Gold Price Drops Sharply: ଧନତେରସ ପୂର୍ବରୁ ପୁଣି ଖସିଲା ସୁନା-ରୁପା ଦର, ଜାଣନ୍ତୁ ଆଜି କେତେ ରହିଛି ମୂଲ୍ୟ

ବୁଧବାର ସକାଳ ପ୍ରାୟ ୧୦ଟା ସମୟରେ MCXରେ ରୁପା ଦର କିଲୋଗ୍ରାମ ପିଛା ୧,୩୦୭ ଟଙ୍କା କମି ୧ ଲକ୍ଷ ୭୮ ହଜାର ୩୯୧ ଟଙ୍କାରେ କାରବାର କରୁଥିଲା।

ସେହିପରି ୨୪ କ୍ୟାରେଟ୍ ସୁନାର ଦର ୨୩୩ ଟଙ୍କା କମି ପ୍ରତି ୧୦ ଗ୍ରାମକୁ ୧ ଲକ୍ଷ ୩୯ ହଜାର ୨୦୦ ଟଙ୍କାରେ ପହଞ୍ଚିଥିଲା।

Advertisment ରେକର୍ଡ ଦରରୁ କେତେ ଶସ୍ତା ହେଲା ସୁନା?

ଚଳିତ ବର୍ଷ ଜାନୁଆରୀରେ ସୁନା ଓ ରୁପା ଦର ନୂଆ ରେକର୍ଡ ସୃଷ୍ଟି କରିଥିଲା।

MCXରେ ଜାନୁଆରୀ ୨୯ରେ ସୁନାର ଦର ପ୍ରତି ୧୦ ଗ୍ରାମକୁ ୧ ଲକ୍ଷ ୯୩ ହଜାର ୯୬ ଟଙ୍କାର ସର୍ବକାଳୀନ ଉଚ୍ଚସ୍ତର ଛୁଇଁଥିଲା।

ବର୍ତ୍ତମାନର ଦର ସହ ତୁଳନା କଲେ ସୁନା ପ୍ରାୟ ୫୩ ହଜାର ୮୯୬ ଟଙ୍କା ଶସ୍ତା ହୋଇଛି।

ସେହିପରି MCXରେ ରୁପାର ସର୍ବକାଳୀନ ଉଚ୍ଚ ଦର କିଲୋଗ୍ରାମ ପିଛା ୪ ଲକ୍ଷ ୨୦ ହଜାର ୪୮ ଟଙ୍କା ଥିଲା।

ସେହି ସ୍ତରରୁ ଏବେ ରୁପା ଦର ପ୍ରାୟ ୨ ଲକ୍ଷ ୪୧ ହଜାର ୬୫୭ ଟଙ୍କା କମିଛି।

Advertisment https://otvkhabar.in/business/gold-prices-rebounded-on-november-2-ahead-of-dhanteras-after-a-sharp-october-correction-12776679 https://otvkhabar.in/business/gold-prices-fall-sharply-before-dhanteras-allowing-buyers-to-purchase-more-gold-for-rs-1-lakh-12773311 https://otvkhabar.in/business/gold-and-silver-prices-fall-sharply-on-mcx-offering-festive-relief-before-dhanteras-and-diwali-12771150 ବିଭିନ୍ନ ସହରରେ ସୁନା ଦର ଦିଲ୍ଲୀରେ ୨୪ କ୍ୟାରେଟ୍ ସୁନା ପ୍ରତି ୧୦ ଗ୍ରାମକୁ ୧,୩୯,୮୫୦ ଟଙ୍କା ଥିବା ବେଳେ ୨୨ କ୍ୟାରେଟ୍ ସୁନା ୧,୨୭,୬୮୩ ଟଙ୍କା ରହିଛି।

ମୁମ୍ବାଇରେ ୨୪ କ୍ୟାରେଟ୍ ସୁନା ୧,୩୯,୪୪୦ ଟଙ୍କା ଏବଂ ୨୨ କ୍ୟାରେଟ୍ ସୁନା ୧,୨୭,୮୨୦ ଟଙ୍କାରେ ରହିଛି।

ଚେନ୍ନାଇରେ ୨୪ କ୍ୟାରେଟ୍ ସୁନା ୧,୩୯,୮୪୦ ଟଙ୍କା, କୋଲକାତାରେ ୧,୩୯,୨୫୦ ଟଙ୍କା, ବେଙ୍ଗାଲୁରୁରେ ୧,୩୯,୬୫୦ ଟଙ୍କା ଏବଂ ହାଇଦ୍ରାବାଦରେ ୧,୩୯,୬୬୦ ଟଙ୍କା ରହିଛି।

ରୁପା ଦର କେତେ?

ନୂଆଦିଲ୍ଲୀରେ ୯୯୯ ଫାଇନ୍ ରୁପା କିଲୋଗ୍ରାମ ପିଛା ୧,୭୭,୯୪୦ ଟଙ୍କା ରହିଛି।

ମୁମ୍ବାଇରେ ୧,୭୮,୦୮୦ ଟଙ୍କା, ବେଙ୍ଗାଲୁରୁରେ ୧,୭୮,୩୮୦ ଟଙ୍କା, କୋଲକାତାରେ ୧,୭୭,୮୪୦ ଟଙ୍କା, ହାଇଦ୍ରାବାଦରେ ୧,୭୮,୩୬୦ ଟଙ୍କା ଏବଂ ଚେନ୍ନାଇରେ ୧,୭୮,୬୦୦ ଟଙ୍କା ରହିଛି।

ତେବେ MCXରେ ଦେଖାଯାଉଥିବା ଦର ଏବଂ ସ୍ଥାନୀୟ ସରାଫା ବଜାରର ଦର ଭିନ୍ନ ହୋଇପାରେ।

ସୁନା ଗହଣା କିଣିବାବେଳେ GST, ସ୍ଥାନୀୟ ଟ୍ୟାକ୍ସ ଏବଂ ମେକିଂ ଚାର୍ଜ ଯୋଡ଼ାଯାଏ।

ତେଣୁ କିଣିବା ପୂର୍ବରୁ ସ୍ଥାନୀୟ ଜୁଏଲରଙ୍କ ପାଖରୁ ଅନ୍ତିମ ଦର ଜାଣିନେବା ଉଚିତ।