Uttarakhand Helicopter Crash: ସାଙ୍ଗ ହୋଇ ଆସିଥିଲେ, ଏକାଠି ଚାଲିଗଲେ ! ହେଲିକପ୍ଟର ଦୁର୍ଘଟଣାରେ ୬ ମୃତ

ମୃତ୍ୟୁର ହେଲିକପ୍ଟରରେ ୬ ସବାରୀ।

ମଝି ଆକାଶରେ ଜଳିଗଲେ ପୋଲିସ୍, ଓକିଲ, ପାଇଲଟ୍।

ଆଖି ପିଛୁଳାକେ ଛାରଖାର୍ ପରିବାର।

ବଦ୍ରିନାଥ ଆସିଥିଲେ ବୁଲିବାକୁ, ହେଲେ ତୀର୍ଥଯାତ୍ରା ହେଲା ଶେଷଯାତ୍ରା ।

ସାଙ୍ଗ ହୋଇ ଆସିଥିଲେ ସାଙ୍ଗ ହୋଇ ଆରପାରିକୁ ଚାଲିଗଲେ ।

କିଏ ପୋଲିସ୍ ଅଫିସର ଥିଲା ତ ଆଉ କିଏ ବଡ଼ ଓକିଲ ।

ହେଲେ କିଏ ବା ଜାଣିଥିଲା, ସେମାନେ ଯେଉଁ ହେଲିକପ୍ଟରରେ ବସିଛନ୍ତି, ତାହା ପ୍ରକୃତରେ ଥିଲା ଯମର କୋଳ ।

Advertisment ଉତ୍ତରାଖଣ୍ଡ ଯୋଶୀମଠରେ ଘଟିଥିବା ମର୍ମନ୍ତୁଦ ହେଲିକପ୍ଟର ଦୁର୍ଘଟଣାରେ ବେଙ୍ଗାଲୁରୁର ୫ ଜଣ ଯାତ୍ରୀଙ୍କ ସହିତ ଦିଲ୍ଲୀର ଜଣେ ପାଇଲଟଙ୍କ ମୃତ୍ୟୁ ହୋଇଛି ।

ମୃତକମାନେ ହେଲେ ପ୍ରତାପ ବି ନିଙ୍ଗାରାଜୁ, ଅରୁଣ ସାଲୁଙ୍କେ, ସୁଧୀର କେ, ଏଚ୍.ଏସ୍.

ନଟରାଜ ଓ ଶଙ୍କର ଗୌଡ଼ା ।

ସାଲୁଙ୍କେ ବେଙ୍ଗାଲୁରୁର ସେଣ୍ଟ୍ରାଲ କ୍ରାଇମବ୍ରାଞ୍ଚରେ ଇନ୍ସପେକ୍ଟର ଥିଲେ ।

ସେ ପ୍ରଥମେ ଦିଲ୍ଲୀରେ ଇଣ୍ଟେଲିଜେନ୍ସ ଇନ୍ସପେକ୍ଟର ଭାବେ କାର୍ଯ୍ୟ କରିଥିଲେ ।

ସେହିପରି ଶଙ୍କର ଗୌଡା ପେଶାରେ ଥିଲେ ଓକିଲ ।

ବେଙ୍ଗାଲୁରୁରୁ ଆସିଥିବା ଏହି ଶ୍ରଦ୍ଧାଳୁମାନେ ଗୁରୁବାର ଦିନ ସକାଳେ ବଦ୍ରିନାଥରେ ପହଞ୍ଚିଥିଲେ ।

ବଦ୍ରିନାଥଙ୍କ ଦର୍ଶନ ସାରି ଭାରତର ଶେଷ ଗାଁ 'ମାନା' ଗ୍ରାମ ବୁଲିବାକୁ ଯାଇଥିଲେ ।

ଶୁକ୍ରବାର ସକାଳେ ସେମାନେ ଫେରିଯିବାର ଥିଲା ।

ହେଲେ ଖରାପ ପାଗ ଯୋଗୁଁ ବିଳମ୍ବ ହୋଇଥିଲା ଉଡାଣ।

Advertisment ଅପରାହ୍ନ ୧ଟା ୧୪ରେ ସେମାନେ ବଦ୍ରିନାଥରୁ ଡେରାଡୁନକୁ ବାହାରିଥିଲେ ।

କିନ୍ତୁ ଉଡାଣ ଭରିବାର ୧୫ ମିନିଟ୍ ପରେ ଏୟାର ଟ୍ରାଫିକ୍ କଣ୍ଟ୍ରୋଲ ସହ ଯୋଗାଯୋଗ ବିଚ୍ଛିନ୍ନ ହୋଇଯାଇଥିଲା ।

ଆଉ ଯୋଶୀମଠ ପାଖରେ କ୍ରାସ୍ ହୋଇଯାଇଥିଲା ହେଲିକପ୍ଟର।