Bomb: ଇରାନ ଉପରେ ''ମଦର ଅଫ୍ ଅଲ୍ ବମ୍'' ପ୍ରୟୋଗ କରିପାରେ ଆମେରିକା

"ୱାଶିଂଟନ୍: ଇରାନ ବିରୋଧରେ ନିଜର ସାମରିକ ଅଭିଯାନକୁ ଆହୁରି ଜୋରଦାର କରିବା ପାଇଁ ଆମେରିକା ନିଜର ସବୁଠାରୁ ଶକ୍ତିଶାଳୀ ଅଣ-ଆଣବିକ ବୋମା ''ମଦର ଅଫ୍ ଅଲ୍ ବମ୍'' ବ୍ୟବହାର କରିବା ନେଇ ବିଚାର କରୁଛି।

ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନର ଶକ୍ତି ଭିତ୍ତିଭୂମି ଏବଂ ସନ୍ଦିଗ୍ଧ ଆଣବିକ କେନ୍ଦ୍ରଗୁଡ଼ିକ ଉପରେ ଆକ୍ରମଣ ପାଇଁ ପ୍ରସ୍ତୁତ ହେଉଥିବା ଜଣାପଡ଼ିଛି।

ତେବେ ଏହି ବୋମା ବିଶାଳ ବିସ୍ଫୋରଣ ସୃଷ୍ଟି କରିବାରେ ସକ୍ଷମ ହୋଇଥିଲେ ହେଁ, ଭୂପୃଷ୍ଠର ବହୁ ଗଭୀରରେ ଥିବା ଆଣବିକ କେନ୍ଦ୍ରଗୁଡ଼ିକୁ ସମ୍ପୂର୍ଣ୍ଣ ଧ୍ୱଂସ କରିବା ନେଇ ସାମରିକ ବିଶେଷଜ୍ଞମାନେ ସନ୍ଦେହ ପ୍ରକାଶ କରିଛନ୍ତି।Advertisment ଆମେରିକା ଏବଂ ଇସ୍ରାଏଲ୍ ପକ୍ଷରୁ ଇରାନ ବିରୋଧରେ ଆରମ୍ଭ ହୋଇଥିବା ଯୁଦ୍ଧ ଗତ ୭ ମାସରୁ ଅଧିକ ସମୟ ଧରି ଜାରି ରହିଥିଲେ ସୁଦ୍ଧା କୌଣସି ନିଷ୍କର୍ଷରେ ପହଞ୍ଚିପାରି ନାହିଁ।

ବିଶେଷ କରି ନତାଞ୍ଜ୍ ନିକଟସ୍ଥ ପିକ୍-ଆକ୍ସ ମାଉଣ୍ଟେନ୍ ସ୍ଥିତ ଇରାନର ଭୂଗର୍ଭସ୍ଥ ଆଣବିକ ପ୍ରକଳ୍ପକୁ ନେଇ ଆମେରିକା ଚିନ୍ତିତ ରହିଛି।

ରିପୋର୍ଟ ଅନୁଯାୟୀ, ଆସନ୍ତା ନଭେମ୍ବର ୩ ମଧ୍ୟବର୍ତ୍ତୀକାଳୀନ ନିର୍ବାଚନ ପୂର୍ବରୁ କିମ୍ବା ପରେ ଟ୍ରମ୍ପ ଏହି ଆକ୍ରମଣ ପାଇଁ ନିର୍ଦ୍ଦେଶ ଦେଇପାରନ୍ତି।

ବୋମାର ଓଜନ ପ୍ରାୟ ୯,୮୦୦ କିଲୋଗ୍ରାମ୍ ଅଫିସିଆଲ୍ ଭାବେ ''ଜିବିୟୁ-୪୩/ବି ମାସିଭ୍ ଅର୍ଡନାନ୍ସ ଏୟାର ବ୍ଲାଷ୍ଟ'' (ଏମଓଏବି) ଭାବେ ଜଣାଶୁଣା ଏହି ବୋମାର ଓଜନ ପ୍ରାୟ ୯,୮୦୦ କିଲୋଗ୍ରାମ୍।

