Gyanesh Kumar: ଜ୍ଞାନେଶଙ୍କ ବିରୋଧରେ ମହାଭିଯୋଗ ପ୍ରସ୍ତାବ ଆସିବ: ‘ଭୋଟ ଚୋରି ଯୋଗୁଁ ସମ୍ବିଧାନ ଓ ଗଣତନ୍ତ୍ର ବିପନ୍ନ’

"ନୂଆଦିଲ୍ଲୀ: ମୁଖ୍ୟ ନିର୍ବାଚନ କମିସନର ଜ୍ଞାନେଶ କୁମାରଙ୍କ ବିରୋଧରେ ପୁଣି ଥରେ ମହାଭିଯୋଗ ପ୍ରସ୍ତାବ ଆଣିବା ପାଇଁ ବିରୋଧୀ ଦଳଗୁଡ଼ିକ ପ୍ରସ୍ତୁତ ହେଉଛନ୍ତି।

ସୂଚନା ଅନୁଯାୟୀ, କଂଗ୍ରେସ ପକ୍ଷରୁ ଏହି ପଦକ୍ଷେପ ନିଆଯାଇଛି ଏବଂ ଇଣ୍ଡି ମେଣ୍ଟର ସହଯୋଗୀ ଦଳଗୁଡ଼ିକ ମଧ୍ୟ ପ୍ରସ୍ତାବ ଉପରେ ଚୂଡ଼ାନ୍ତ ନିଷ୍ପତ୍ତିରେ ପହଞ୍ଚିଛନ୍ତି।

ଏଥିପାଇଁ ଏକ ନୋଟିସ୍‌ ପ୍ରସ୍ତୁତ ହୋଇଥିବାବେଳେ ଆସନ୍ତା ସପ୍ତାହରେ ଏହା ସଂସଦରେ ଦାଖଲ ହୋଇପାରେ।Advertisment DGP Case: ଡିଜିପି ମାମଲା: ମଙ୍ଗଳବାର ପୁଣି ଶୁଣାଣି, ଏଜିଙ୍କ ପାଇଁ ଦୁଃଖ ପ୍ରକାଶ କଲେ ସଲିସିଟର ଜେନେରାଲ ଉଲ୍ଲେଖଯୋଗ୍ୟ, ମୁଖ୍ୟ ନିର୍ବାଚନ କମିସନର ଜ୍ଞାନେଶ କୁମାରଙ୍କ ବିରୋଧରେ ସଙ୍ଗିନ ଅଭିଯୋଗ ଆସିଛି।

ଇଣ୍ଡିଆନ୍‌ ଏକ୍ସପ୍ରେସ୍‌ର ଏକ ରିପୋର୍ଟ ଅନୁଯାୟୀ, ନିର୍ବାଚନ କମିସନର ସୁଖବୀର ସିଂହ ସାନ୍ଧୁ ଓ ବିବେକ ଯୋଶୀ ୧୦ ମାସ ମଧ୍ୟରେ ପ୍ରାୟ ୧୪ ଥର ନିର୍ବାଚନ କମିସନଙ୍କ ବିଭିନ୍ନ ନିଷ୍ପତ୍ତିକୁ ନେଇ ଔପଚାରିକ ଭାବେ ଆପତ୍ତି ଉଠାଇଥିଲେ।

ସେମାନଙ୍କୁ ଅବଗତ ନ କରି ଅନେକ ନିଷ୍ପତ୍ତି ନିଆଯାଇଥିବା ରିପୋର୍ଟରେ ଦର୍ଶାଯାଇଥିଲା।

ଭୋଟର ତାଲିକା ସଂଶୋଧନ ସଂକ୍ରାନ୍ତ କେତେକ ନିଷ୍ପତ୍ତିକୁ ମଧ୍ୟ ସାନ୍ଧୁ ଓ ଯୋଶୀ ବିରୋଧ କରିଥିବା ରିପୋର୍ଟରେ ପ୍ରକାଶ ପାଇଥିଲା।

