ଚାଷଜମିରୁ ଆଠ ଫୁଟର ଅଜଗରକୁ ଉଦ୍ଧାର କଲେ ଗ୍ରାମବାସୀ, ସରପଞ୍ଚ..
ବଡ଼ଗାଁ,୩୧।୮(ଅଶୋକ ଷଡ଼ଙ୍ଗୀ): ସୁନ୍ଦରଗଡ଼ ଜିଲା ବଡ଼ଗାଁ ଅଞ୍ଚଳରେ ବର୍ଷା ଋତୁରେ ଅଜଗର ସାପ ଗାଁ ସହ ଚାଷଜମିରେ ଦେଖାଯାଇଥାନ୍ତି। ଚଳିତବର୍ଷ ବଡ଼ଗାଁର ସାପ ଧରାଳି ମହେନ୍ଦ୍ର ନାଏକ ଡେମୁପଡା ଗ୍ରାମରୁ ଗୋଟିଏ ଅଜଗର ସାପ ଉଦ୍ଧାର କରିଥିଲାବେଳେ ବଡ଼ଗାଁର ଭିଖୁ ଅଗ୍ରୱାଲଙ୍କ ଗୋଦାମ ରୁ ଗୋଟିଏ ଅଜଗର ସାପ ଉଦ୍ଧାର କରିଥିଲେ। ଆଜି ପୁଣି ମହପଡା ଗାଁ ନିକଟ ବିଲରେ ଥିବା ଏକ ଆଠ ଫୁଟ ଲମ୍ବର ଅଜଗର ସାପକୁ ଗ୍ରାମର ଦୁବରାଜ ମାଝୀ, ସୁବାଷ ଲାକ୍ରା ଓ ମନମୋହନ ମିଞ୍ଜ ଉଦ୍ଧାର କରିଛନ୍ତି।
ଗ୍ରାମବାସୀଙ୍କ ଠାରୁ ମିଳିଥିବା ସୂଚନା ଅନୁଯାୟୀ, ସୋମବାର ସକାଳ ଆଠଟାରେ ବିଲକୁ କାମ କରିବାକୁ ଯାଇଥିବା କେତେକ ବ୍ୟକ୍ତି ସାପକୁ ଦେଖିଥିଲେ। ଏହାପରେ ଗ୍ରାମର ବୟସ୍କ ବ୍ୟକ୍ତି ଦୁବରାଜ ମାଝୀଙ୍କ ସହିତ ଯୁବକ ମାନେ ଅଜଗର ସାପକୁ ଧରିଥିଲେ। ସ୍ଥାନୀୟ ସରପଞ୍ଚ ଜୋଗିନ୍ଦ୍ର କିସାନ ଏ ସଂପର୍କରେ ବନ ବିଭାଗ କର୍ମଚାରୀଙ୍କୁ ସୂଚିତ କରିଥିବା ଜଣାପଡିଛି।
Dharitri – Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି DHARITRI - ଧରିତ୍ରୀ ଦେଖନ୍ତୁ।