ଜିପିଏସ୍-ଚାଳିତ ଏହି ବୋମାଟି ଭୂପୃଷ୍ଠକୁ ସ୍ପର୍ଶ କରିବା ପୂର୍ବରୁ ଶୂନ୍ୟରେ ବିସ୍ଫୋରିତ ହୋଇ ବ୍ୟାପକ ଅଞ୍ଚଳରେ ଭୟଙ୍କର ଶକ୍ତିଶାଳୀ ତରଙ୍ଗ ସୃଷ୍ଟି କରିଥାଏ, ଯାହା ଶତ୍ରୁପକ୍ଷକୁ ଭୟଭୀତ କରିବା ପାଇଁ ମନୋବୈଜ୍ଞାନିକ ଅସ୍ତ୍ର ଭାବେ ବ୍ୟବହୃତ ହୁଏ।

୨୦୧୭ରେ ଆଫଗାନିସ୍ତାନରେ ଆଇଏସଆଇଏସ୍ ର ସୁଡ଼ଙ୍ଗ ଉପରେ ଆମେରିକା ଏହାକୁ ପ୍ରଥମ ଥର ପାଇଁ ବ୍ୟବହାର କରିଥିଲା।

କୂଟନୈତିକ ବୁଝାମଣା ନିହାତି ଆବଶ୍ୟକ ତେବେ ପିକ୍-ଆକ୍ସ ମାଉଣ୍ଟେନ୍ ସ୍ଥିତ ଇରାନର ଆଣବିକ କେନ୍ଦ୍ର ଭୂପୃଷ୍ଠର ପ୍ରାୟ ୯୧ ରୁ ୧୩୭ ମିଟର (୩୦୦ ରୁ ୪୫୦ ଫୁଟ) ଗଭୀରରେ କଠିନ ଗ୍ରାନାଇଟ୍ ପାହାଡ଼ ତଳେ ରହିଛି। "ଏମଓଏବି" ଭୂତଳକୁ ବିଦ୍ଧ କରିବାରେ (ବଙ୍କର ବଷ୍ଟର) ଅକ୍ଷମ ହୋଇଥିବାରୁ ଏହା କେବଳ ଭୂପୃଷ୍ଠର ରାସ୍ତା, ପାହାଡ଼ର ଦ୍ୱାର ଏବଂ ସହାୟକ ଗୃହଗୁଡ଼ିକୁ ହିଁ କ୍ଷତି ପହଞ୍ଚାଇପାରିବ।

ଭୂଗର୍ଭରେ ଥିବା ମୁଖ୍ୟ ଗ୍ରହଣଶାଳୀ ଯନ୍ତ୍ରାଂଶ ସୁରକ୍ଷିତ ରହିବାର ସମ୍ଭାବନା ଅଧିକ।

ଯଦିଓ ଆମେରିକା ପାଖରେ ଗଭୀର ଭୂତଳକୁ ଭେଦ କରୁଥିବା ଜିବିୟୁ-୫୭ ବଙ୍କର ବଷ୍ଟର ରହିଛି, ତଥାପି ପିକ୍-ଆକ୍ସ ମାଉଣ୍ଟେନକୁ ସମ୍ପୂର୍ଣ୍ଣ ଧ୍ୱଂସ କରିବା କଷ୍ଟକର।

ସିଏସଆଇଏସ୍ ର ବିଶ୍ଳେଷଣ ଅନୁଯାୟୀ, କେବଳ ସାମରିକ ଆକ୍ରମଣ ଦ୍ୱାରା ଇରାନର ଆଣବିକ ଲକ୍ଷ୍ୟକୁ ରୋକାଯାଇପାରିବ ନାହିଁ, ଏଥିପାଇଁ କୂଟନୈତିକ ବୁଝାମଣା ନିହାତି ଆବଶ୍ୟକ।

Earthquake: ରୁଷ୍‌ର କାମଚାଟ୍‌କା ଉପଦ୍ୱୀପରେ ୭ ତୀବ୍ରତାର ଭୂମିକମ୍ପ"