ODISHA TV - ଓଡିଶା ଟିଭି

Aska Flood Situation: ବନ୍ୟା ଛାଡ଼ିଗଲା ଦୁଃଖର ପାହାଡ଼! ଗାଁରେ ଭାଙ୍ଗିଛି ଘର, ଉଜୁଡ଼ିଛି ଜୀବନ

pradeeptripathy

Nov 03, 2026 - 11:39

Aska Flood Situation: ବନ୍ୟା ଛାଡ଼ିଗଲା ଦୁଃଖର ପାହାଡ଼! ଗାଁରେ ଭାଙ୍ଗିଛି ଘର, ଉଜୁଡ଼ିଛି ଜୀବନ

କେଉଁଠି ବିରାଟ ଖାଲ, ଆଉ କେଉଁଠି ଭାଙ୍ଗିପଡ଼ିଛି ଇଲେକ୍ଟ୍ରିକ୍ ପୋଲ୍ ।

ଗାଁ ତ ନୁହେଁ, ଯେମିତି ଅଳିଆ ଗଦାର ଭ୍ରମ ସୃଷ୍ଟି କରୁଛି ।

ରାସ୍ତା ଗୁଡ଼ାକ ପଚପଚ କାଦୁଅ ।

ଗଞ୍ଜାମ ଜିଲ୍ଲା ଆସ୍କା ବ୍ଲକର ଜାହାଡ଼ା ଗାଁ ।

ଏଇଠି ବନ୍ୟା ତାଣ୍ଡବ ରଚି ଗାଁ ଦାଣ୍ଡକୁ ଖିନଭିନ୍ କରିଦେଇଛି ।

ଆଉ ଲୋକଙ୍କ ଘରର କଥା ତ ନକହିବା ଭଲ ।

କାହାକୁ ବାସ ହରା କରିଛି ତ ପୁଣି କିଏ ତା'ର ସବୁ ସାଇତା ଧନକୁ ଏଇ ବନ୍ୟା ପାଣିରେ ହରାଇଛି ।

ଘର ଭିତରେ ପାଣି ପସି ଏମାନଙ୍କ ଜୀବନକୁ ଦୁର୍ବିଶ କରିଦେଇଛି ।

ବନ୍ୟା ଆସି ଏମାନଙ୍କୁ ଦୁଃଖ ଦେଇ ଚାଲିଯାଇଛି ।

ଖାଇବାକୁ ଘରେ ଗଣ୍ଡେ ଚାଉଳ ବି ନାହିଁ ।

କି ସଞ୍ଜ ନଇଁଲେ ଏମାନଙ୍କ ଘରେ ଆଲୁଅ ବି ଜଳୁନି ।

ବିଦ୍ୟୁତ ଖୁଣ୍ଟ ଭାଙ୍ଗି ପଡ଼ିବା ପରେ ବିଦ୍ୟୁତ୍ ସରବରାହ ବି ଠପ୍ ହୋଇଛି ।

କେବେ ଠିକ୍ ହେବ ତା' କହାକୁ ଜଣାନାହିଁ ।

ପ୍ରଶାସନ ଏନେଇ ପଦକ୍ଷେପ ନେଉଥିବା ବେଳେ ଏମାନଙ୍କ କଷ୍ଟ କିନ୍ତୁ ଏଯାଏଁ ସରିନି ।

ସରକାର ଓ ପ୍ରଶାସନ ଏ ଦିଗରେ ପଦକ୍ଷେପ ନେଇ ଖୁବ୍ ଶୀଘ୍ର ସହାୟତା ଯୋଗାଇ ନୋକୁ ଗ୍ରାମବାସୀ ଦାବି କରିଛନ୍ତି ।

ଚାଲିଯାଇଛି ବନ୍ୟ ।

ହେଲେ ଛାଡ଼ିଯାଇଛି ଦୁଃଖର ଚିହ୍ନ ।

ସେହି ଦୁଃଖର ଚିହ୍ନକୁ ଲିଭାଇ ଆଗକୁ ବଢ଼ିବାକୁ ଚେଷ୍ଟା ଜାରି ରଖିଛନ୍ତି ଜାହାଡ଼ା ଗାଁର ଲୋକେ ।

Advertisment

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ ODISHA TV - ଓଡିଶା ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ODISHA TV - ଓଡିଶା ଟିଭି ଦେଖନ୍ତୁ।