ଇଣ୍ଟରନେଟ୍ ବ୍ୟବହାର ପ୍ରତ୍ୟେକ ବ୍ୟକ୍ତିଙ୍କ ପାଇଁ ମୌଳିକ ଅଧିକାର - ସୁପ୍ରିମକୋର୍ଟ
ନୂଆଦିଲ୍ଲୀ : ଇଣ୍ଟରନେଟ୍ ଉପଲବ୍ଧ ଓ ବ୍ୟବହାର ନେଇ ସୁପ୍ରିମକୋର୍ଟଙ୍କ ବଡ଼ ରାୟ । ଶନିବାର ଇଣ୍ଟରନେଟ୍ ବ୍ୟବହାରକୁ ପ୍ରତ୍ୟେକ ବ୍ୟକ୍ତିଙ୍କ ପାଇଁ ଏକ ମୌଳିକ ଅଧିକାର ବୋଲି କହିଛନ୍ତି ସୁପ୍ରିମ କୋର୍ଟ । ବ୍ୟବହାର ଉପରେ ବୟସ ସମ୍ବନ୍ଧୀୟ ନିଷେଧକୁ ପ୍ରତ୍ୟାଖ୍ୟାନ କରିଛନ୍ତି କରି କୋର୍ଟ କହିଛନ୍ତି , ପିଲାମାନଙ୍କର ମଧ୍ୟ ଏହି ଅଧିକାର ରହିଛି, ଏବଂ ସେମାନଙ୍କୁ ଏଥିରୁ ସମ୍ପୂର୍ଣ୍ଣ ଭାବରେ ବଞ୍ଚିତ କରିବା ଅନୁଚିତ। ଖଣ୍ଡପୀଠ ସ୍ପଷ୍ଟ କରିଛନ୍ତି ଯେ, ପିଲାମାନଙ୍କ ସୁରକ୍ଷା ଏବଂ ସେମାନଙ୍କର ସ୍ୱାଧୀନତା ପରସ୍ପର ବିରୋଧୀ ନୁହନ୍ତି, ପିଲାମାନଙ୍କର ଉଭୟ ଅଧିକାର ରହିଛି।
ସୋସିଆଲ୍ ମିଡିଆ ଏବଂ ଅନ୍ୟାନ୍ୟ ଅନଲାଇନ୍ ପ୍ଲାଟଫର୍ମରେ ଶିଶୁ ଯୌନ ନିର୍ଯାତନା ବା ସୋଷଣ ସମ୍ବନ୍ଧୀୟ ବିଷୟବସ୍ତୁ (CSEAM) ନେଇ ପ୍ରକାଶ ପାଇଥିବା ଚିନ୍ତାଜନକ ଆବେଦନର ଶୁଣାଣି କରି କୋର୍ଟ ଏହି ନିଷ୍ପତ୍ତି ଶୁଣାଇଛନ୍ତି। ବିଚାରପତି ଜେ.ବି. ପାର୍ଦିୱାଲା ଏବଂ ଜଷ୍ଟିସ୍ କେ. ବିନୋଦ ଚନ୍ଦ୍ରନଙ୍କୁ ନେଇ ଗଠିତ ଖଣ୍ଡପୀଠ ଏଭଳି ଆପତ୍ତିଜନକ ବିଷୟବସ୍ତୁକୁ ଚିହ୍ନଟ କରିବା ଏବଂ ସେଗୁଡ଼ିକୁ ହଟାଇବା ପାଇଁ ବ୍ୟବସ୍ଥାକୁ ଅଧିକ ମଜଭୁତ କରିବାକୁ ନିର୍ଦ୍ଦେଶ ଦେଇଛନ୍ତି ।
ସୁପ୍ରିମକୋର୍ଟ ସ୍ୱୀକାର କରିଛନ୍ତି ଯେ, ପିଲାମାନଙ୍କ ଇଣ୍ଟରନେଟ୍ ବ୍ୟବହାର ଉପରେ କଟକଣା ଲଗାଇବା ଦ୍ୱାରା ପ୍ରତିକୂଳ ପରିଣାମ ଦେଖାଯାଇପାରେ। ପ୍ରତିବନ୍ଧକ ସତ୍ତ୍ୱେ ପିଲାମାନେ ଲୁଚିଛପି ଇଣ୍ଟରନେଟ୍ ବ୍ୟବହାର କରିପାରନ୍ତି ଏବଂ ଅନିୟନ୍ତ୍ରିତ ବା ସୁରକ୍ଷିତ ନଥିବା ପ୍ଲାଟଫର୍ମଗୁଡ଼ିକୁ ପ୍ରବେଶ କରିପାରନ୍ତି, ଯାହା ଅଧିକ ବିପଦ ସୃଷ୍ଟି କରିଥାଏ । ଏହାସହିତ କଠୋର ପ୍ରତିବନ୍ଧକ ଯୋଗୁଁ ପିଲାମାନେ ଅନଲାଇନ୍ ଧମକ କିମ୍ବା ଶୋଷଣ ବିଷୟରେ ନିଜ ପିତାମାତା କିମ୍ବା ବିଶ୍ୱସ୍ତ ବ୍ୟକ୍ତିଙ୍କୁ ଜଣାଇବାକୁ ଭୟ କରିପାରନ୍ତି ।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ SAMAYA - ସମୟ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି SAMAYA - ସମୟ ଦେଖନ୍ତୁ।
