ଦେଶର ମୁଖ୍ୟ ନିର୍ୱାଚନ କମିଶନର (CEC) ଜ୍ଞାନେଶ କୁମାରଙ୍କୁ ନେଇ ଲାଗିରହିଥିବା ବିବାଦ

ନୂଆଦିଲ୍ଲୀ,୨୬।୯: ଦେଶର ମୁଖ୍ୟ ନିର୍ୱାଚନ କମିଶନର (CEC) ଜ୍ଞାନେଶ କୁମାରଙ୍କୁ ନେଇ ଲାଗିରହିଥିବା ବିବାଦ ମଧ୍ୟରେ ନିର୍ୱାଚନ ଆୟୋଗ ଶନିବାର (୨୬ ସେପ୍ଟେମ୍ୱର, ୨୦୨୬) ଏକ ଗୁରୁତ୍ୱପୂର୍ଣ୍ଣ ବୈଠକ କରିଛନ୍ତି। ଏହି ବୈଠକରେ ଆୟୋଗର ତିନିଜଣ ଯାକ ନିର୍ୱାଚନ କମିଶନରମୁଖ୍ୟ ର୍ନିବାଚନ କମିଶନର ଜ୍ଞାନେଶ କୁମାର, ଡକ୍ଟର ସୁଖବୀର ସିଂହ ସନ୍ଧୁ ଏବଂ ଡକ୍ଟର ବିବେକ ଯୋଶୀ ଉପସ୍ଥିତ ଥିଲେ। ଏହି ବୈଠକରେ ସ୍ଥିର କରାଯାଇଛି ଯେ ଫର୍ମ-୬କୁ ନେଇ ଯେଉଁ ବିବାଦ ଉପୁଜିଛି, ତାହା ପ୍ରକୃତରେ କୌଣସି ମୁଖ୍ୟ ପ୍ରସଙ୍ଗ ନୁହେଁ। ସୁପ୍ରିମକୋର୍ଟ ମଧ୍ୟ ଫର୍ମ-୬ର ଘୋଷଣାପତ୍ର (Declaration) ବ୍ୟବସ୍ଥାକୁ ସଠିକ ବୋଲି ଦର୍ଶାଇଛନ୍ତି।

ଆୟୋଗଙ୍କ ପକ୍ଷରୁ ଏହା ମଧ୍ୟ ସ୍ପଷ୍ଟ କରାଯାଇଛି ଯେ, କ୍ୟାବିନେଟ ସଚିବଙ୍କୁ ଲେଖାଯାଇଥିବା ଚିଠି ସହିତ ର୍ନିବାଚନ ଆୟୋଗର ନୀତିଗତ ନିଷ୍ପତ୍ତିର କୌଣସି ସମ୍ପର୍କ ନଥିଲା।

ର୍ନିବାଚନ ଆୟୋଗ (ECI) ପକ୍ଷରୁ ଶନିବାର (୨୬ ସେପ୍ଟେମ୍ୱର, ୨୦୨୬) ଜାରି କରାଯାଇଥିବା ସରକାରୀ ବିବୃତି ଅନୁଯାୟୀ, ମୁଖ୍ୟ ର୍ନିବାଚନ କମିଶନର ଏବଂ ଅନ୍ୟ ଦୁଇ କମିଶନର ସର୍ୱସମ୍ମତିକ୍ରମେ ଅନେକ ନିଷ୍ପତ୍ତି ନେଇଛନ୍ତି। ସେଥିମଧ୍ୟରୁ ପ୍ରଥମ ନିଷ୍ପତ୍ତିରେ କୁହାଯାଇଛି:

* SIRରେ ନୋଟିସ ପାଇଥିବା ଲୋକଙ୍କ ଘରକୁ BLOମାନେ ଯାଇ ଦସ୍ତାବିଜ ସଂଗ୍ରହ କରିବେ; ସାଧାରଣତଃ ଶୁଣାଣିର ଆବଶ୍ୟକତା ରହିବ ନାହିଁ।
* ଆବଶ୍ୟକତା ଅନୁସାରେ ଆଶ୍ରୟସ୍ଥଳୀ (ରୈନ ବସେରା), ଶ୍ରମିକ, ଗରିବ ଏବଂ ବାସହୀନମାନଙ୍କ ପାଇଁ DEOମାନେ ହେଲ୍ପ ଡେସ୍କ ବସାଇବେ।
* SIRରେ ଫର୍ମ-୬ ସହିତ ଘୋଷଣାପତ୍ର ବ୍ୟବସ୍ଥାକୁ ସୁପ୍ରିମକୋର୍ଟ ବଳବତ୍ତର ରଖିଛନ୍ତି।
* ବରିଷ୍ଠ DEC ଏବଂ ସୱାଧୀନ IIT/IIM ବିଶେଷଜ୍ଞଙ୍କୁ ନେଇ ଗଠିତ ଏକ କମିଟି ECINETର ସମୀକ୍ଷା କରିବ।
* ଦିଲ୍ଲୀରେ ଦାବି ଓ ଆପତ୍ତି ଦାଖଲର ଶେଷ ତାରିଖ ଅକ୍ଟୋବର ୩୦ ଏବଂ ମହାରାଷ୍ଟ୍ରରେ ଅକ୍ଟୋବର ୧୨ କରାଯାଇଛି।
* ଆୟୋଗର ସମସ୍ତ ବୈଠକର ଏଜେଣ୍ଡା ପୂର୍ୱରୁ ପଠାଯିବ ଏବଂ ବୈଠକର କାର୍ଯ୍ୟବିବରଣୀ ପ୍ରକାଶ ପାଇବ।
* ସମସ୍ତ ଅଧିକାରୀଙ୍କ APAR ରିପୋର୍ଟ ପ୍ରତିବର୍ଷ ଧାର୍ଯ୍ୟ ସମୟ ଅର୍ଥାତ୍ ୩୧ ଡିସେମ୍ୱର ସୁଦ୍ଧା ସମ୍ପୂର୍ଣ୍ଣ କରାଯିବ।
* ଅଧିକାରୀମାନଙ୍କ ବିଦେଶ ଗସ୍ତ ପାଇଁ ଏବେ ର୍ନିବାଚନ ଆୟୋଗଙ୍କ ଅନୁମତି ଅନିବାର୍ଯ୍ୟ ହେବ।
* କମିଶନରମାନଙ୍କ ଦ୍ୱାରା ଅଧିକାରୀମାନଙ୍କୁ ଜାରି କରାଯାଇଥିବା ସମସ୍ତ ନିର୍ଦ୍ଦେଶକୁ କଡ଼ାକଡ଼ି ଭାବେ ପାଳନ କରାଯିବା ନିଶ୍ଚିତ ହେବ।