ଏହାକୁ ନେଇ ନିର୍ବାଚନ କମିସନର କାର୍ଯ୍ୟକାରିତା ଏବଂ ଦେଶବ୍ୟାପୀ ଏସ୍‌ଆଇଆର୍‌  ପ୍ରକ୍ରିୟାକୁ ନେଇ ନୂଆ ରାଜନୈତିକ ବିବାଦ ଆରମ୍ଭ ହୋଇଛି।

ପ୍ରକାଶିତ ରିପୋର୍ଟକୁ ଆଧାର କରି ବିରୋଧୀ ଦଳ ନେତାମାନେ ମୁଖ୍ୟ ନିର୍ବାଚନ କମିସନରଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଦାବି କରିଛନ୍ତି।

ତେବେ ନିର୍ବାଚନ କମିସନ ଏହି ଅଭିଯୋଗକୁ ଖଣ୍ଡନ କରିଛନ୍ତି।

କମିସନରେ କୌଣସି ନିଷ୍ପତ୍ତିକୁ ନେଇ ମତଭେଦ ନ ଥିବା ଏବଂ ଏସ୍‌ଆଇଆର୍‌ ସମେତ ସମସ୍ତ ନିଷ୍ପତ୍ତି ସର୍ବସମ୍ମତିକ୍ରମେ ନିଆଯାଇଥିବା ଇସି ପକ୍ଷରୁ କୁହାଯାଇଛି।

ଜ୍ଞାନେଶ କୁମାରଙ୍କ ବିରୋଧରେ ଏହା ବିରୋଧୀଙ୍କ ପ୍ରଥମ ମହାଭିଯୋଗ ଉଦ୍ୟମ ନୁହେଁ।

ଏହା ପୂର୍ବରୁ ଏପ୍ରିଲ ୨୪ ତାରିଖରେ ରାଜ୍ୟସଭାରେ ୭୩ ଜଣ ବିରୋଧୀ ସାଂସଦ ତାଙ୍କୁ ପଦରୁ ହଟାଇବା ପାଇଁ ପ୍ରସ୍ତାବ ଆଣିଥିଲେ।

ପୂର୍ବରୁ ମାର୍ଚ୍ଚ ୧୨ ତାରିଖରେ ମଧ୍ୟ ବିରୋଧୀମାନେ ସମାନ ପଦକ୍ଷେପ ନେଇଥିଲେ।

ତେବେ ସେହି ନୋଟିସ୍‌କୁ ରାଜ୍ୟସଭା ଅଧ୍ୟକ୍ଷ ରଦ୍ଦ କରିଦେଇଥିଲେ।

ଏବେ ବିରୋଧୀମାନେ ପୁଣି ଏକ ନୂଆ ନୋଟିସ୍‌ ଆଣିବାକୁ ପ୍ରସ୍ତୁତ ହେଉଛନ୍ତି।

ଜ୍ଞାନେଶ ଦେଶଦ୍ରୋହୀ: ରାହୁଲଗଣତନ୍ତ୍ରର ଚୋର କଂଗ୍ରେସ ଏବେ ନିରାଶ: ବିଜେପି ନୂଆଦିଲ୍ଲୀ: ଭୋଟର ତାଲିକାର ସ୍ବତନ୍ତ୍ର ସଘନ ସଂଶୋଧନ (ଏସ୍‌ଆଇଆର୍‌) ସମେତ ଅନ୍ୟ କେତେକ ପ୍ରସଙ୍ଗରେ ନିର୍ବାଚନ କମିସନରମାନଙ୍କ ଆପତ୍ତିକୁ ଅଣଦେଖା କରାଯାଉଥିବା ରିପୋର୍ଟକୁ ନେଇ କେନ୍ଦ୍ର ସରକାର ଓ ମୁଖ୍ୟ ନିର୍ବାଚନ କମିସନର (ସିଇସି) ଜ୍ଞାନେଶ କୁମାରଙ୍କୁ  ବିରୋଧୀ ଦଳ ନେତା ରାହୁଲ ଗାନ୍ଧୀ କଡ଼ା ସମାଲୋଚନା କରିଛନ୍ତି।

ଆଜି ଦିଲ୍ଲୀରେ  ଏକ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରି ରାହୁଲ ଗାନ୍ଧୀ ଦେଶରେ ଭୋଟ ଚୋରି ହେଉଥିବା ଅଭିଯୋଗ କରିଛନ୍ତି।

