ଗାଁ ସାଥୀ ସଂଘର ୬ ଦଫା ଦାବିପତ୍ର: ଦାବି ପୂରଣ ନ ହେଲେ ଆନ୍ଦୋଳନ ଚେତାବନୀ
ଭବାନୀପାଟଣା,୮ା୯(ଉତ୍ତମ କୁମାର ଦାଶ):ରାଜ୍ୟ ସଂଘର ଆହ୍ବାନ କ୍ରମେ କଳାହାଣ୍ଡି ଗାଁ ସାଥୀ (ମେଟ) ସଂଘ ମିଳିତ କ୍ରିୟାନୁଷ୍ଠାନ କମିଟି ପକ୍ଷରୁ ସୋମବାର ୬ ଦଫା ଦାବି ନେଇ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଜିଲାପାଳଙ୍କୁ ଦାବିପତ୍ର ପ୍ରଦାନ କରାଯାଇଛି। ଏଥିରେ ପତ୍ର ସଂଖ୍ୟା ୨୪୫୦୯/ତା୨୯ା୦୮ା୨୦୨୬କୁ ମାନି କାର୍ଯ୍ୟ କରିବା, ଗାଁ ସାଥୀଙ୍କ ଠିକ ଡାଟାବେସକୁ ରାଜ୍ୟକୁ ପଠାଇବା, ପତ୍ର ଅନୁସାରେ ଗାଁସାଥୀଙ୍କୁ ସମସ୍ତ ଜିଓଟ୍ୟାଗ କାର୍ଯ୍ୟରେ ଲଗାଇବା, ବକେୟା ପ୍ରାପ୍ୟ ପ୍ରଦାନ, ପୂର୍ବପରି ଭିବିଜି ରାମଜି ଯୋଜନାରେ ଗାଁସାଥୀଙ୍କ ନାମରେ କାର୍ଯ୍ୟାଦେଶ ପ୍ରଦାନ ଆଦି ଉଲ୍ଲେଖ ରହିଛି। ସପ୍ତାହେ ମଧ୍ୟରେ ଏହି ଦାବିଗୁଡିକୁ ସରକାର ପୂରଣ ନ କଲେ ଆସନ୍ତା ୨୧ରେ ଓଡ଼ିଶା ବିଧାନସଭା ସମ୍ମୁଖ ଲୋୟର ପିଏମ୍ଜି ଧାରଣାସ୍ଥଳରେ ଗାଁସାଥୀ (ମେଟ) ନିଜ ପରିବାର ସଦସ୍ୟ ଆନ୍ଦୋଳନ କରିବେ ବୋଲି ଚେତାବନୀ ଦେଇଛନ୍ତି। ଜିଲା ସଂଯୋଜକ ଅଭିମନ୍ୟୁ ବେଶ୍ରାଙ୍କ ନେତୃତ୍ୱରେ ଦାବି ପତ୍ର ପ୍ରଦାନ ସମୟରେ ଜିଲା ଆବାହକ ରୋହିତ କୁମାର ସାହୁ, ଭୁବନ ବାଗ, ଗୌରଚନ୍ଦ୍ର ଗହୀର, ଶ୍ୟାମ ସୁନ୍ଦର ଛତ୍ରିଆ, ନବୀନ ଟୋଲଟିଆ, ବନ ବିହାରୀ ସାହୁ, ଭିକାରୀ କୁମାର ପ୍ରମୁଖ ଉପସ୍ଥିତ ଥିଲେ।
Dharitri – Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି DHARITRI - ଧରିତ୍ରୀ ଦେଖନ୍ତୁ।
