Uttar Pradesh Rabies Scare: ଚରଣାମୃତ ପିଇବା ପରେ ଗାଁରେ ଆତଙ୍କ ! ୪୫୦ ଲୋକଙ୍କୁ ଆଣ୍ଟି ରେବିଜ୍ ଟିକା, କାରଣ ଜାଣିଲେ ହେବେ ତାଜୁବ୍

ଗାଁ ଲୋକଙ୍କ ପାଇଁ କାଳ ହେଲା ଚରଣାମୃତ !

ଡାକ୍ତରଖାନା ଦୌଡିଲେ ଶହ ଶହ ଲୋକ।

ପିଲାଠୁ ବୁଢା ସମସ୍ତଙ୍କ ଭିତରେ କୋକୁଆ ଭୟ ।

ଦୁର୍ଗାପୂଜାରେ ଚରଣାମୃତ ପିଇବା ପରେ କୁକୁର କାମୁଡା ଇଞ୍ଜେକ୍ସନ ନେବାକୁ ମେଡିକାଲରେ ଲାଗିଛି ଠେଲାପେଲା ।

ଦୌଡି ଦୌଡି ଡାକ୍ତରଖାନା ଯାଉଛନ୍ତି ଗାଁ ଲୋକେ ।

ଉତ୍ତରପ୍ରଦେଶ ଗୋରଖପୁର ଜିଲ୍ଲା ଗୋଲା ଅଂଚଳରୁ ସାମ୍ନାକୁ ଆସିଛି ଏମିତି ଘଟଣା ।

Advertisment ଗାଁରେ ଦୁର୍ଗାପୂଜା ହେଉଥିଲା ।

ଯେଉଁ ଗାଇର କ୍ଷୀରରୁ ମା' ଦୁର୍ଗାଙ୍କ ଚରଣାମୃତ ପ୍ରସ୍ତୁତ ହୋଇଥିଲା, ସେ ଗାଈକୁ ପାଗଳ କୁକୁର କାମୁଡି ଦେଇଥିଲା ।

ଗାଈର ମାଲିକ ବି ଏ ବିଷୟରେ ଜାଣିନଥିଲେ ।

ହେଲେ ଗାଈଟି ହଠାତ୍ ଅସ୍ବାଭାବିକ ବ୍ୟବହାର କରିବା ସହ କୁକୁର ଭଳି ଭୋକିବାକୁ ଲାଗିଲା ।

କିଛି ସମୟ ପରେ ତାର ମୃତ୍ୟୁ ଘଟିଥିଲା ।

ଆଉ ତା' ପରେ ପୂରା ଗାଁରେ ପଡିଲା ଭାଳେଣି ।

କାରଣ ସେଇ ଗାଈ କ୍ଷୀରରୁ ହିଁ ତିଆରି ହୋଇଥିଲା ଚରଣାମୃତ ।

ଆଉ ଏହି ଚରଣାମୃତକୁ ଦୁଇ ଖଣ୍ଡ ଗାଁ ଲୋକେ ପିଇଥିଲେ ।

କୁକୁର କାମୁଡାରେ ଗାଈର ମୃତ୍ୟୁ ଖବର ପ୍ରଚାରିତ ହେବା ମାତ୍ରେ ଲୋକଙ୍କ ମଧ୍ୟରେ ଜଳାତଙ୍କ ରୋଗ ବା ରେବିଜ୍ ଭୟ ଖେଳି ଯାଇଥିଲା ।

ଆଣ୍ଟି ରାବିଜ୍ ଟିକା ନେବାକୁ ଶହ ଶହ ଗ୍ରାମବାସୀ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଦୌଡିଥିଲେ ।

ସଙ୍ଗେ ସଙ୍ଗେ ଗାଁରେ ସ୍ବାସ୍ଥ୍ୟ କ୍ୟାମ୍ପ ଲାଗିଲା ।

ସେଠାରେ ମୋଟ ୪୫୦ ଜଣଙ୍କୁ ଆଣ୍ଟି ରାବିଜ୍ ଟିକା ଦିଆଯାଇଛି ।

ଆଗକୁ ମଧ୍ୟ ସେମାନଙ୍କୁ ବୁଷ୍ଟର ଡୋଜ୍ ନେବାକୁ ପଡିବ ବୋଲି ଡାକ୍ତର କହିଛନ୍ତି ।

ତେବେ ସ୍ୱାସ୍ଥ୍ୟ ବିଭାଗ ଲୋକଙ୍କୁ ଆଶ୍ୱାସନା ଦେଇଛି ଯେ, କ୍ଷୀର ଫୁଟିବା ପରେ ଭୂତାଣୁ ନଷ୍ଟ ହୋଇସାରିଛି, ତେଣୁ ଭୟଭୀତ ହେବାର ଆବଶ୍ୟକତା ନାହିଁ ।

କେବଳ ସାବଧାନତା ପାଇଁ ଦିଆଯାଇଛି ଭାକ୍ସିନ୍ ।

Advertisment