International Literacy Day: ଆନ୍ତର୍ଜାତିକ ସାକ୍ଷରତା ଦିବସ

"ଆଜି ହେଉଛି ଆନ୍ତର୍ଜାତିକ ସାକ୍ଷରତା ଦିବସ।

ଲୋକଙ୍କ ଭିତରେ ସାକ୍ଷରତାର ଗୁରୁତ୍ବ ବାବଦରେ ସଚେତନତା ସୃଷ୍ଟି ପାଇଁ ଏହି ଦିବସ ଉତ୍ସର୍ଗୀକୃତ।

ବ୍ୟକ୍ତିଗତ ସ୍ତରରେ ଜଣଙ୍କର ଜୀବନ ଓ ସାମୂହିକ ଭାବରେ ଦେଶର ଅର୍ଥନୀତିର ପ୍ରମୁଖ ଉପାଦାନ ହେଉଛି ସାକ୍ଷରତା।

ଏହା ଜଣେ ବ୍ୟକ୍ତିର ଚିନ୍ତାଧାରା, ଭାବନା ଓ ଅନୁଭବକୁ ଲେଖିବା ଓ ବ୍ୟକ୍ତ କରିବା ପାଇଁ ମୌଳିକ ଦକ୍ଷତା ଯୋଗାଇଥାଏ।

ଏହା ପ୍ରତ୍ୟେକ ବ୍ୟକ୍ତିର ଆତ୍ମମର୍ଯ୍ୟାଦା ଓ ଶିକ୍ଷା ଅଧିକାର ହାସଲ ପାଇଁ ଅପରିହାର୍ଯ୍ୟ।

୧୯୬୫ରେ ତେହରାନ୍‌ଠାରେ ଅନୁଷ୍ଠିତ ୟୁନେସ୍କୋର ଚତୁର୍ଦ୍ଦଶ ଅଧିବେଶନରେ ଏପରି ଏକ ଦିବସ ପାଳନର ପରିକଳ୍ପନା କରାଯାଇଥିଲା ଏବଂ ୧୯୬୬ ଅକ୍‌ଟୋବର ୨୬ରେ ଏ ସଂକ୍ରାନ୍ତ ଏକ ସଂକଳ୍ପ ପାରିତ ହୋଇଥିଲା।Advertisment Unprotected temple: ଅସୁରକ୍ଷିତ ମନ୍ଦିର, ଅସହାୟ ଦେବତା ତଦନୁସାରେ ୧୯୬୭ ମସିହାରୁ ପ୍ରତି ବର୍ଷ ସେପ୍‌ଟେମ୍ବର ୮ ତାରିଖରେ ହିଁ ଆନ୍ତର୍ଜାତିକ ସାକ୍ଷରତା ଦିବସ ପାଳିତ ହୋଇଆସୁଛି।

ଉଦ୍ଦେଶ୍ୟ ହେଉଛି, ନିରକ୍ଷରତାର ମୁକାବିଲା କରିବା ଏବଂ ବ୍ୟକ୍ତି ଓ ସମୁଦାୟକୁ ସଶକ୍ତ କରିବା ପାଇଁ ସାକ୍ଷରତାକୁ ଏକ ଉପକରଣ ଭାବେ ପ୍ରୋତ୍ସାହିତ କରିବା।

ଭାରତୀୟ ଜାତୀୟ ସର୍ବେକ୍ଷଣର ତଥ୍ୟ ଅନୁସାରେ, ୨୦୧୧ ମସିହାରେ ଦେଶର ସାକ୍ଷରତା ହାର ୭୩ ପ୍ରତିଶତ ଥିବାବେଳେ "ପିରିଅଡିକ୍‌ ଲେବର୍‌ ଫୋର୍ସ ସର୍ଭେ ୨୦୨୩-୨୪"ର ତଥ୍ୟ ଅନୁସାରେ ଏହା ୮୦.୯%କୁ ବୃଦ୍ଧି ପାଇସାରିଲାଣି।

ଏ ବର୍ଷ ଆନ୍ତର୍ଜାତିକ ସାକ୍ଷରତା ଦିବସ ପାଳନର ବିଷୟବସ୍ତୁ ହେଉଛି: "ମାନବ, ପୃଥିବୀ ଓ ସମୃଦ୍ଧି ପାଇଁ ସାକ୍ଷରତା।" Traffic: ଟ୍ରାଫିକ ନିୟମ ଉଲ୍ଲଂଘନ କଲେ ବିଯୁକ୍ତ ପଏଣ୍ଟ ମିଳିବ, ଭଲ ଆଚରଣ ପାଇଁ ରିୱାର୍ଡ"