ଦ୍ୱିତୀୟ ନିଷ୍ପତ୍ତିରେ କୁହାଯାଇଛି ଯେ, “ବିହାର ଏବଂ ପଶ୍ଚିମବଙ୍ଗ ସମେତ ଦେଶର ୨୦ଟି ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳରେ SIR ପ୍ରକ୍ରିୟା ପୂର୍ୱରୁ ହିଁ ଶେଷ ହୋଇସାରିଛି। ଯଦି SIR ସମୟରେ କିମ୍ୱା ତା’ ପରେ ଭୋଟର ତାଲିକାରୁ କାହାର ନାମ ବାଦ ପଡ଼ିଯାଇଛି, ତେବେ ସେମାନେ ତଥା ଯୁବ କିମ୍ୱା ପ୍ରଥମ ଥର ଭୋଟରମାନେ ନିରନ୍ତର ଅପଡେଟେସନ (Continuous Updation) ଅଧୀନରେ ନିଜ ନାମ ସାମିଲ କରିବା ପାଇଁ ସମ୍ପୃକ୍ତ EROଙ୍କ ନିକଟରେ ଆବେଦନ କରିପାରିବେ।”

ଆୟୋଗ ଆହୁରି କହିଛନ୍ତି ଯେ, “ମୁଖ୍ୟ ର୍ନିବାଚନ ଅଧିକାରୀ (CEOs)ମାନଙ୍କୁ ଏହି ପ୍ରକ୍ରିୟାକୁ ସହଜ କରିବା ପାଇଁ ନିର୍ଦ୍ଦେଶ ଦିଆଯାଇଛି। SIR ସମ୍ପୂର୍ଣ୍ଣ ହେବା ପରେ ବାଦ ପଡ଼ିଥିବା ଏବଂ ନୂତନ ଭୋଟରଙ୍କ ନାମ ଯୋଡ଼ିବା ପାଇଁ CEOs, DEOs ଏବଂ EROs ତୁରନ୍ତ ସୱତନ୍ତ୍ର ଅଭିଯାନ ଆରମ୍ଭ କରିବେ।”

ର୍ନିବାଚନ ଆୟୋଗଙ୍କ ତୃତୀୟ ନିଷ୍ପତ୍ତି ଅନୁସାରେ:

* କ୍ୟାବିନେଟ ସଚିବଙ୍କୁ ଲେଖାଯାଇଥିବା ଚିଠି କୌଣସି IT ନୀତି ନୁହେଁ, ବରଂ ଡେପୁଟେସନ୍ରେ ଥିବା ଜଣେ ଅଧିକାରୀଙ୍କ କାର୍ଯ୍ୟ ସମ୍ପର୍କିତ ଥିଲା।
* ଦେଶବ୍ୟାପୀ SIR ସମ୍ପର୍କିତ ଆୟୋଗର ସମସ୍ତ ନିଷ୍ପତ୍ତି ସର୍ୱସମ୍ମତିକ୍ରମେ ନିଆଯାଇଥିଲା।
* ଗୋଆରେ BLOମାନେ ଘରକୁ ଘର ଯାଇ ବାଦ ପଡ଼ିଥିବା ଭୋଟରମାନଙ୍କଠାରୁ ଫର୍ମ-୬ ପୂରଣ କରାଉଛନ୍ତି।

ଶେଷରେ ଆୟୋଗ ନିଜର ସରକାରୀ ବିବୃତିରେ ଉଲ୍ଲେଖ କରିଛନ୍ତି ଯେ, ଏହି ପ୍ରେସ ବିଜ୍ଞପ୍ତି ୨୬ ସେପ୍ଟେମ୍ୱରର ବୈଠକରେ ନିଆଯାଇଥିବା ନିଷ୍ପତ୍ତି ଏବଂ ଆୟୋଗର ସମ୍ପୂର୍ଣ୍ଣ ସହମତି ସହିତ ପ୍ରକାଶ କରାଯାଇଛି।