଏବେ ତାଙ୍କର ଭାରତୀୟ ମାଟିରେ ପ୍ରଥମ ଅନ୍ତର୍ଜାତୀୟ ମ୍ୟାଚ କେବେ ହେବ ଏବଂ ୱେଷ୍ଟଇଣ୍ଡିଜ ବିପକ୍ଷ ଶେଷ ମ୍ୟାଚ୍‌ରେ ସେ ସୁଯୋଗ ପାଇବେ କି ନାହିଁ, ତାହା ଉପରେ ଏବେ ସମସ୍ତଙ୍କ ନଜର।

🔴 VAIBHAV SURYAVANSHI GETS ANGRY ON PAPS 🤯

Vaibhav 🎙️: “Reels ke chakkar mein thok jaaoge tum!” 😭💀 https://t.co/Gj8wcKqO7Z

— Sam (@cricsam02) October 15, 2026