ଠେଙ୍ଗାରେ ମାଡ଼ ମାରି ହତ୍ୟା ଉଦ୍ୟମ, ଗିରଫ ହେଲେ ନାବାଳକ ଅଭିଯୁକ୍ତ

ଦିଗପହଣ୍ଡି,୨୭।୯(ଅଶେଷ ନାଥ ମିଶ୍ର): ଗଞ୍ଜାମ ଜିଲା ସାନଖେମୁଣ୍ଡି ବ୍ଲକ ଅଞ୍ଚଳର ଶଙ୍କର ଜେନାଙ୍କୁ ଠେଙ୍ଗାରେ ମାଡ଼ ମାରି ହତ୍ୟା ଉଦ୍ୟମ କରାଯାଇଥିବା ଅଭିଯୋଗ ହୋଇଛି। ପୋଲିସ ଘଟଣାରେ ସମ୍ପୃକ୍ତ ନାବାଳକ ଅଭିଯୁକ୍ତଙ୍କୁ ଗିରଫ କରିଛି। ପୋଲିସ ତଦନ୍ତ ପରେ ଅଭିଯୁକ୍ତ ନାବାଳକଙ୍କୁ ବ୍ରହ୍ମପୁର ଜୁଭେନାଇଲ ଜଷ୍ଟିସ ବୋର୍ଡ(ଜେଜେବି) ହାଜର କରିବା ପରେ ବ୍ରହ୍ମପୁର ବାଳ ସୁଧାର ଗୃହକୁ ପଠାଇଛି। ଏନେଇ ଥାନା ମାମଲା ଏକ ମାମଲା(ନଂ.୨୯୬/୨୬) ରୁଜୁ ହୋଇଥିବା ମାମଲାର ତଦନ୍ତକାରୀ ଅଧିକାରୀ ତଥା ପାଟପୁର ଥାନା ଆଇଆଇସି ଦୀପ୍ତି ରଞ୍ଜନ ବେହେରା ପ୍ରକାଶ କରିଛନ୍ତି।

ନବାଳକ ଜଣକ ତାଙ୍କ ମାମୁଁ ଘରକୁ ବୁଲି ଯାଇଥିଲେ। ଶନିବାର ସାରେ ସେ ଗାଁର ଗଣେଶ ପୂଜା ମଣ୍ଡପ ପାଖରେ ଠିଆ ହୋଇଥିଲେ। ପୂଜା ମଣ୍ଡପରେ ଲଗାଯାଇଥିବା ସାଉଣ୍ଡ ବକ୍ସରେ ଅତ୍ୟଧିକ ସାଉଣ୍ଡରେ ଗୀତ ବାଜୁଥିଲା। ଶଙ୍କର ସାଉଣ୍ଡ କମ୍‌ କରିବାକୁ କହିବାରୁ ସେଠାରେ ଉପସ୍ଥିତ ଥିବା ନାବାଳକ ଜଣକ ମନା କରିଥିଲେ। ଫଳରେ ଉଭୟଙ୍କ ମଧ୍ୟରେ ଯୁକ୍ତିତର୍କ ହେବା ସହ ଧସ୍ତା ଧସ୍ତି ହୋଇଥିଲା। ଏଥିରେ ଉତ୍ତେଜିତ ହୋଇ ନାବାଳକ ଜଣକ ଶଙ୍କରଙ୍କୁ ଏକ ଠେଙ୍ଗାରେ ଆକ୍ରମଣ କରିବାରୁ ତାଙ୍କ ମୁଣ୍ଡ ଫାଟିଯିବା ସହ ବାମ ଗୋଡ଼ ଭାଙ୍ଗି ଯାଇଥିଲା। ଶଙ୍କରଙ୍କୁ ଚିକିତ୍ସା ପରେ ସେ ପାଟପୁର ଥାନାରେ ଏତଲା ଦେଇଥିଲେ। ପୋଲିସ ଅଭିଯୋଗକୁ ଭିତ୍ତି କରି ତଦନ୍ତ ପରେ ଆକ୍ରମଣରେ ବ୍ୟବହୃତ ଠେଙ୍ଗାକୁ ଜବତ କରିଛି।