Dadasaheb Phalke Award: କିମ୍ବଦନ୍ତି ଅଭିନେତା ଅନନ୍ତ ନାଗଙ୍କୁ ଦାଦାସାହେବ ଫାଲକେ ପୁରସ୍କାରରେ ସମ୍ମାନିତ କରାଯିବ

"ନୂଆଦିଲ୍ଲୀ: କନ୍ନଡ଼ ଏବଂ ହିନ୍ଦୀ ସିନେମାର ପ୍ରଖ୍ୟାତ ଅଭିନେତା ଅନନ୍ତ ନାଗଙ୍କୁ ୨୦୨୪ ମସିହା ପାଇଁ "ଦାଦାସାହେବ ଫାଲକେ" ପୁରସ୍କାରରେ ସମ୍ମାନିତ କରାଯିବ ବୋଲି କେନ୍ଦ୍ର ସରକାର ବୁଧବାର ଘୋଷଣା କରିଛନ୍ତି। "ମିଞ୍ଚିନା ଓଟା", "ହଂସଗୀତେ", "ଅଙ୍କୁର" ଏବଂ "ମନ୍ଥନ" ଭଳି ସୁପରହିଟ୍ ଫିଲ୍ମରେ ନିଜର ଜୀବନ୍ତ ଅଭିନୟ ପାଇଁ ପରିଚିତ ୭୮ ବର୍ଷୀୟ ଅନନ୍ତ ନାଗ ଗତ ପାଞ୍ଚ ଦଶନ୍ଧି ମଧ୍ୟରେ ୨୫୦ରୁ ଅଧିକ ଚଳଚ୍ଚିତ୍ରରେ କାମ କରିଛନ୍ତି।Advertisment ଚଳଚ୍ଚିତ୍ର ଜଗତର ଏହି ସର୍ବୋଚ୍ଚ ସମ୍ମାନ ଆସନ୍ତା ସେପ୍ଟେମ୍ବର ୨୨ ତାରିଖରେ ଗୁଜରାଟର କେୱଡିଆଠାରେ ଆୟୋଜିତ ଜାତୀୟ ଚଳଚ୍ଚିତ୍ର ପୁରସ୍କାର ସମାରୋହରେ ତାଙ୍କୁ ପ୍ରଦାନ କରାଯିବ।

ଅଭିନୟ ବ୍ୟତୀତ ନାଟକ କ୍ଷେତ୍ରରେ ମଧ୍ୟ ଅନନ୍ତ ନାଗଙ୍କର ବିଶେଷ ସୁନାମ ରହିଛି।

ଏହି ସଫଳତା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୋସିଆଲ ମିଡିଆ ଏକ୍ସ ମାଧ୍ୟମରେ ତାଙ୍କୁ ଶୁଭେଚ୍ଛା ଜଣାଇଛନ୍ତି।

ପ୍ରଧାନମନ୍ତ୍ରୀ ଲେଖିଛନ୍ତି, "ବହୁ ଦଶନ୍ଧି ଧରି ତାଙ୍କର ନିରଳସ ଅଭିନୟ, ଅସାଧାରଣ ବହୁମୁଖୀ ପ୍ରତିଭା ଏବଂ ନିପୁଣତା ଭାରତୀୟ ସିନେମା, ବିଶେଷ କରି କନ୍ନଡ଼ ସିନେମାରେ ଏକ ଗଭୀର ଛାପ ଛାଡ଼ିଛି।

ସେ ଯେଉଁ ଭୂମିକାରେ ଅଭିନୟ କରିଛନ୍ତି, ସେଥିରେ ଏକ ବିରଳ ଗାମ୍ଭୀର୍ଯ୍ୟ ଓ ବାସ୍ତବତା ଆଣିଦେଇଛନ୍ତି।

ସୂଚନା ଓ ପ୍ରସାରଣ ମନ୍ତ୍ରଣାଳୟ ପକ୍ଷରୁ ଜାରି ବିଜ୍ଞପ୍ତି ଅନୁଯାୟୀ, ଦାଦାସାହେବ ଫାଲକେ ପୁରସ୍କାର ଚୟନ କମିଟିର ସୁପାରିସକ୍ରମେ, ଭାରତୀୟ ସିନେମା ପ୍ରତି ଅନନ୍ତ ନାଗଙ୍କର ଅତୁଳନୀୟ ଯୋଗଦାନ ଏବଂ ପିଢ଼ି ପିଢ଼ିକୁ ପ୍ରେରଣା ଯୋଗାଉଥିବା ଚଳଚ୍ଚିତ୍ର ପାଇଁ କେନ୍ଦ୍ର ସରକାର ତାଙ୍କୁ ଏହି ସମ୍ମାନଜନକ ପୁରସ୍କାର ପ୍ରଦାନ କରିବେ।

ଭୋକ ବିକଳରେ ବିଷପିଇ ଜୀବନ ହାରିଲେ ଆଦିବାସୀ ଯୁବକ "