Laser Weapon in Hormuz: ହର୍ମୁଜରେ ଆମେରିକାର ଲେଜର ଅସ୍ତ୍ର, ଏକ୍ସବକ୍ସ କଣ୍ଟ୍ରୋଲର ଦ୍ବାରା ନିୟନ୍ତ୍ରଣ

"ୱାସିଂଟନ : ଆମେରିକା ସେନା ହର୍ମୁଜ ପ୍ରଣାଳୀ ଅଞ୍ଚଳରେ ଉଚ୍ଚ ଶକ୍ତିସମ୍ପନ୍ନ ଲେଜର ପ୍ରଣାଳୀ ମୁତୟନ କରିଛି ।

ମଧ୍ୟପ୍ରାଚ୍ୟରେ ଡ୍ରୋନ୍‌ ବିରୋଧରେ ଏହାର ବ୍ୟବହାର କରାଯାଉଥିବା ବେଳେ ଏହି ପ୍ରଣାଳୀକୁ ଚଳାଇବା ପାଇଁ ସୈନିକମାନେ ପରିବର୍ତ୍ତିତ ଏକ୍ସବକ୍ସ ଗେମ୍‌ କଣ୍ଟ୍ରୋଲର ବ୍ୟବହାର କରୁଥିବା ରିପୋର୍ଟରେ କୁହାଯାଇଛି ।Advertisment Odisha assembly: ପରମାଣୁ ଶକ୍ତି ଉତ୍ପାଦନ ସମ୍ଭାବ୍ୟତା ଅଧ୍ୟୟନ ପାଇଁ ସରକାରୀ ସ୍ୱୀକୃତି ରିପୋର୍ଟ ଅନୁସାରେ, ଆମେରିକାର ଯୁଦ୍ଧ ବିଭାଗ କହିଛି ଯେ ଏହି ଲେଜର ପ୍ରଣାଳୀ ଡ୍ରୋନ୍‌ ଓ ଆସୁଥିବା କ୍ରୁଜ୍‌ କ୍ଷେପଣାସ୍ତ୍ରକୁ ଧ୍ୱଂସ କରିବାରେ ସକ୍ଷମ ।

ପାରମ୍ପରିକ ପ୍ରତିରକ୍ଷା ବ୍ୟବସ୍ଥା ଭଳି ପ୍ରତ୍ୟେକ ଟାର୍ଗେଟ୍‌ ପାଇଁ ଅଲଗା ପ୍ରତିହତକାରୀ କ୍ଷେପଣାସ୍ତ୍ର ଆବଶ୍ୟକ ହୁଏ ନାହିଁ ।

ଆମେରିକା ପ୍ରାୟ ୫୦ ବର୍ଷ ଧରି ଏହି ପ୍ରଯୁକ୍ତିର ବିକାଶ କରୁଛି ଏବଂ ଏହି ପ୍ରକଳ୍ପରେ ପ୍ରାୟ ୫୦ କୋଟି ଡଲାର ଖର୍ଚ୍ଚ ହୋଇଥିବା ରିପୋର୍ଟରେ କୁହାଯାଇଛି ।

ଲେଜର ପ୍ରଣାଳୀ ଜେନେରେଟର କିମ୍ବା ବ୍ୟାଟେରିରୁ ଶକ୍ତି ନେଇ ଆଲୋକ କଣିକାକୁ ଏକ ନିର୍ଦ୍ଦିଷ୍ଟ ରଶ୍ମିରେ କେନ୍ଦ୍ରୀଭୂତ କରେ ।

ଏହା ଟାର୍ଗେଟ୍‌ର ଉପରିଭାଗକୁ ଅତ୍ୟଧିକ ଉତ୍ତପ୍ତ କରି ତାହାକୁ ନଷ୍ଟ କରିପାରେ ।

ଡାଇରେକ୍ଟେଡ୍‌ ଏନର୍ଜି କନ୍‌ସଲ୍ଟାଣ୍ଟସ୍‌ର ଅଧ୍ୟକ୍ଷ ମାର୍କ ନିସ୍‌ କହିଛନ୍ତି ଯେ ଡ୍ରୋନ୍‌କୁ ନିର୍ଦ୍ଦିଷ୍ଟ ଭାବେ ଚିହ୍ନଟ କରି ତାହାର ସେନ୍‌ସରକୁ ନିଷ୍କ୍ରିୟ କରାଯାଇପାରେ ।

ଏହି ଲେଜର ପ୍ରଣାଳୀ ନିୟନ୍ତ୍ରଣ ପାଇଁ ପରିବର୍ତ୍ତିତ ଏକ୍ସବକ୍ସ କଣ୍ଟ୍ରୋଲର ବ୍ୟବହାର କରାଯାଉଛି ।

ଲେଜର ୱାର୍ସ ନ୍ୟୁଜ୍‌ଲେଟରର ଜାରେଡ୍‌ କେଲର୍‌ଙ୍କ ମତରେ, ପରୀକ୍ଷାଗାର ବାହାରେ ଏହି ପ୍ରଯୁକ୍ତିର ବ୍ୟବହାର ଏବେ ଗୁରୁତ୍ୱପୂର୍ଣ୍ଣ ହୋଇଛି ।

ରିପୋର୍ଟ ଅନୁସାରେ, ମଧ୍ୟପ୍ରାଚ୍ୟର ଅନେକ ଯୁଦ୍ଧଜାହାଜରେ ଏହି ପ୍ରଣାଳୀ ମୁତୟନ ହୋଇଛି ।

ଏଗୁଡ଼ିକ ବଡ଼ ଓ ଭାରୀ ହୋଇଥିବାରୁ ଏବେ ଏହାକୁ ଯୁଦ୍ଧଜାହାଜରେ ସ୍ଥାପନ କରାଯାଉଛି ।

ତେବେ ଏକାସାଙ୍ଗରେ ଅନେକ ଡ୍ରୋନ୍‌ ଆସିଲେ ଏହାର କାର୍ଯ୍ୟକ୍ଷମତା ସୀମିତ ହୋଇପାରେ ।"