ED Raids: ୬୦ କୋଟିର ଆର୍ଥିକ ଅନିୟମିତତା ! ଟିଏମ୍‌ସି ସାଂସଦଙ୍କ ଖବରକାଗଜରେ ED ଚଢ଼ଉ

"କୋଲକାତା : ତୃଣମୂଳ କଂଗ୍ରେସ (ଟିଏମ୍‌ସି)ର ରାଜ୍ୟସଭା ସାଂସଦ ନଦିମୁଲ ହକ୍‌ଙ୍କ ସହ ଜଡ଼ିତ ଉର୍ଦ୍ଦୁ ଖବରକାଗଜ "ଅଖବାର-ଏ-ମଶ୍ରିକ୍‌"ରେ ପ୍ରାୟ ୬୦ କୋଟି ଟଙ୍କାର ଆର୍ଥିକ ଅନିୟମିତତା ହୋଇଥିବା ଇଡି ଜାଣିବାକୁ ପାଇଛି ।

ସୋମବାର ସକାଳୁ ହକ୍‌ ଓ ତାଙ୍କ ଗଣମାଧ୍ୟମ ସଂସ୍ଥା ସହ ଜଡ଼ିତ କୋଲକାତା, ଦିଲ୍ଲୀ ଓ ରାଞ୍ଚିର ୭ଟି ସ୍ଥାନରେ ଚାଲିଥିବା ତଲାସି ମଙ୍ଗଳବାର ସକାଳେ ଶେଷ ହୋଇଛି ।

ଏହି ସମୟରେ ଇଡି ଅଧିକାରୀମାନେ ବ୍ୟାଙ୍କ କାରବାର, ଆର୍ଥିକ ଦଲିଲ ଓ ଡିଜିଟାଲ୍‌ ତଥ୍ୟ ଯାଞ୍ଚ କରିଛନ୍ତି ।Advertisment Raid: ୫୨୮ ବିଦେଶୀ ମଦ ସହିତ ମିନି ଟ୍ରକ୍‌ ଜବତ, ଚାଳକ ଅଟକ ଇଡି ସୂତ୍ର ଅନୁଯାୟୀ, ପ୍ରାୟ ୬୦ କୋଟି ଟଙ୍କାର କାରବାରରେ ଅସଙ୍ଗତି ମିଳିଛି ।

ଏହି ଟଙ୍କା ପ୍ରକୃତ ବ୍ୟବସାୟିକ କାରବାରର ଅଂଶ ଥିଲା କି ଅନୌପଚାରିକ ମାଧ୍ୟମ, ବିଶେଷକରି ହାୱଲା ଜରିଆରେ ସ୍ଥାନାନ୍ତର ହୋଇଥିଲା, ତାହା ଯାଞ୍ଚ କରାଯାଉଛି ।

ଏଥିସହ ଟିଏମ୍‌ସି ସହ ଜଡ଼ିତ ଟଙ୍କାର ଗତିବିଧି ମଧ୍ୟ ଯାଞ୍ଚ ହେଉଛି ।

ତଲାସି ଆରମ୍ଭ ବେଳେ ହକ୍‌ ରାଞ୍ଚିରେ ଥିଲେ ।

ସୋମବାର ରାତିରେ ତାଙ୍କୁ କୋଲକାତା ଅଣାଯିବା ପରେ ତାଙ୍କ ବାସଭବନ ଓ କାର୍ଯ୍ୟାଳୟରେ ପଚରାଉଚରା କରାଯାଇଥିଲା ।

କୋଲକାତାର ପାର୍କ ସର୍କସ୍‌ ଅଞ୍ଚଳରେ ଥିବା ଖବରକାଗଜ କାର୍ଯ୍ୟାଳୟ ସମେତ ଦିଲ୍ଲୀ ଓ ରାଞ୍ଚିର ଅନ୍ୟ ସ୍ଥାନରେ ମଧ୍ୟ ତଲାସି ହୋଇଛି ।

ଏହି ତଦନ୍ତ ବିଧାନନଗର ପୁଲିସ କମିସନରେଟ୍‌ରେ ରୁଜୁ ଏଫ୍‌ଆଇଆର୍‌ ଆଧାରରେ ଇଡି ଦ୍ୱାରା ମାମଲା ରୁଜୁ ପରେ ଆରମ୍ଭ ହୋଇଛି ।

ଏଯାବତ୍‌ ଏହି ମାମଲାରେ ଇଡି କାହାକୁ ଗିରଫ କରିନାହିଁ ।"