୯୦ ବର୍ଷ ଧରି ଓଡ଼ିଶା ଜୁଏଲେରି ବଜାରରେ ‘ଟ୍ରେଣ୍ଡ ସେଟର’ ପାଲଟିଛି ଖିମ୍‌ଜୀ ଦୟାଭାଇ ଗ୍ରୁପ

ଭୁବନେଶ୍ୱର,୨।୧୦: ଆବହମାନ କାଳରୁ ସୁନା ଓ ଅନ୍ୟାନ୍ୟ ମୂଲ୍ୟବାନ୍‌ ଧାତୁ ନିର୍ମିତ ଗହଣା ଚାହିଦା ଭାରତୀୟ ପରମ୍ପରାର ଅଂଶ ହୋଇ ରହିଆସିଛି । କିନ୍ତୁ ସମୟାନୁସାରେ ଅଳଙ୍କାର ପ୍ରସ୍ତୁତିର ତରିକା ବଦଳିବା ସହ ଗ୍ରାହକମାନଙ୍କ ଚାହିଦାରେ ମଧ୍ୟ ପରିବର୍ତ୍ତନ ଘଟିଛି । ବିଶେଷକରି ପରିବର୍ତ୍ତିତ ଜୀବନଶୈଳୀକୁ ନେଇ ହାଲୁକା ଓ ନିତିଦିନିଆ ପିନ୍ଧିବା ଭଳି ଗହଣା ସହ ଡିଜାଇନ, ଲାବ୍‌-ଗ୍ରୋନ୍‌ ଡାଇମଣ୍ଡ ଏବଂ ୧୮ କ୍ୟାରେଟ କିମ୍ବା ୧୪ କ୍ୟାରେଟ ସୁନା ପ୍ରତି ଗ୍ରାହକମାନଙ୍କ ଆଗ୍ରହ ବଢ଼ିବାରେ ଲାଗିଛି । ଏହାସତ୍ତ୍ୱେ ୨୨ କ୍ୟାରେଟ୍‌ ସୁନାର ପାରମ୍ପରିକ ଗୁରୁତ୍ୱ ରହିବା ସହ ଗ୍ରାହକମାନେ ଗହଣାକୁ କେବଳ ପରମ୍ପରାର ପ୍ରତୀକ ନୁହେଁ, ବରଂ ନିଜ ରୁଚି ଓ ଷ୍ଟାଇଲ ପ୍ରକାଶ କରିବାର ଏକ ମାଧ୍ୟମ ଭାବେ ବିବେଚନା କରୁଛନ୍ତି। ଏହି କ୍ରମରେ ଗତ ୯୦ ବର୍ଷ ଧରି ଖିମ୍‌ଜୀ ଦୟାଭାଇ କୋ. ଗ୍ରୁପ୍‌ ଏହି ଧାରାକୁ ଆଗେଇ ନେଇଆସିଛି। ଏକ ଛୋଟ ପ୍ରୟାସରୁ ଆଜି ଏହି ବ୍ରାଣ୍ଡ ଓଡ଼ିଶାର ବିଶ୍ୱସ୍ତ ଜୁଏଲେରି ଗ୍ରୁପ୍‌ ଭାବେ ପ୍ରତିଷ୍ଠାଲାଭ କରିଛି। ଭୁବନେଶ୍ୱର ସମେତ ବାରିପଦା, ବାଲେଶ୍ୱର ଏବଂ ଭଦ୍ରକ ଭଳି ସହରରେ ଏହି ଗ୍ରୁପ୍‌ର ଷ୍ଟୋର ରହିଛି। ଏହି ପରିବର୍ତ୍ତନର ଏକ ଭଲ ଉଦାହରଣ ହେଉଛି ଖିମ୍‌ଜୀ ଦୟାଭାଇ କୋ. ଗ୍ରୁପ୍‌ର ‘ବାଲା’କଲେକ୍ସନ। ଓଡ଼ିଶାର ଗହଣା ପରମ୍ପରାରେ ବାଲାର ଏକ ବିଶେଷ ସ୍ଥାନ ରହିଛି। ୯୦ ବର୍ଷର ଏହି ଯାତ୍ରା କେବଳ ଗହଣା ଓ ଡିଜାଇନରେ ନୁହେଁ, ବରଂ ପିଢ଼ି ପରେ ପିଢ଼ି ଗ୍ରାହକଙ୍କ ସହ ଗଢ଼ିଉଠିଥିବା ଏକ ଦୃଢ଼ ସମ୍ପର୍କର ବିଷୟ ହୋଇଛି। ଏହି ସମ୍ପର୍କକୁ ସମ୍ମାନ ଜଣାଇ ଖିମ୍‌ଜୀ ଦୟାଭାଇ କୋ. ଗ୍ରୁପ୍‌ ନିଜର ୯୦ ବର୍ଷର ପୂର୍ତ୍ତି ଅବସରରେ ଏକ ନିଆରା ଅଭିଯାନ ଆରମ୍ଭ କରିଛି, ଯେଉଁଥିରେ ପିଢ଼ି ପରେ ପିଢ଼ି ଦୃଢ଼ତାର ସହ ବିଶ୍ୱାସ ଓ ଭଲପାଇବା ଦେଇଆସୁଥିବା ଗ୍ରାହକମାନଙ୍କୁ ହିଁ ବ୍ରାଣ୍ଡର ଫେସ୍‌ ଭାବେ ବ୍ୟବହାର କରାଯାଇଛି । ଏହି କ୍ୟାମ୍ପେନ୍‌ରେ କମ୍ପାନୀର ଗ୍ରାହକଙ୍କ ପ୍ରତି ଥିବା ପ୍ରତିଶ୍ରୁତିବଦ୍ଧତା, ସ୍ବଚ୍ଛତା ଓ ଭଲପାଇବା ସହ ବର୍ଷ ବର୍ଷ ଧରି କମ୍ପାନୀ ସହ ସେମାନଙ୍କ ସମ୍ପର୍କ ଓ ଅନୁଭୂତି ବିଷୟରେ ନିଜେ ଗ୍ରାହକମାନେ ମତ ଦେଇଛନ୍ତି । ଓଡ଼ିଶାର ଜୁଏଲେରି ବଜାରରେ ଗ୍ରାହକଙ୍କ ବାସ୍ତବ ଅନୁଭୂତିକୁ କେନ୍ଦ୍ରକରି ବ୍ରାଣ୍ଡର ୯୦ ବର୍ଷର ବିଶ୍ୱାସକୁ ପ୍ରକାଶ କରିବାର ଏହି ପ୍ରୟାସ ଏକ ନିଆରା ଓ ଅଭିନବ ପଦକ୍ଷେପ ।