Pakistan LPG Gas Crisis: ପାକିସ୍ତାନରେ ହାହାକାର! ୭ ହଜାର ଟପିଲା LPG ସିଲିଣ୍ଡର ଦାମ୍, ଚୁଲି ଜଳିବା ହେଲା ମୁସ୍କିଲ୍

ପାକିସ୍ତାନକୁ ବର୍ବାଦ କରିଦେଲା ଇରାନ୍।

୭ ହଜାର ଟପିଲା ଗ୍ୟାସ୍ ସିଲିଣ୍ଡର ଦାମ୍।

ଘରେ ଜଳୁନି ଚୁଲି, ରୋଜଗାର ବି ଠପ୍ !

କାଙ୍ଗାଳ ପାକିସ୍ତାନର ଦୁଃଖ ଯେମିତି ସରିବାର ନାଁ ଧରୁନି ।

ପୂର୍ବରୁ ମାନ୍ଦାବସ୍ଥା ଓ ଋଣ ବୋଝରେ ଚାପି ହୋଇଥିବା ପାକିସ୍ତାନରେ ପଡିଛି ମହାସଙ୍କଟ ।

ଏଥର ପାକିସ୍ତାନକୁ ପାନେ ଦେଇଛି ଇରାନ୍ ।

ଦୁଇ ଦେଶ ମଧ୍ୟରେ ଥିବା ବର୍ଡର କ୍ରସିଂକୁ ଇରାନ୍ ବନ୍ଦ କରିଦେଇଛି ।

ଯାହାଫଳରେ ଆଉ ପାକିସ୍ତାନକୁ ଆସିପାରୁନି ଏଲପିଜି ଗ୍ୟାସ୍ ।

ଇରାନ ସୀମାରେ ପାକିସ୍ତାନର ଶହ ଶହ ଏଲପିଜି ବୋଝେଇ ଟ୍ୟାଙ୍କର୍ ଅଟକି ରହିଛି ।

ଆଉ ଯାହାର ସିଧାସଳଖ ପ୍ରଭାବ ପଡିଛି ପାକିସ୍ତାନୀଙ୍କ ଖାଦ୍ୟ ଥାଳିରେ ।

Advertisment ପାକିସ୍ତାନରେ ୧୨ କିଲୋଗ୍ରାମ ସିଲିଣ୍ଡର ଦାମ୍ ୭ ହଜାର ଟଙ୍କା ଟପିଛି ।

ଭୋକିଲା ପେଟରେ ଶୋଉଛନ୍ତି ଗରିବ ଦିନମଜୁରିଆ ।

ଅନେକ ପରିବାରରେ ଦିନକୁ ତିନି ଓଳି ବଦଳରେ କେବଳ ଦୁଇ ଓଳିର ଖାଦ୍ୟ ରନ୍ଧା ହେଉଛି ।

ଲୋକେ ଗ୍ୟାସ୍ ଛାଡି ଜାଳେନି କାଠ ଓ କୋଇଲାରେ ରୋଷେଇ କରିବାକୁ ବାଧ୍ୟ ହେଉଛନ୍ତି ।

ବିଶେଷକରି ଲାହୋର ସହରର ଅବସ୍ଥା ସବୁଠୁ ଅଧିକ ସଙ୍ଗୀନ ।

ଯେଉଁଠି ହଜାର ହଜାର ଅଟୋ ରିକ୍ସା ଗ୍ୟାସ୍‌ରେ ହିଁ ଚାଲେ ।

ଗ୍ୟାସ୍ ଦର ଆକାଶଛୁଆଁ ହେବା ଯୋଗୁଁ ରିକ୍ସା ଚାଳକଙ୍କ ରୋଜଗାର ଠପ୍ ହୋଇଯାଇଛି ।

ଅକ୍ଟୋବର ୧୭ ତାରିଖରୁ ଇରାନ ଓ ପାକିସ୍ତାନ ମଧ୍ୟରେ ଥିବା ଗବ୍‌ଦ-ରିମ୍‌ଦାନ୍ ଓ ତାଫ୍‌ତାନ୍ ସୀମା ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ବନ୍ଦ ରହିଛି ।

ପାକିସ୍ତାନ ପୂର୍ବରୁ ଇରାନରୁ ଦୈନିକ ୭୦୦୦ ମେଟ୍ରିକ ଟନ୍ LPG ଆମଦାନୀ କରୁଥିଲା, ଯାହା ଏବେ ସମ୍ପୂର୍ଣ୍ଣ ବନ୍ଦ ।

ସୀମା ବନ୍ଦ ପଛରେ ଇରାନ୍ ଟେକ୍ନିକାଲ୍ ସମସ୍ୟାର ବାହାନା ଦେଉଥିବା ବେଳେ ସୁରକ୍ଷା ଓ ଚୋରା ଚାଲାଣ ଦୃଷ୍ଟିରୁ ସୀମା ବନ୍ଦ କରାଯାଇଥିବା ପାକିସ୍ତାନ କହିଛି ।

ହେଲେ ବାସ୍ତବରେ ଏହା ପଛରେ ପାକିସ୍ତାନ ଓ ଇରାନ ମଧ୍ୟରେ ତିକ୍ତତା ଥିବା କଥା ଚର୍ଚ୍ଚା ହେଉଛି ।

Advertisment