ସିଇସି କୁମାରଙ୍କୁ ଜଣେ ଦେଶଦ୍ରୋହୀ ଆଖ୍ୟା ଦେଇ ସେ ତାଙ୍କର ଇସ୍ତଫା ଦାବି କରିଛନ୍ତି।

ଏଥିସହ ଭାରତରେ ଗଣତନ୍ତ୍ର ବିଭିନ୍ନ ପ୍ରତିବନ୍ଧକର ସମ୍ମୁଖୀନ ହୋଇ ନଷ୍ଟ ହେଉଥିବା ବେଳେ କଂଗ୍ରେସ ନିରବ ହୋଇ ବସିବ ନାହିଁ ବୋଲି ସେ ଚେତାବନୀ ଦେଇଛନ୍ତି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଦେଇଥିବା ବିବୃତିକୁ ଉଲ୍ଲେଖ କରି ରାହୁଲ ଗାନ୍ଧୀ ପ୍ରଶ୍ନ ଉଠାଇଛନ୍ତି।

ବିଜେପି ୩୦ ବର୍ଷ ପର୍ଯ୍ୟନ୍ତ କ୍ଷମତାରେ ରହିବ ଏବଂ ୨୦୨୪ ଲୋକସଭା ନିର୍ବାଚନରେ ଏନ୍‌ଡିଏ ୪୦୦ରୁ ଅଧିକ ଆସନ ଅତିକ୍ରମ କରିବ ବୋଲି ଶାହ ଓ ମୋଦୀ ଦାବି କରିଥିଲେ।

ଗଣତନ୍ତ୍ରରେ ସରକାର ବିରୋଧୀ ହାୱା ଭଳି ଏକ ମୌଳିକ ଶକ୍ତି ସକ୍ରିୟ ଥିବାରୁ କୌଣସି ରାଜନୈତିକ ନେତା ଏତେ ନିଶ୍ଚିତ ହୋଇପାରିବେ ନାହିଁ ବୋଲି ରାହୁଲ ଗାନ୍ଧୀ ଜୋର୍‌ ଦେଇ କହିଛନ୍ତି।

Choudwar Jail: ଚୌଦ୍ବାର ଜେଲ୍ ବିବାଦ: ରଫାଦଫା ପାଇଁ ଦେଇଥିବା ଆଫିଡେଭିଟ୍ ଜବତ ରାହୁଲ ଦାବି କରିଛନ୍ତି ଯେ ୧୯୭୧ ମସିହାରେ ବାଂଲାଦେଶ ଯୁଦ୍ଧ ଜିତିବା ପରେ ଇନ୍ଦିରା ଗାନ୍ଧୀ ତାଙ୍କ ଲୋକପ୍ରିୟତାର ଶୀର୍ଷରେ ଥିଲେ, କିନ୍ତୁ ଗୋଟିଏ କିମ୍ବା ଦୁଇ ବର୍ଷ ମଧ୍ୟରେ ସେ ପ୍ରବଳ ସରକାର ବିରୋଧୀ ହାୱା ଏବଂ ଚାପର ସମ୍ମୁଖୀନ ହୋଇଥିଲେ।

ଏହି ସମାନ ଘଟଣା ପ୍ରତ୍ୟେକ ନେତା, କଂଗ୍ରେସ ନେତୃବୃନ୍ଦ ଏବଂ ଆଞ୍ଚଳିକ ଦଳଗୁଡ଼ିକ ସହିତ ଘଟୁଛି, କିନ୍ତୁ କୌଣସି କାରଣରୁ ପ୍ରଧାନମନ୍ତ୍ରୀ ମୋଦୀ, ଅମିତ ଶାହ ଏବଂ ବିଜେପି କ୍ଷେତ୍ରରେ ଏହା ଘଟୁନାହିଁ।

ସେ ଆହୁରି କହିଛନ୍ତି ଯେ ହରିୟାଣାରେ ୫୦ ବର୍ଷ ଧରି ଗୋଟିଏ ଦଳରୁ ଅନ୍ୟ ଦଳକୁ କ୍ଷମତା ପରିବର୍ତ୍ତନ ହେଉଥିଲା।

