ନିଜର ପ୍ରତିରକ୍ଷା ସାମଗ୍ରୀଗୁଡିକୁ ଅଣ୍ଡରଗ୍ରାଉଣ୍ଡକୁ ନେଉଛି ଇରାନ
ନନ୍ଦିଘୋଷ ବ୍ୟୁରୋ : ନିଜର ପ୍ରତିରକ୍ଷା ସାମଗ୍ରୀଗୁଡିକୁ ଅଣ୍ଡରଗ୍ରାଉଣ୍ଡକୁ ନେଉଛି ଇରାନ। ନିଜର ସାମରିକ ଭିତ୍ତିଭୂମିକୁ ସୁଦୃଢ଼ ରଖିବା ଲାଗି ଇରାନ ଏହି ପଦକ୍ଷେପ ନେଇଛି। ସେପଟେ ଯୁଦ୍ଧ ବନ୍ଦ ଲାଗି ଇରାନର ୭ ସୂତ୍ରୀ ପ୍ରସ୍ତାବ ପ୍ରସଙ୍ଗ। ଯଦି ଏହି ପ୍ରସ୍ତାବକୁ ଆମେରିକା ଗ୍ରହଣ କରିବ ତେବେ ଏହାକୁ କାର୍ଯ୍ୟକାରୀ କରିବା ଲାଗି ଇରାନ ଆଗେଇଆସିବ ବୋଲି କହିଛନ୍ତି ଇରାନ ବୈଦେଶିକ ମନ୍ତ୍ରୀ ଆବାସ ଆରାଘଚି। ତେବେ ଇରାନର ୭ ସୂତ୍ରୀ ପ୍ରସ୍ତାବକୁ ଗ୍ରହଣ କରିବାକୁ ଅଗ୍ରାହ୍ୟ କରିଛନ୍ତି ଆମେରିକା ରାଷ୍ଟ୍ରପତି ଟ୍ରମ୍ପ। ସେପଟେ କୂଟନୈତିକ ସ୍ତରରେ କଥାବାର୍ତ୍ତା ଲାଗି ୱାଶିଂଟନ ପ୍ରସ୍ତୁତ ରହିଛି ବୋଲି କହିଛନ୍ତି ଆମେରିକା ପରରାଷ୍ଟ୍ର ବିଭାଗ ମୁଖପାତ୍ର ଟମି ପିଗଟ୍ଟ। ସେପଟେ କଥାବାର୍ତ୍ତାର ଅର୍ଥ ନୁହେଁ ଯେ ଇରାନ ନିଜର ଆଣବିକ କାର୍ଯ୍ଯକ୍ରମ ବନ୍ଦ କରିବ। ଇରାନ ନିଜର ଆଣବିକ କାର୍ଯ୍ଯକ୍ରମ ବନ୍ଦ କରିବ ନାହିଁ ବୋଲି କହିଛନ୍ତି ଆଭ୍ୟନ୍ତରୀଣ ବ୍ୟାପାର ଓ ପରିଷଦ ସଂକ୍ରାନ୍ତ ସଂସଦୀୟ କମିଟି ଅଧ୍ୟକ୍ଷ ମହମ୍ମଦ ସାଲେ ଜୋକାର।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ NANDIGHOSHA TV - ନନ୍ଦିଘୋଷ ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି NANDIGHOSHA TV - ନନ୍ଦିଘୋଷ ଟିଭି ଦେଖନ୍ତୁ।
