Health: ଫ୍ରାନ୍ସରେ ପ୍ରଥମ ଇବୋଲା ରୋଗୀ ଚିହ୍ନଟ, ସ୍ୱାସ୍ଥ୍ୟ ବିଭାଗ ସତର୍କ

ପ୍ୟାରିସ: ଫ୍ରାନ୍ସରେ ପ୍ରଥମ ଥର ପାଇଁ ଜଣେ ଇବୋଲା ଆକ୍ରାନ୍ତ ରୋଗୀ ଚିହ୍ନଟ ହୋଇଥିବାରୁ ଦେଶର ସ୍ୱାସ୍ଥ୍ୟ ବିଭାଗ ସତର୍କ ହୋଇଯାଇଛି। ସ୍ୱାସ୍ଥ୍ୟ ଅଧିକାରୀମାନେ କହିଛନ୍ତି ଯେ, ଆକ୍ରାନ୍ତ ବ୍ୟକ୍ତି ନିକଟରେ ଏମିତି ଏକ ଅଞ୍ଚଳରୁ ଫ୍ରାନ୍ସକୁ ଆସିଥିଲେ, ଯେଉଁଠାରେ ଇବୋଲା ସଂକ୍ରମଣ ଦେଖାଯାଇଥିଲା। ରୋଗୀଙ୍କୁ ତୁରନ୍ତ ଏକ ବିଶେଷ ଚିକିତ୍ସା କେନ୍ଦ୍ରରେ ଭର୍ତ୍ତି କରାଯାଇ ଚିକିତ୍ସା ଚାଲିଛି। ଏହା ସହିତ ସେ କାହା କାହା ସଂସ୍ପର୍ଶରେ ଆସିଥିଲେ, ତାହାର ମଧ୍ୟ ତଦନ୍ତ ଚାଲିଛି। ଆବଶ୍ୟକ ହେଲେ ସେମାନଙ୍କୁ ଅଲଗା ରଖିବା ବ୍ୟବସ୍ଥା ମଧ୍ୟ କରାଯିବ।

ଫ୍ରାନ୍ସ ସରକାର ସ୍ପଷ୍ଟ କରିଛନ୍ତି ଯେ, ବର୍ତ୍ତମାନ ପରିସ୍ଥିତି ନିୟନ୍ତ୍ରଣରେ ରହିଛି ଏବଂ ସାଧାରଣ ଲୋକଙ୍କ ପାଇଁ ତୁରନ୍ତ କୌଣସି ବଡ଼ ବିପଦ ନାହିଁ। ତଥାପି ସତର୍କତାମୂଳକ ପଦକ୍ଷେପ ଭାବେ ବିମାନବନ୍ଦର, ହସ୍ପିଟାଲ ଓ ଅନ୍ୟ ସ୍ୱାସ୍ଥ୍ୟ କେନ୍ଦ୍ରଗୁଡ଼ିକରେ ନିରୀକ୍ଷଣ ବଢ଼ାଯାଇଛି। ବିଶେଷଜ୍ଞମାନେ କହିଛନ୍ତି ଯେ, ଶୀଘ୍ର ଚିହ୍ନଟ ଓ ରୋଗୀଙ୍କୁ ପୃଥକ୍ ରଖିବା ଫଳରେ ସଂକ୍ରମଣ ବ୍ୟାପିବାର ଆଶଙ୍କା ବହୁତ କମିଯାଇଛି। ବିଶ୍ୱ ସ୍ୱାସ୍ଥ୍ୟ ସଂଗଠନ ଓ ଫ୍ରାନ୍ସର ସ୍ୱାସ୍ଥ୍ୟ କର୍ତ୍ତୃପକ୍ଷ ପରିସ୍ଥିତି ଉପରେ ଘନିଷ୍ଠ ନଜର ରଖିଛନ୍ତି।

Ebola Bundibugyo Vaccine:୨୦୨୬ ଶେଷ ସୁଦ୍ଧା ଇବୋଲା ବୁଣ୍ଡିବୁଗିଓ ଟିକା, ପ୍ରତିଶ୍ରୁତି ଦେଲା ଆଫ୍ରିକୀୟ ସଂଘ ସ୍ବାସ୍ଥ୍ୟ ଏଜେନ୍ସି

ଇବୋଲା ଏକ ଅତ୍ୟନ୍ତ ଗୁରୁତର ଭୂତାଣୁଜନିତ ରୋଗ। ଏହା ଆକ୍ରାନ୍ତ ବ୍ୟକ୍ତିଙ୍କ ରକ୍ତ, ଶରୀରର ତରଳ ପଦାର୍ଥ କିମ୍ବା ସଂକ୍ରମିତ ବସ୍ତୁ ସହ ସଂସ୍ପର୍ଶରେ ଆସିଲେ ବ୍ୟାପିପାରେ। ଜ୍ୱର, ମୁଣ୍ଡବିନ୍ଧା, ଶରୀରବିନ୍ଧା, ବାନ୍ତି ଓ ରକ୍ତସ୍ରାବ ଏହାର ପ୍ରମୁଖ ଲକ୍ଷଣ। ଠିକ୍ ସମୟରେ ଚିକିତ୍ସା ନ ମିଳିଲେ ଏହା ପ୍ରାଣଘାତୀ ହୋଇପାରେ।