Female Officer Sits In Protest: ୮ ମାସ ହେଲା ମିଳିନି ଦରମା, ହାତରେ ଭିକ୍ଷାଥାଳି ଧରି ଧାରଣାରେ ବସିଲେ ମହିଳା ଅଧିକାରୀ

ବିହାର: ବିହାର ର ବକ୍ସର ଜିଲ୍ଲାରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି।

ନିଜର ପରିଶ୍ରମର ରୋଜଗାର ଅର୍ଥାତ୍ ଦରମା ପାଇବା ପାଇଁ ଜଣେ ମହିଳା ସରକାରୀ ଅଧିକାରୀ ଙ୍କୁ ଏଭଳି ଏକ ଅଭିନବ ପ୍ରତିବାଦର ରାସ୍ତା ଆପଣାଇବାକୁ ପଡ଼ିଛି, ଯାହାକୁ ନେଇ ଏବେ ସାରା ରାଜ୍ୟରେ ଚର୍ଚ୍ଚା ହେଉଛି।

ବ୍ରହ୍ମପୁର ବ୍ଲକ୍ କାର୍ଯ୍ୟାଳୟ ବାହାରେ ଗ୍ରାମୀଣ ବିକାଶ ଅଧିକାରୀ ଅଲପିତା ସିଂହ ହାତରେ ଭିକ୍ଷାଥାଳି ଧରି ଧାରଣାରେ ବସିଛନ୍ତି।

Advertisment ୧୧ ମାସ ଚାକିରି କରି ମାତ୍ର ୩ ମାସର ଦରମା ପାଇଛନ୍ତି ଭାଇରାଲ୍ ହୋଇଥିବା ଫଟୋ ଅନୁସାରେ, ଗ୍ରାମୀଣ ବିକାଶ ଅଧିକାରୀ ଅଲପିତା ସିଂହ ବ୍ରହ୍ମପୁର ବ୍ଲକ୍‌ରେ କାର୍ଯ୍ୟରତ ଅଛନ୍ତି।

ତାଙ୍କ ଅଭିଯୋଗ ଅନୁସାରେ, ସେ ଗତ ପ୍ରାୟ ୧୧ ମାସ ଧରି ନିଜ ବିଭାଗୀୟ ଦାୟିତ୍ୱକୁ ନିଷ୍ଠାର ସହ ତୁଲାଇ ଆସୁଛନ୍ତି।

କିନ୍ତୁ ଏହା ସତ୍ତ୍ୱେ ତାଙ୍କୁ ନିୟମିତ ଭାବେ ଦରମା ମିଳିନାହିଁ।

୧୧ ମାସ ମଧ୍ୟରେ ସେ ମାତ୍ର ୩ ମାସର ଦରମା ପାଇଥିବା ବେଳେ ବାକି ୮ ମାସର ଦରମା ବକେୟା ରହିଛି।

ଲଗାତାର ଆର୍ଥିକ ଅଭାବ ଓ ବିଭିନ୍ନ ସମସ୍ୟାର ସାମ୍ନା କରିବା ପରେ ମଧ୍ୟ କୌଣସି ସ୍ଥାନରୁ ନ୍ୟାୟ ନମିଳିବାରୁ ସେ ବାଧ୍ୟ ହୋଇ ଏଭଳି ଅଭିନବ ପ୍ରତିବାଦର ରାସ୍ତା ବାଛିଥିଲେ।

ବ୍ଲକ୍ କାର୍ଯ୍ୟାଳୟ ସମ୍ମୁଖରେ ହାତରେ ଭିକ୍ଷାଥାଳି ଧରି ସେ ଧାରଣାରେ ବସିଥିଲେ।

ତାଙ୍କର ଦୁଇଦିନିଆ ଏହି ଅଭିନବ ପ୍ରତିବାଦର ଫଟୋ ସୋସିଆଲ ମିଡିଆରେ ଦ୍ରୁତଗତିରେ ଭାଇରାଲ୍ ହୋଇଛି।

ଜିଲ୍ଲା ପ୍ରଶାସନର କଡ଼ା ପଦକ୍ଷେପ, ବିଡିଓଙ୍କୁ ମଗାଗଲା ସ୍ପଷ୍ଟୀକରଣ ମହିଳା ଅଧିକାରୀ ହାତରେ ଭିକ୍ଷାଥାଳି ଧରି ପ୍ରତିବାଦ କରୁଥିବା ଫଟୋ ପ୍ରଶାସନିକ ଅଧିକାରୀଙ୍କ ପାଖରେ ପହଞ୍ଚିବା ପରେ ବକ୍ସର ଜିଲ୍ଲା ପ୍ରଶାସନରେ ହଇଚଇ ସୃଷ୍ଟି ହୋଇଛି।

ପ୍ରଶାସନ ତୁରନ୍ତ ଏହି ଘଟଣାକୁ ଗୁରୁତ୍ୱର ସହ ନେଇ ବ୍ରହ୍ମପୁରର ବ୍ଲକ୍ ବିକାଶ ଅଧିକାରୀଙ୍କୁ କଡ଼ା ସ୍ପଷ୍ଟୀକରଣ ମାଗିଛି।

ତେବେ ବିଡିଓଙ୍କୁ ସ୍ପଷ୍ଟୀକରଣ ମଗାଯିବା ପରେ ପ୍ରଶାସନ ପକ୍ଷରୁ ଏହି ଘଟଣାର ଆଭ୍ୟନ୍ତରୀଣ ତଦନ୍ତ ଆରମ୍ଭ ହୋଇଛି।

ଏବେ ସମସ୍ତଙ୍କ ନଜର ବିଡିଓଙ୍କ ସ୍ପଷ୍ଟୀକରଣ ଉପରେ ରହିଛି।

ଅର୍ଣ୍ଣବ ଓ ପରବର୍ତ୍ତୀ ବନ୍ୟା କ୍ଷୟକ୍ଷତି ଆକଳନ: ମୁଖ୍ୟମନ୍ତ୍ରୀଙ୍କୁ ଭେଟିଲେ କେନ୍ଦ୍ରୀୟ ଟିମ୍‌, ସମ୍ପୂର୍ଣ୍ଣ ଆକଳନ ପାଇଁ ଆହୁରି ଲାଗିବ ୮ ଦିନ