ଏସିଆ କପ୍ ପରେ ହଠାତ୍ ଇସ୍ତଫା ଦେଲେ ଅଧିନାୟକ, ନିଷ୍ପତ୍ତିରେ ବୋର୍ଡ ଚକିତ
ଢାକା: ବାଂଲାଦେଶ ମହିଳା କ୍ରିକେଟ ଦଳରେ ହଠାତ୍ ହଲଚଲ ସୃଷ୍ଟି ହୋଇଛି। ଏସିଆ କପ୍ ୨୦୨୬ ଶେଷ ହେବା ପରେ ନିଗାର ସୁଲତାନା ଟି-୨୦ ଦଳର ଅଧିନାୟକ ପଦ ଛାଡ଼ିବାକୁ ନିଷ୍ପତ୍ତି ନେଇଛନ୍ତି। ତାଙ୍କ ଏହି ହଠାତ୍ ନିଷ୍ପତ୍ତିରେ ବାଂଲାଦେଶ କ୍ରିକେଟ ବୋର୍ଡ (BCB) ମଧ୍ୟ ଚକିତ ହୋଇଥିବା ଜଣାପଡ଼ିଛି।
ନିଗାର ସୁଲତାନା ୨୦୨୨ରୁ ବାଂଲାଦେଶ ମହିଳା ଟି-୨୦ ଦଳର ନେତୃତ୍ୱ ନେଇଆସୁଥିଲେ। ତେବେ ଅଧିନାୟକ ପଦ ଛାଡ଼ିବା ନେଇ ତାଙ୍କ ନିଷ୍ପତ୍ତି ସମ୍ପର୍କରେ ବୋର୍ଡ ଅଧିକାରୀମାନେ ପୂର୍ବରୁ ଅବଗତ ନଥିବା ଖବର ଆସିଛି।
ସୁଲତାନା କାହିଁକି ହଠାତ୍ ଅଧିନାୟକତ୍ୱ ଛାଡ଼ିବାକୁ ନିଷ୍ପତ୍ତି ନେଲେ, ସେନେଇ ବାଂଲାଦେଶ କ୍ରିକେଟ ବୋର୍ଡର ଅଧିକାରୀମାନଙ୍କ ପାଖରେ ମଧ୍ୟ ସ୍ପଷ୍ଟ ସୂଚନା ନଥିବା ଜଣାପଡ଼ିଛି। ବୁଧବାର ବାଂଲାଦେଶ ମହିଳା ୱିଙ୍ଗର ଚେୟାରମ୍ୟାନ ରଫିକୁଲ ଇସଲାମ ବାବୁ ଏହି ଘଟଣା ସମ୍ପର୍କରେ ସୂଚନା ଦେଇଛନ୍ତି। ସେ କହିଛନ୍ତି ଯେ, ତାଙ୍କୁ ଏନେଇ ଏକ ଇ-ମେଲ ମିଳିଛି। ତେବେ ନିଗାର ସୁଲତାନାଙ୍କ ଇ-ମେଲରେ ଅଧିନାୟକତ୍ୱ ଛାଡ଼ିବାର ପ୍ରକୃତ କାରଣ କ’ଣ ଦର୍ଶାଯାଇଛି, ସେନେଇ ବିସ୍ତୃତ ସୂଚନା ଏପର୍ଯ୍ୟନ୍ତ ସାମ୍ନାକୁ ଆସିନାହିଁ।
Dharitri – Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି DHARITRI - ଧରିତ୍ରୀ ଦେଖନ୍ତୁ।
