ପ୍ରକାଶ ପାଶୱାନଙ୍କୁ ରିମାଣ୍ଡରେ ନେବ ପୋଲିସ !
ନନ୍ଦିଘୋଷ ବ୍ୟୁରୋ : ରାଉରକେଲାର ଯୁବ ନେତା ପ୍ରକାଶ ପାସୱାନଙ୍କୁ ରିମାଣ୍ଡରେ ନେଇପାରେ ପୋଲିସ । ଆଜି କୋର୍ଟରେ ରଘୁନାଥ ପଲ୍ଲୀ ଥାନା ପୋଲିସ ଆବେଦନ କରିବ ବୋଲି ଜଣାପଡ଼ିଛି। ରିମାଣ୍ଡରେ ନେଲେ ଚୋରା ବନ୍ଧୁକ କାରବାର ନେଇ ଅଧିକ ତନାଘନା କରିବ। ପ୍ରକାଶଙ୍କ ଦୁଇ ସହଯୋଗୀଙ୍କୁ ମଧ୍ୟ ପୋଲିସ ପଚରା ଉଚରା କରୁଛି। ବିହାର ସମସ୍ତିପୁରରୁ ପ୍ରକାଶଙ୍କୁ ଗିରଫ କରିଥିଲା ପୋଲିସ ।
ଗତ ରାତିରେ କୋର୍ଟରେ ହାଜିରା ପରେ ହାଜତକୁ ପଠାଯାଇଥିଲା। ରାଉରକେଲା ପାନପୋଷ ସର୍କିଟ ହାଉସରେ ଚୋରା ବନ୍ଧୁକ ସହିତ ଅପରାଧୀ ଧରାପଡ଼ିଥିଲେ। ୯ ଜଣଙ୍କୁ ଗିରଫ କରାଯାଇଥିଲା। ଜବତ ହୋଇଥିଲା ୪ଟି ବନ୍ଧୁକ ଓ ୧୧ଟି ଗୁଳି। ସାମ୍ନାକୁ ଆସିଥିଲା ସେଥିରେ ରହିଛି ପ୍ରକାଶ ପାସୱାନଙ୍କ ଲିଙ୍କ୍। ସେ କିନ୍ତୁ ବିହାରକୁ ଖସି ଯାଇଥିଲେ। ତାଙ୍କୁ ସମସ୍ତିପୁରରୁ ଗିରଫ କରାଯାଇ ଓଡ଼ିଶାକୁ ଅଣାଯାଇଥିଲା। ରାଉରକେଲା ଟିମ୍ଵର କଲୋନୀ ନିକଟ ସଂରକ୍ଷିତ ଜଙ୍ଗଲ ଜମିରେ ପ୍ରକାଶ ପାଶଓ୍ବାନ ବେଆଇନ ଭାବେ ଅଫିସ କରିଥିବାର ବି ଅଭିଯୋଗ ଅଛି। ବନ ବିଭାଗ ଏହାର ତଦନ୍ତ କରୁଛି। ଆଜି ପାନପୋଷ ରେଞ୍ଜ ଅଫିସର ତଦନ୍ତ ରିପୋର୍ଟ ଦେବା ପରେ ଆକ୍ସନ ନିଆଯିବ ବୋଲି ଡିଏଫଓ କହିଛନ୍ତି।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ NANDIGHOSHA TV - ନନ୍ଦିଘୋଷ ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି NANDIGHOSHA TV - ନନ୍ଦିଘୋଷ ଟିଭି ଦେଖନ୍ତୁ।