କିନ୍ତୁ ହଠାତ ସରକାର ବିରୋଧୀ ହାୱା ଅଦୃଶ୍ୟ ହୋଇଗଲା।

ମହାରାଷ୍ଟ୍ର ଓ ଉତ୍ତର ପ୍ରଦେଶରେ ସମାଜବାଦୀ ପାର୍ଟିରୁ ବହୁଜନ ସମାଜ ପାର୍ଟି ପର୍ଯ୍ୟନ୍ତ କ୍ଷମତା ବଦଳୁଥିବା ବେଳେ ସେଠାରେ ବି ଏହି ହାୱା ଗାଏବ ହୋଇଯାଇଛି।

ଜଣେ ବ୍ୟକ୍ତିଙ୍କ ଲୋକପ୍ରିୟତା ଓ ସରକାରଙ୍କ ପ୍ରଦର୍ଶନକୁ ବୁଝିହେବ, କିନ୍ତୁ ସରକାର ବିରୋଧୀ ହାୱା କିପରି ଅଦୃଶ୍ୟ ହେଉଛି ତାହା ସେମାନେ ବୁଝିପାରୁନାହାନ୍ତି।

ଏହି ପ୍ରଶ୍ନ କଂଗ୍ରେସକୁ ଦୀର୍ଘ ଦିନ ଧରି ଚିନ୍ତିତ କରିଥିଲା ଏବଂ ଶେଷରେ "ଭୋଟ ଚୋରି" ରୂପେ ଏହାର ଉତ୍ତର ମିଳିଛି।ଭୋଟରୁ ଆମ ସମ୍ବିଧାନ ଶକ୍ତି ପାଏ ଏବଂ ଏହା ଏକ ଶୃଙ୍ଖଳା ଯାହା ଆଧୁନିକ ଭାରତକୁ ପରିଭାଷିତ କରେ।

ଯଦି ଭୋଟ ନଷ୍ଟ ହୋଇଯାଏ, ତେବେ ସମ୍ବିଧାନ ନଷ୍ଟ ହୋଇଯିବ ଏବଂ ଏହାର କୌଣସି ଶକ୍ତି ରହିବ ନାହିଁ।

ଭୋଟ ଚୋରିରୁ ଆଇନ ଚୋରି ଏବଂ ସେଥିରୁ ସଂସ୍ଥା ଚୋରି ହେଉଛି ବୋଲି ରାହୁଲ ଦୃଢ଼ ଭାବରେ କହିଛନ୍ତି।

ଅନ୍ୟପଟେ ବିରୋଧୀ ଦଳ ନେତାଙ୍କ ଏହି ଆକ୍ରମଣର କଡ଼ା ଜବାବ ଦେଇଛି ବିଜେପି।

ଦଳ ରାହୁଲଙ୍କ ସାମ୍ବାଦିକ ସମ୍ମିଳନୀକୁ ଏକ ସମ୍ପୂର୍ଣ୍ଣ ବିଫଳ ପ୍ରୟାସ ବୋଲି କହିବା ସହ ତାଙ୍କୁ ଜଣେ ନିରାଶ ନେତାର ଆଖ୍ୟା ଦେଇଛି, ଯିଏ ଗଣତାନ୍ତ୍ରିକ ଉପାୟରେ ଲୋକଙ୍କ ସମର୍ଥନ ହାସଲ କରିବାରେ ଅସମର୍ଥ।

ବିଜେପି ମୁଖପାତ୍ର ପ୍ରଦୀପ ଭଣ୍ଡାରୀ କହିଛନ୍ତି ଯେ ଗଣତନ୍ତ୍ରର ଚୋର କଂଗ୍ରେସ ଆଜି ନିରାଶ, କାରଣ ଭାରତର ଜନସାଧାରଣ ଗଣତାନ୍ତ୍ରିକ ପଦ୍ଧତିରେ ଗାନ୍ଧୀ-ଭଦ୍ରା ପରିବାରକୁ ବିରୋଧୀ ଆସନରେ ବସାଇଛନ୍ତି।"