ସାକ୍ଷୀଗୋପାଳରେ ଅଁଳା ନବମୀ ଓ ବଡ଼ ଏକାଦଶୀ ପ୍ରସ୍ତୁତି
ପିପିଲି : ଅଁଳା ନବମୀରେ ରାଧା ପାଦ ଦର୍ଶନ ଓ ବଡ଼ ଏକାଦଶୀ ଉପଲକ୍ଷେ ଏକ ସମନ୍ୱୟ ବୈଠକ ସାକ୍ଷୀଗୋପାଳ ସ୍ଥିତ ମଣ୍ଡପରେ ବିଧାୟକ ଓମ୍ ପ୍ରକାଶ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହେଇ ଯାଇଛି । ଆସନ୍ତା ନଭେମ୍ବର ୧୮ ରେ ଅଁଳା ନବମୀ । ୧୮ ତାରିଖରୁ ୨୧ ତାରିଖ ଯାଏ ଚାଲିବ ଉତ୍ସବ । ଗୋପାଳ ଜୀଉଙ୍କ ମନ୍ଦିରରେ ଶ୍ରୀରାଧାଙ୍କ ପାଦ ଦର୍ଶନ ଅଁଳା ନବମୀ ତିଥିରେ ସମ୍ପାଦନ ହେବ । ଏଥିପାଇଁ ଲକ୍ଷାଧିକ ଶ୍ରଦ୍ଧାଳୁଙ୍କ ସମାଗମ ହେବ । ବିଶେଷ କରି ଠାକୁରଙ୍କ ଫଟୋ ଭାଇରାଲ ଉପରେ କଡ଼ା କଟକଣା କରାଯାଇଛି । ଯଦି କେହି ଫଟୋ ଭାଇରାଲ କରନ୍ତି ତାଙ୍କୁ ଜେଲ ସହ ୧୦ ହଜାର ଟଙ୍କା ଜୋରିମାନା କରାଯିବ ।ଦର୍ଶନ ସମୟରେ ଭିଡ ନିୟନ୍ତ୍ରଣ ,ଶୃଙ୍ଖଳିତ ଦର୍ଶନ, ଆଇନ ଶୃଙ୍ଖଳା, ପାର୍କିଂ ଓଟ୍ରାଫିକ ବ୍ୟବସ୍ଥା, ସଫେଇ, ପାନୀୟ ଜଳ ବ୍ୟବସ୍ଥା କରାଯିବ। ସେହିପରି ଧାଡ଼ି ଦର୍ଶନ ପାଇଁ ବ୍ୟାରିକେଡ ନିର୍ମାଣ, ପାସ ବ୍ୟବସ୍ଥା, ସେବାୟତଙ୍କ ପାଇଁ ସ୍ୱତନ୍ତ୍ର ଦର୍ଶନ ବ୍ୟବସ୍ଥା, ବୁଲା ଗାଈ ଗୋରୁଙ୍କୁ ସିଂହ ଦ୍ୱାର ସମ୍ମଖରୁ ହଟାଇବା, ଆଦି ବିଭିନ୍ନ ପ୍ରସଙ୍ଗ ଉପରେ ଆଲୋଚନା ହେଇଥିଲା। ପାସ ଧାରିଙ୍କ ପାଇଁ ସକାଳ ୮ ରୁ ରାତି ୮ ଓ ସେବାୟତଙ୍କ ପାଇଁ ସକାଳ ୫ ଟାରୁ ସକାଳ ୬ଟା ପର୍ଯ୍ୟନ୍ତ ଦର୍ଶନ ବ୍ୟବସ୍ଥା ରହିବ ।..
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ NANDIGHOSHA TV - ନନ୍ଦିଘୋଷ ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି NANDIGHOSHA TV - ନନ୍ଦିଘୋଷ ଟିଭି ଦେଖନ୍ତୁ।
