ଉତ୍ତର ଭାରତରେ ରାଜୁତି ଆରମ୍ଭ କଲାଣି ଶୀତ
ଉତ୍ତର ଭାରତରେ ରାଜୁତି ଆରମ୍ଭ କଲାଣି ଶୀତ
ନନ୍ଦିଘୋଷ ବ୍ୟୁରୋ: ରାଜୁତି ଆରମ୍ଭ କଲାଣି ଶୀତ। ଧବଳ ଚାଦର ତଳେ ଉତ୍ତର ଭାରତ । ହିମାଚଳ ପ୍ରଦେଶ, ଜାମ୍ମୁ ଓ କାଶ୍ମୀରର ବହୁ ଅଞ୍ଚଳରେ ଆରମ୍ଭ ହେଲାଣି ତୁଷାରପାତ। ରାସ୍ତାରୁ ପାହାଡ଼, ଗାଁରୁ ସହର ହେଲାଣି ବରଫାବୃତ। ପ୍ରକୃତିର ମନୋରମ ପରିବେଶ ଉପଭୋଗ କରିବା ଲାଗି ବିଭିନ୍ନ ରାଜ୍ୟରୁ ଛୁଟୁଛନ୍ତି ପର୍ଯ୍ୟଟକ। ସେହିପରି ଜାମ୍ମୁ ଓ କାଶ୍ମୀରର କାଠୁଆ, ଭନ୍ଦେରବାହ ସମେତ ବହୁ ସ୍ଥାନରେ ତୁଷାରପାତ ହୋଇଥିବା ଦେଖିବାକୁ ମିଳିଛି। ସ୍ଥିତି ଏପରି ହୋଇଛି ଯେ, ଅନେକ ସ୍ଥାନରେ ଯାତାୟାତ ମଧ୍ୟ ବାଧାପ୍ରାପ୍ତ ହୋଇଛି। ପାହାଡ଼ ଉପରେ ଢାଙ୍କିଛି ଧବଳ ଚାଦର। ପ୍ରବଳ ତୁଷାରପାତ ହେବାରୁ କିଛି ଅଞ୍ଚଳରେ ଘରୁ ବାହାରିବା ସମ୍ଭବ ହୋଇପାରିନାହିଁ।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ NANDIGHOSHA TV - ନନ୍ଦିଘୋଷ ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି NANDIGHOSHA TV - ନନ୍ଦିଘୋଷ ଟିଭି ଦେଖନ୍ତୁ।
