Jantar Mantar Loses Its Place on Delhi’s Protest Venue List: ଜନ୍ତରମନ୍ତରରେ ଆଉ ହେବନି ବିକ୍ଷୋଭ! କେନ୍ଦ୍ରର ବଡ଼ ନିଷ୍ପତ୍ତି

ଜନ୍ତରମନ୍ତରରେ ଆଉ କରି ହେବନି ବିକ୍ଷୋଭ ଓ ପ୍ରତିବାଦ। କେନ୍ଦ୍ର ଗୃହ ମନ୍ତ୍ରାଳୟର ଏ ବଡ଼ ନିଷ୍ପତ୍ତି। ନୂଆଦିଲ୍ଲୀ ଜନ୍ତରମନ୍ତରରେ ବିକ୍ଷୋଭ ପାଇଁ ଆଉ ଦିଆଯିବନି ଅନୁମତି। ଏଥିଲାଗି ଦିଲ୍ଲୀରେ ଅନ୍ୟ ୩ ଟି ସ୍ଥାନକୁ ବିକଳ୍ପ ସ୍ଥାନ ଭାବେ ବାଛିଛନ୍ତି କେନ୍ଦ୍ର ସରକାର। କେନ୍ଦ୍ର ଗୃହ ମନ୍ତ୍ରାଳୟ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି। ଏହି ନୂଆ ନିର୍ଦ୍ଦେଶ ଅନୁଯାୟୀ, ରାମଲୀଳା ମୈଦାନ, ବୁରାରୀ ମୈଦାନ ଏବଂ ସିବିଡି ଗ୍ରାଉଣ୍ଡକୁ ପ୍ରଦର୍ଶନ ପାଇଁ ନିର୍ଦ୍ଦିଷ୍ଟ କରାଯାଇଛି।

ଦିଲ୍ଲୀରେ ମୁଖ୍ୟ ନିର୍ବାଚନ କମିଶନର ଜ୍ଞାନେଶ କୁମାରଙ୍କ ବିରୋଧରେ ପ୍ରତିବାଦ ମଧ୍ୟରେ, କେନ୍ଦ୍ର ଗୃହ ମନ୍ତ୍ରଣାଳୟ ପ୍ରତିବାଦ ସ୍ଥାନ ତାଲିକାରୁ ଜନ୍ତରମନ୍ତରକୁ ହଟାଇ ଦେଇଛି। ଗୃହ ମନ୍ତ୍ରଣାଳୟ କମିଟିର ସୁପାରିଶ ଆଧାରରେ ଦିଲ୍ଲୀରେ ପ୍ରତିବାଦ ପାଇଁ ନୂତନ ସ୍ଥାନ ସ୍ଥିର କରାଯାଇଛି। ପୂର୍ବ ଦିଲ୍ଲୀର ରାମଲୀଳା ମୈଦାନ, ବୁରାରୀ ମୈଦାନ ଏବଂ ସିବିଡି ମୈଦାନକୁ ପ୍ରଦର୍ଶନ ପାଇଁ ନିର୍ଦ୍ଦିଷ୍ଟ କରାଯାଇଥିଲା। ଜନ୍ତର ମନ୍ତରକୁ ପ୍ରଦର୍ଶନ ସ୍ଥାନ ଭାବରେ ନାମିତ କରିଥିବା ବିଜ୍ଞପ୍ତିକୁ ପ୍ରତ୍ୟାହାର କରାଯାଇଛି। ପ୍ରାୟ ୩୩ ବର୍ଷ ଧରି ଜନ୍ତର ମନ୍ତର ପ୍ରଦର୍ଶନ ସ୍ଥାନ ଭାବରେ କାର୍ଯ୍ୟ କରିଥିଲା। ଏହା ପୂର୍ବରୁ ଇଣ୍ଡିଆ ଗେଟରେ ଥିବା ବୋଟ୍ କ୍ଲବ ପ୍ରଦର୍ଶନ ସ୍ଥାନ ଥିଲା । 

ଜନ୍ତରମନ୍ତରରେ ଆଉ କରିହେବନି ବିକ୍ଷୋଭ
ଦିଲ୍ଲୀ ଜନ୍ତରମନ୍ତରରେ ଆଉ କରିହେବନି ବିକ୍ଷୋଭ ପ୍ରଦର୍ଶନ
ଗୃହ ମନ୍ତ୍ରାଳୟ ଦ୍ବାରା ଗଠିତ କମିଟିର ସୁପାରିସ୍ ପରେ ପଦକ୍ଷେପ
ରାମଲୀଳା, ବୁରାରୀ ଓ ସିବିଡି ଗ୍ରାଉଣ୍ଡ ନୂଆ ଧାରଣାସ୍ଥଳ ପ୍ରସ୍ତାବ