ଅବସାଦ ଯୋଗୁଁ କମେ ସ୍ମରଣ ଶକ୍ତି
ବୟସ ବୃଦ୍ଧି ସହିତ କଥାବାର୍ତ୍ତା ଭୁଲିଯିବା, ଏକାଗ୍ରତା ହରାଇବା କିମ୍ବା ସ୍ମରଣଶକ୍ତି ହ୍ରାସ ପାଇବା ସବୁବେଳେ 'ଡିମେନ୍ସିଆ' ନୁହେଁ । ଅବସାଦ , ଦୀର୍ଘଦିନର ମାନସିକ ଚାପ ଓ ଅନିଦ୍ରା ଭଳି ଆରୋଗ୍ୟସାଧ୍ୟ ସମସ୍ୟା ଯୋଗୁଁ ମଧ୍ୟ ଏହିପରି ଲକ୍ଷଣ ଦେଖାଦେଇପାରେ । ଯାହାକୁ ଡାକ୍ତରୀ ବିଜ୍ଞାନରେ 'ସୁଡୋ-ଡିମେନ୍ସିଆ' କୁହାଯାଏ । ଅବସାଦ ଯୋଗୁଁ ମନୋଯୋଗ ଏବଂ ସୂଚନା ଗ୍ରହଣ କ୍ଷମତା ବ୍ୟାହତ ହୋଇଥାଏ । ଏହା କିଛି ସପ୍ତାହ କିମ୍ବା କିଛି ମାସ ମଧ୍ୟରେ ଶୀଘ୍ର ପ୍ରକାଶ ପାଏ ଏବଂ ରୋଗୀ ନିଜର ଭୁଲିଯିବା ସମ୍ପର୍କରେ ସଚେତନ ଥାଆନ୍ତି । ଅନ୍ୟପଟେ ଅଲଜାଇମର ଭଳି ଡିମେନ୍ସିଆ ରୋଗ ଅତ୍ୟନ୍ତ ଧୀର ଗତିରେ କ୍ରମାଗତ ଭାବେ ବୃଦ୍ଧି ପାଇଥାଏ । ନିରାଶା, ଅତ୍ୟଧିକ କ୍ଲାନ୍ତି, ଲୋକଙ୍କଠାରୁ ଦୂରେଇ ରହିବା ଓ ନିଦ୍ରାହୀନତା ଭଳି ଲକ୍ଷଣ ଦେଖାଦେଲେ ତୁରନ୍ତ ଡାକ୍ତରୀ ପରାମର୍ଶ, ସଠିକ୍ ପରୀକ୍ଷା, ଉତ୍ତମ ନିଦ୍ରା ଏବଂ ଅବସାଦର ଚିକିତ୍ସା ଦ୍ୱାରା ଏହି ସ୍ମରଣଶକ୍ତି ସମସ୍ୟାର ସଫଳ ପ୍ରତିକାର କରାଯାଇପାରିବ ।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ SAMAYA - ସମୟ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି SAMAYA - ସମୟ ଦେଖନ୍ତୁ।
