DA Hike Alert: କେନ୍ଦ୍ରୀୟ କର୍ମଚାରୀଙ୍କ ପାଇଁ ବଡ଼ ଖବର: ୨୮ ଅକ୍ଟୋବରରେ ଡିଏ ଘୋଷଣା! କେତେ ବଢ଼ିବ ଦରମା?

ନୂଆଦିଲ୍‌ଲୀ,୨୫।୧୦:କେନ୍ଦ୍ରୀୟ କର୍ମଚାରୀ ଏବଂ ପେନସନଭୋଗୀଙ୍କ ଅପେକ୍ଷା ଆହୁରି ଲମ୍ୱା ହେବାରେ ଲାଗିଛି। ଜୁଲାଇ ୨୦୨୬ ପାଇଁ ମହଙ୍ଗା ଭତ୍ତା (DA) ଏବଂ ମହଙ୍ଗା ସହାୟତା (DR) ବୃଦ୍ଧି ନେଇ ସରକାରଙ୍କ ତରଫରୁ ଏପର୍ଯ୍ୟନ୍ତ କୌଣସି ଘୋଷଣା କରାଯାଇ ନାହିଁ। ଏବେ ସମସ୍ତଙ୍କ ନଜର ଆଗାମୀ ୨୮ ଅକ୍ଟୋବର ୨୦୨୬ କ୍ୟାବିନେଟ ବୈଠକ ଉପରେ ରହିଛି, ଯେଉଁଠାରେ କେନ୍ଦ୍ର ସରକାର ଡିଏ ବୃଦ୍ଧି ଘୋଷଣା କରିପାରନ୍ତି ବୋଲି ଆଶା କରାଯାଉଛି।

ସରକାରଙ୍କର ଏହି ଗୋଟିଏ ନିଷ୍ପତ୍ତିର ସିଧାସଳଖ ପ୍ରଭାବ ଦେଶର ପ୍ରାୟ ୧ କୋଟି କେନ୍ଦ୍ରୀୟ କର୍ମଚାରୀ ଓ ପେନସନଭୋଗୀଙ୍କ ପକେଟ ଉପରେ ପଡ଼ିବ। ଆସନ୍ତୁ ଜାଣିବା ଡିଏ ଘୋଷଣାରେ କାହିଁକି ବିଳମ୍ୱ ହେଉଛି ଏବଂ ଏଥର କର୍ମଚାରୀମାନଙ୍କୁ କେତେ ପ୍ରତିଶତ ବୃଦ୍ଧି ମିଳିପାରେ।

କର୍ମଚାରୀମାନେ ଆଶା କରିଥିଲେ ଯେ ଏଥର ଦୀପାବଳିର ବହୁ ପୂର୍ୱରୁ ଅର୍ଥାତ ଅକ୍ଟୋବର ପ୍ରଥମ ସପ୍ତାହରେ ହିଁ ଡିଏ ଉପହାର ମିଳିଯିବ, କିନ୍ତୁ ତାହା ହେଲା ନାହିଁ:

୬ ଅକ୍ଟୋବର ବୈଠକ: ମାସର ପ୍ରଥମ କ୍ୟାବିନେଟ ବୈଠକରେ ଡିଏ ଉପରେ କୌଣସି ନିଷ୍ପତ୍ତି ଆସିଲା ନାହିଁ।

୧୪ ଏବଂ ୧୬ ଅକ୍ଟୋବର: ୧୪ ଅକ୍ଟୋବର ବୈଠକରେ ରେଳ କର୍ମଚାରୀଙ୍କ ପାଇଁ ବୋନସ (Performance Linked Bonus) ଘୋଷଣା ହେଲା ଏବଂ ୧୬ ତାରିଖରେ ନନ-ପରଫରମାନ୍ସ ଲିଙ୍କ୍ଡ ବୋନସ ଘୋଷଣା କରାଗଲା, କିନ୍ତୁ ଡିଏ ବିଷୟରେ କଥା ଆଗକୁ ବଢ଼ିଲା ନାହିଁ।

୨୧ ଅକ୍ଟୋବର: ଏହି ଦିନ କ୍ୟାବିନେଟ ବୈଠକ ଅନୁଷ୍ଠିତ ହିଁ ହୋଇନଥିଲା, ଯାହା ପରେ କର୍ମଚାରୀଙ୍କ ନଜର ଏବେ ୨୮ ଅକ୍ଟୋବରର ସମ୍ଭାବ୍ୟ କ୍ୟାବିନେଟ ବୈଠକ ଉପରେ ରହିଛି।

ସାଧାରଣତଃ ଦେଖାଯାଇଛି ଯେ କେନ୍ଦ୍ର ସରକାର ନିଜର ବଡ଼ ତଥା ଗୁରୁତ୍ୱପୂର୍ଣ୍ଣ ନିଷ୍ପତ୍ତିଗୁଡ଼ିକ କ୍ୟାବିନେଟ ବୈଠକ ଦିନ ହିଁ ଘୋଷଣା କରିଥାନ୍ତି। ଯଦିଓ ଏହା କୌଣସି ଲିଖିତ ନିୟମ ନୁହେଁ, ତଥାପି ୨୮ ଅକ୍ଟୋବରରେ ଡିଏ ଘୋଷଣା ହେବାର ସର୍ୱାଧିକ ସମ୍ଭାବନା ଥିବା ବିଶ୍ୱାସ କରାଯାଉଛି।

ନୂଆ ରିପୋର୍ଟ ଏବଂ ତଥ୍ୟ ଅନୁଯାୟୀ, ଏଥର କେନ୍ଦ୍ର ସରକାର ମହଙ୍ଗା ଭତ୍ତାରେ ୩ ପ୍ରତିଶତ (୩%) ବୃଦ୍ଧି କରିପାରନ୍ତି। ବର୍ତ୍ତମାନ କେନ୍ଦ୍ରୀୟ କର୍ମଚାରୀମାନଙ୍କୁ ୬୦% ହାରରେ ଡିଏ ମିଳୁଛି। ପୂର୍ୱଥର ସରକାର ଏଥିରେ ୨% ବୃଦ୍ଧି କରିଥିଲେ, ଯାହାଦ୍ୱାରା ଏହା ୫୮%ରୁ ବୃଦ୍ଧି ପାଇ ୬୦% ହୋଇଥିଲା। ଯଦି ଏଥର ୩% ବୃଦ୍ଧି ଘଟେ, ତେବେ ମୋଟ ମହଙ୍ଗା ଭତ୍ତା ବୃଦ୍ଧି ପାଇ ୬୩%ରେ ପହଞ୍ଚିଯିବ।